Citation :

Mes parints is habitottent nin loin de l'Auchan de Roncq

Les mins aussi, au Dronckaert, et mi rue de Tunis.

J'vas à Auchan Roncq depuis qu'cha existe.Cha a bin changé ..

Oué et j'ai intindu dire qu'il l'avote agrandit ché derniers jours !!

Et ché même " Gerard " qu'a venu l'inauguré !

Gérard .....ch'ti qu'est parti in belgique ...protéger ses sous !!!!

Citation :

Oué et j'ai intindu dire qu'il l'avote agrandit ché derniers jours !!

Ouais ils ont maintenant un service de commande sur internet, y fot pu faire la queue au caisses mais à l’enlèvement des commandes..

Bon mi ,j'arviens au sujet de l'discution, ichi in a des draches d'puis mercredi. In pus in a un arnu d'puis tros heures du matin cha fait qu'à s't'heure l'terre alle n'bot minme pus l'ieau qui qué du ciel. In ravisse nous gardins d'un air désolé ches arpes ,ches fleurs tout i est couqué mes poires alles quéttent par tierre ... et comme l'météo alle annonche de l'pleufe cor jusqu'à vendredi prochain bin in va peut ête avoir l'drot aux innondations in juin c't'année

In a gramin d'soleil, mais aussi un vent du Nord, bin agréable..Cha devro changer demain...In verra bin...

J'me suis dit in va raviser ché pétotes si ché bon !!

Ben am n'idée que cha pas l'air mal du tout !!!

J'na mis ed 2 sortes des rosabel et des Charlottes

Cha séra Pdt a liau forchémint les 1ére ...manquero pu qu'cha !! Avec une bonne omelette au lard ...et pi del salatte du gardin aussi

Ch'est un bieau début d'récolte,de belles pemmes-tierre que t'as là!
à l'ieau avec un sauret,ch'est bon aussi,j'in guile...

Ichi aussi i fait caud l'ardéche 30° in s'met a l'abrit surtout d'in l'aprés midi, cha va pas durer!!!!!!!!!!!!!in va bin avoir un orage.l'été approche eh ouais j'aime pon trop l'grosse caleur ché par là qu'in arconnos les gins du nord.

Ici aussi il fait chaud et c'est dommage car moi non plus je n'aime pas la chaleur, mais bon je ne me plains pas trop car j'ai un jardin avec beaucoup d'ombre, en ce moment Papychti prend le frais en surveillant l'arrosage :printemps: :escargot:

Roger a écrit:

Ch'est un bieau début d'récolte,de belles pemmes-tierre que t'as là!
à l'ieau avec un sauret,ch'est bon aussi,j'in guile...

Oué oué ché vrai ....

Et in salatte avec un Rollmops ...hein ....Oulla

à calonne y pleut,ch'est parti pour toute el journée

Y'avot gramin d'nuaches hier soir, mais j'ai quand même vu l'éclipse ène paire d'minutes à la fin.
In vint aussi d'avir ène grosse drache, juste au momint qu'chés gosse y sont sur l'chemin d'l'école..

Merci flersois j'n'ai pas vu l'éclipse ,je ne l'savos minme pas du cop grace à ti j'vais avoir l'air moins bête In tout cas l'imache alle est bin bellotte

Merci Flersois, belle photo.
Hier j'a oublié d'raviser, je n'savos pas à quelle heure ch'étot, ch'matin in m'a dit qu'ch'étot in fin d'soirée, j'auros pus printe des photos aussi passe que ch'est pas souvint qu'cha arriff'.

Tcheu terril que ch'est derrière tin cat?

Batisse t'arconos pon l'pic st loup.

Le cat i est bieau...

Ouais ch'est min terril à mi, et chés vignes, is sont pas d'sus comme à Haillicourt, mais à ses pieds.
J'ai cor jamais essayé de l'déchinte sus in couverque ed lessiveusse.
Ha! t'as vu min cat i est biau hein! et i est gintil tout plein, et ses poils sont pas trop longs, in peut pas li in'lver in marchant d'sus, comme quiqu'un qui avot eun' fos fait à min tchien Shirley.

Mi ch'est parel. Je chus gintil comme tout et pour arrachi les poils de m'tiête, i faut déjà réussir à in trouver....

Dis donc, t'as eu des ennuis de prostate hier que t'as invoyé des messaches à des heures que tertous i ronfèle?

Bin j'avos pas vu l'heure, mais ch'matin à 6h et quart j'étos d'jà d'bout comme d'hab.

I est maboule

Acoute, te fais comme te veux hein, mais arwette par eximple André, qu'i est bin parti pour rimplachi Jeanne Calment dins le livre guinness des records... Eh ben André i fait au moins 6 siestes par jour.

Bon, j'in arviens incore eune fos au sujet (parce que je ne sais nin si que vous avez armarqué, mais in a passé de l'séqueresse à ses insomnies prostatiques à Marcel).

Je ne chus nin sincier mais i me simble qu'in nous a incore eune fos raconté des craques.

Ch'est vrai qu'i a fait sec au mos d'avril. A l'télé is nous ont moutré des sinciers bin sélectionnés qui avottent des camps bin secs, d'ùche que rin ne poussot. Ch'est tout juste si qu'in nous a nin causé de famine. In tous les cas, in nous a prévenus que cha serot sur que les prix des nouilles et des oeufs is allottent grimper.

Pour comminchi, l'prix de l'viante i baisse. I parait. J'in acate nin grammint du boeuf, vu que là aussi i a eune arnaque: ch'est un animal qui chinge de sexe in mourint. A cause des OGM? Va savoir.

Bref, j'ai traversé nou bieau pays d'est in ouest, aller retour cheule semaine, et i me simble que les céréales elles se portent fin bin. Des fos je m'a arrêté pour pichi un cop, et ch'est bin épais et in pleine sinté (les épis...). Dins les camps de maïs, in vot qu'i a des épis qui ont pris lu timps pour sortir, par rapport à lus copains du même camp, mais tout i pousse.

J'ai vu des camps de pennes tierre superbes. Des camps de lin magnifiques. Des vaques in pleine forme. Des pâtures à foin avec de l'herpe bin haute.

Et dins le poste i a des espécialisses qui expliquottent que toute l'flotte qu'elle tchait, ch'est les feules des plantes qui la bovtent. In prind les gins pour des babaches: in versint un litre d'ieau chu eune salate, elle ne va nin peser un kilo de puq énon?

Infin bon, je ne sais quo qu'in gagne à rinte les gins nerveux.

Imaginez un cop que l'germe d'écolidl i s'artrouve à Rungis... Tcheu brun que cha serot!

In tous les cas i a un expert payé avec nous impôts qui a osé dire qu'i n'avot aucun risque avec les crudités à partir du momint qu'elles sont cuites!

In vit eune époque incroyape

s' qui vous dit pas batisse ché qui s'est arrêter pour picher dins un.... bistrot i in a profité pour s'in mette un dins l' cornet