Salut mes gins,

Cha faijot eune paire de jours que je couvos un rhume ou eune grippe, mais à m'mote que le plus gros de l'alerte i est passé. Hier j'ai passé eune bonne partie de m'journée à min lit avec un pul à col roulé et un bonnet chu m'tiête, et aujord'hu cha va grammint miux.

Vous faites quo vousautes tchand que vous êtes touchés par cheule saloperie?

Mi je marche grammint à l'al, au poreau, à l'oignon et pis tout cha. Et pis au bain archi caud.
In fait je m'ai acaté eune botte de poreaux. Avec les verts j'ai fait de l'soupe pratiquemint mitan poreaux mitan oignons, avec eune grosse grosse pointe d'al. Avec les blancs j'ai fait du blanc de poreaux - ouais... - et surtout j'ai récupéré le jus, que j'ai tout bu. Cha fait bin éliminer.

Et ch't'au soir, pour porter l'estocade, j'ai fait des moules, incore eune fos avec grammint d'oignons et d'al - l'autre mitan de l'tiête, que ch'étot eune grosse.... Cha pis l'ieau salée des moules (avec de l'crême et du curry, in bot cha comme de l'soupe) à m'mote que ches micropes is se sont arsauvés au plus loin qu'is peuvtent.

Armarquez, i arot eune guernoule dins min lit qu'elle s'arsauverot probablemint aussi...

Min cat i dot avoir un filtre chu sin nez, parce qu'i cotinue à venir chu mi comme si de rin n'étot. Ch't'eune brave biête. In douche, ch'est costaud un cat. Je me demindos si qu'i allot passer le nouviel an, eh ben i est toudis là. A m'mote qu'i va atteindre le cap de ses 18 ins, in avril. Incroyape!

j'ai connu un type quand j'éto imployé au écritures poir eune société transports quand i avo un rhume ou la gripp,.i buvo 10 d'mis et i allo s' couquer l' lend'main i éto guéri.
ché pas eune cacoule.
ché vrai qui n'attindo pas d'ete malate pour ingurgiter d'el bière

Mi j'prinds un grog bin caud mélangé avec du citron et un sachet d'eune séquo conte mal d'tiête et l'timpérature (j'dis pas l'nom pou pas faire d'pub , pis cha dépind de c'que jai sous l'main) et j'vas m'couquer avec au moins tros couvertures pou bin suer... in principe les micropes is s'saufent....

J'cros que nou grind chef à pleumes i dot ête li aussi in train d'suer sous chés couvertures pace qu'in l'a pas vu d'pis tros jours...
ROGERRRRRRRRRR commint té vas ????????????

Rin qu'à vous lire j'c'minche à éternuer AAAAAAAAAAATCHOUUUUUUUMM

N'oblie pas d'mette tes cauchettes pou dormir....

Ch'est vrai que ch'est des situations qu'i vaut mieux oblier l'érotisse...

Citation :

J'cros que nou grind chef à pleumes i dot ête li aussi in train d'suer
sous chés couvertures pace qu'in l'a pas vu d'pis tros jours...

T'as tout bon tiote bellotte!
tout ch'week end intre l'salon et WC!
J'ai chi eu, eun' bonne gastro
Aujourd'hui,cha va miux...

Bon j'va pas m'répéter tous les ans hein!
Batisse j't'ai d'jà dit que j'avos min remète et que quand j'sintos que j'avos pris un cop d'frod, j'faisos bouillir du lait avec deux, tros gousses d'al copés un morciaux, j'passos cha avec eun' passoire, j'métos du chuque (pou donner un meilleux goût), un cachet d'aspirine et hop dins min lit, in ayant soin ed mète eun' grante serviette ed bain sus ch'mat'las.
Comme cha té transpires tout l'nuit et l'len'dmain t'es frais et dispo.
Bon té fais comme té veux, mais je l'dirai pus.
Ch'est min remète et je l'garte

Roger cha s'dit cha "j'ai chi eu" comme j'ai quéu alors.

Et pourquo que te passes cha avec eune passoirte marcel? Mi j'aros plutôt tindinche à passer tout cha au mixer pour bin tout ravaler.

Quo qu'ch'est qui reste dins t'passoire?

Promis, le prochain cop que je chus malate, je pinserai à ti.

Infin, si que ch'est un rhume ou eune grippe. Si j'ai la drisse, je pinserai à roger.

Ch'est pour de rire hein roger.... tcheu brun...

Bin ichi ej cros aussi que j'ai du attraper l'virus ed ché pon quo ?
Rin qu'à vous lire m'n'angine alle devient grippale....
Ej vais m'faire cauffer de l'iau aveuc du chitron et du miel...et j'vais in boire gramint d'cop et après ej vais m'faire in gargarisme aveuc de l'iau caute et du sel.....Min virus i dot partir...
Et après ej sus dins ch'l'évier....
In véra d'main....
A bétôt ou à jamais....

Bin mi j'sais pas commint j'fais pou résister à tous chés micropes, -l'premi qui dit que l'mauvaisse graine ch'est résistant, i a eune margnouffe- cha fait tros semaines qu'j'ai toudis un tiot d'malate, l'semaine passée i manquot pus d'50 infants in primaire et pus d'20 in maternelle (du jamais vu, mi qui fréquente l'école d'pis pus d'20 ins !), ch'est l'hécatompe chez les maitresses aussi, in pus i a pu d'rimplaçants d'disponipe alors pour chés pus jones in s'débroulle intre chez grinds-parints, chés "nounous" ou parints disponipes quind is sont pas malates nin pus !
ch'étot pas l'in passé que cha devot ête catastrophique ? hein !

LYLY a écrit:

Bin ichi ej cros aussi que j'ai du attraper l'virus ed ché pon quo ?
Rin qu'à vous lire m'n'angine alle devient grippale....
Ej vais m'faire cauffer de l'iau aveuc du chitron et du miel...et j'vais in boire gramint d'cop et après ej vais m'faire in gargarisme aveuc de l'iau caute et du sel.....Min virus i dot partir...
Et après ej sus dins ch'l'évier....
In véra d'main....
A bétôt ou à jamais....

Et k'min qu'cha s'appelle tin médicament ? Y'é dins l'liste des 77 qui sont suveillés ?

quoqu'ché qu'te fais dins tin l'évier lyly? té prinds un bain d'pieds?
ché pon à t'gorge qu't'as du mau?

Des gargarismes aveuc de l'iau et du sel.....Rin de tel.....

Ti t'as de l'veine: pour faire cha t'as qu'à mettre tin caneçon de bain, aller prindre un bain à la mer in face de chez ti, et boire eune tasse!

Pour nousautes ch'est plus dur: i faut acater l'sel.

Bon, à part cha, camanette elle a été plus vite que mi: quo qu'ch'est que te vas aller faire dins tin lévier? Un bain de pids au produit à vaisselle?

Quo qu'i in dit t'n'homme - jojo, ch'est cha? - tchand qu'i te vot ainsi dins tin lévier? I ne dot nin rigoler tous les jours ch'paufe garchon. Misère...

Ch' est de l' prévintion qu'i faut faire, i faut pas daller tout nu dins les courants d' air in hiver.

Bonjour PPPB, té vas bien ti, t'as pon attrapé l'grippe j'espère.
Batisse i m'artaquine "comme d'hab". Batisse t'as déjà fait des gargarismes. Té dos mette l'iau salée au fond de'tgorche sans l'avaler surtout et après té fait un bruit que chérot pon écrire ichi...
genre rou rou rou ou gri gri gri ou ra ra ra enfin comme té veux;
ensuite t'arcrache tout dins l'évier ou eune bassine in plastique si t'as pon d'évier. Après t'arcomminche cor un cop ou deux cop...et surtout arcrache bien tout....in principe ché micropes i s'involent aveuc l'iau et l'sel....ej dis bien in principe...
Hier j'ai pris eune grosse pugnie d'thym et ej l'ai fait bouillir dins de l'iau; j'ai récupèré l'tisane et j'rajoute du miel et du chitron et j'bos cha en fermant mes yux... parce que ché pon fort bon....
vlà l'dallache à mon lyly inch'momint....

Batisse i est pétète pas malate, i voudrot s' faire amicloter par les guernoules! ! ! !
Cha va Lyly ....... mi j' comminche à clicailler d' tout partout ! ! ! ! mais j' sus pas malate, ch' est d' l'usure ! ! ! !

Ouais lili, ch'est bin de faire le coulon avec de l'ieau salée dins t'bouque, mais te ne nous as toudis nin expliqué quo que te fais avec tes pids dins tin lévier.

Alors, siouplait, raconte.

Euh... pour t'n'info, j'ai un lévier. Ch'est donc nin la peine que je crache dins eune bassine? Et si que j'avos nin de lévier, je la videros où la bassine? Chu l'feumier? Ch'est nin plus simple de crachi direct chu le feumier?

T'es bin eune guernoule ti: in dirot que vous ne savez nin quo invinter pour faire de l'vaisselle...

Faudro cor avoir du fumier dins sin gardin....A Malo in a pon l'drot..Au fait n'oubliez pon d'arlaver vou évier à l'iau d'javel après parce ché micropes i risquerotent déhutter...
In principe in va avoir des composteurs à Malo donc là ej pourro pétète l'mette ed'dins....

Finalemint Roger i dot ête contint que j'sus malate parce que du cop ej viens souvint ichi...et toute fièvreusse in pus....

LILI, QUO QUE TE FAIS AVEC TES PIDS DINS TIN LEVIER?

Terripe cheule-là!

LYLY a écrit:

Au fait n'oubliez pon d'arlaver vou évier à l'iau d'javel après parce ché micropes i risquerotent déhutter...
In principe in va avoir des composteurs à Malo donc là ej pourro pétète l'mette ed'dins....

Te vas mettre tin lévier dins tin composteur? Je ne chus nin sur qu'i est biodégradape...

Au fait, pour l'énnième fos: quo qu'ch'est que te fais avec tes pids dins tin lévier que te cros compostable?

EJ PRINDS UN BAIN D'PIDS POUR QUE CHE MICROPES I ARMONTENT DIN MI.
IN SOIGNE COMME IN PEU ET COMME IN VEUT...NA TE CONTINT....