Cha f'rot d'l'eau férrugineuse....ch'est bon pour l'santé non ?

L'eau ferrugineuse contient du fer et pouruoi y-a t-t'il du fer dans l'alcool ?

.....Malheureux, les acoute pas, faut pas boire de l' ieau, les boîtes alles vont rouiller ! ! !

I n'd'a des qui distent que l'ieau ch'est un produit à usage externe uniquemint.

In tous les cas, i arrive eune séquo rare ichi: après 13 pages d'un sujet qui causot de sécheresse, in cause incore d'ieau!

Bon, ch'est vrai qu'i a eu des méandres, mais quind même... d'habitute in s'artrouve dins le soutif à Brigitte Bardot, ou dins des vécés qui explostent ou des séquos ainsi alors qu'in causot d'autres séquos.

Bravo mes gins!

Pour rester dins l' sujet.
. Ichi, pour min gardin, i manque pas d' ieau. J' ai un puche et un surpresseur et ch' est pas l' ieau qui manque du tout. In a des bieaux légueumes.
Dins l' timps, i n' avot pas l' ieau à les robinets, les gins is avotent tertousses un puche d' vant leu porte ou leu gardin.
. L' ieau du puche servot aussi à faire l' soupe.
. Min ancien voisin un brave homme fort près d' la nature, un ancien maraîcher m' dijot sans rire;
. " L 'ieau d' min puche alle étot bonne, alle étot...verte!".
. Mi cha m' faijot rire in douce, , jé me' dijos, i avot pétète un rat crevé la dins ! ! ! . Nan ! ! J' inlièfe l' couvlèche du mien d' puche pour nettchier l' crépine de l' pompe, i avot eune souris crevé dins l' ieau ! ! ! J' in parle à min garchon qui, li aussi utilise l' viux puche pour arroser sin gardin, i m' dis:
. " Moi, j' ai nettoyé mon puits, j' ai trouvé un chat crevé dans l' eau ! ! ! " Ach't"'heure, j' comprinds bin pourquoi qu' alle étot bonne l' ieau d' min ancien voisin ! !
....Min puche i n' a pas esplosé ! ! ! !

Bin finalemint ichi i fait un bieau solel aujourd'hui, tant miux pou chés mariés, in va pouvoir faire d'bielle photos...
J'sus tout juste bin coiffée et cha cha s'ra raplati par l'pleufe...
J'ai vu qu'à l'indrot d'ù que l'arpas d'mariache i s'passe i avot un puche au mitan d'eune bielle pelousse, mais cha m'étonnerot qu'i seuche cor in service, cha dot servir d'décor pou des photos.. mais cha devot ête un puche "utilitaire" car in va ête dins un ancien domaine viticole arconverti in salle d'réception...

ichi ché l' déluche ej su allé acater des cortes d'guitare ej su arvénu à pied des cortes j'in ai archu.in plusse j'avo pas pris d' parapuie.

..........Nounours, ch' est quelle marque qu'i est ti tchien ? ? ?

Souv'nirs souv'nirs. I a des évèn'mint qu'is ressent gravés dins les cervelles.
1940. Pindint l' évacuation. Les All'mands nous avotent rattrapés, donc in étot d' sur l' point d' arvénir à nous maison.
. J' dormos dins eune auto abandonnée près d' un puche.
. L' matin jé m' révèle, i avot un tank all'mand à côté de l' voitureJ' l' avos pas intindu arriver ? Les deux soldats, habillés in noir aveuc des casquettes aveuc des Totenkopf....(cha s' est pas battu dins nous coin, is étotent in vacances).. Un troufion allemand est arrivé aveuc de l' peinture et un pinceau et a écrit d' sur l' puche" Keintrinkwasser"'.... Cha fait combien ? + de 70 ans ? Et j' m'in rappelle core à un détale près.

ej t'avo oublié pépéPébé.
ché un jack russel.

. J' connos pas chette marque la, in in fait core?.
..................
. l' mien ch'est un fox terrier qu' grand mère alle a acaté bonbon.
. Un jour un homme, qu' ej connaissos pas d' ailleurs, i est vénu aveuc s'tiote tchienne, eune fox terrière. I arot bin vulu qu' alle euche des jeunes. In s' a assis à l' tape d' gardin in buvant eune bière pour assister au spectaque, , les deux rchiens is sont amusés comme des fous, mais i s' a rin passé.
. In dot leur coper les amygdales chez les marcands d' tchiens ! ! ! I a été bin déçu ch' brafe homme, mi, j' avos un copain d' pusse.