y à pleut in peut ,el nuit chi,cha va faire du bien à tous !!

Edpuis ch'te nuit i qué queques gouttes d' ieau ché pas grand cos mais l'gardin i va respirer un tiot peu

In a eu un orache pendant ène demi-heure c'matin , m'citerne à eau d'pleuf elle est pleine...

Les belches y vont incore pouvoir faire d'l'Leffe pour les français..

Vos savez d'ù qu'i faut aller pou avoir de l'pleuf ? Bin in Guadeloupe...
In a des copains qui sont partis là bas, d'après l'messache que j'ai arçu i fait un timps d'brin ! is sont partis d'pis 5 jours et ch'est l'cinquième jour d'pleuf !... ch'est quind même dommache pou eusses, cha faisot des années qui n'étotennt pas partis "au loin" et qui révottent d'découvrir l'île... is vont suremint pas ête bronzés 

salut mes gins, pas eun'goutte d'ieuye ichi dinl' midi, ein attind la fonte des neiches!!

de toute façon comme ein dit " apres ch'temps là, ein'aura d'laute !!"

Oué oué y'a pleu !! Enfin pas grand cosse mais comme dit cha quand même rimpli el citerne à io !!! Et un tiot peu fait du bien ach gardin !!!

Mais là avec el caleur y fait chi inne etuffe ed diap !!!

Ché vrai comme dit Nenesse ...aprés ch'temps là y néra d'laute !!!

Cha boit surmint beaucoup un bestiau parel ....

J'ai bin ouvré aujourd'hui, j'sus allée acater mes fleurs, pétunias, bégonias, géraniums et d'pis c'matin j'arrête pas d'planter.... bon là cha y est, alles sont tertoutes là d'ù qui faut qu'alles seuchent.. 

J'ai bin sué pace qu'i fait toudis aussi caud et sec, d't'à l'heure l'arnu menaçot mais i est passé tout oute, asteur j'sus réhue, j'vas prinde min life et m'mette à l'ompe avec eune citronade bin fraique

ej viens ed tondre min gazon,in l' faisant au soir , cha évitera qui jaunisse , y prindra el rosée du matin ,pis el fraicheur del nuit, einne economie d'eau in plus , ch'est in vius sincier qui m' a conseillé ed faire cha!!!!

Y a pas d'horaires dins tin coin ?
Ichi i a un arrêté préfectoral et in a pas l'drot d'tondre après 20 h 00 et dins nou lotissemint tertous respecte bin cha, heureusemint pace qu'i a 35 majons, imagine si tertous s'mettot à tondre au soir jusqu'à l'nuit ! cha s'rot l'fin de l'trinquilité...

einne tondeusse electrique cha fait pas ed bruit

Nosautes au début qu'in étot dins l'majon in n'd'avot eune d'tondeusse électrique que cha fait moins d'bruit qu'eune aute tondeusse mais que cha in fait quind même, mais in a vite cangé pace qu'in mettot deux fos pus d'timps pou tondre, pis faut toudis faire attintion à ch'fil, dins nos connaissances tous ceusses qui n'd'avottent eune ont au moins copé l'fil eune fos 

Tard hier au soir in a eu l'arnu qui tournot dins l'coin d'pis pusieurs heures, i a eu des rudes éclairs ! i a bin plu, mais c'matin qui fait cor lourd et moite et l'pavé est d'jà tout sec.

Ichi i n' a pas plu d'pus un bon momint mais i a un puche et in pusse,l'ieau est à peine à 1 mète du sol. L' gardin i n' est jamais sec. Cha pousse ...pas sec...

mi ,ch'est mes pieds ed tomates,cha à du maux à démarer, par contre j'ai des belles carottes et des biaux choux,el salate al grossie seulemint,al st marc ej met mes haricots vert et jaune, ch'est vrai tiote j'ai déja copé min fil électrique, meme avec min taille haie,pour mi einne tondeusse électrique cha m'suffit, et sus bien contint de l'avoir !!

. Vous avez intérêt à mète des bottes in caoutchouc pour tonte aveuc eune tondeusse électrique si vous volez pas vous artreuver d' sur l' daine in copant l' fil.
.

In a eu ène paire de gouttes ch'matin.

Pour ceusses qui n'savent plus à quoi qu'cha ressemble :
[img][/img]

AH !! ch'est à cha qu'cha arsonne des gouttes d'ieau ? i a tellemint lonmint qu'in n'd'a pas vu, qu'j'avos oblié...
Ichi l'pleufe menace d'pis c'matin, ch'est tout gris, mais in est comme soeur Anne, in n'vot rin venir !...

Bin mis d'pu 7 h 30 au matin j'ai les pids tout frèques ! Ch'étot l'cross des jeunes à l'usine et i fallot préparer les itinéraires ! Tcheu dallache avec ch'te bruine ! Après les courses in a démonté, plié sous l'bruine (qui avot arrêté l'timps des courses !!!! heureusemint pou' ches tiots) J'faisos floc-floc dins mes cauchures et min patalon i étot mouillé jusqu'aux g'noux et pas possibe de s'canger. J'étos belle ch't'aprèm pour archevoir des parints......mais d'pus 18h, j'chus heureusse, j'ai les pids cauds et secs !

I ne te faut nin grind cosse pour être bénache tisaute!

Bin ichi, l' terrain i n' est jamais sec, du moinsse dins min gardin. .... i pleut pas nan pus mais l' ieau armonte du sol par capilarité . In pusse in a un puche et un surpresseur.
. Ch' est pas partot parèle . Dins l' coin, à Ostrove, eune copine a sin terrain dur comme du beton ! ! ! !
. à@+ .

Ch'est vrai que ch'est toudis sec. In va vindinger tôt ch't'année... et in va être obligis de boire d'autres séquos que de l'ieau.

Mais le bieau côté de ch't'affaire ch'est que les guernoules elles s'habiltent comme in plein été.

Je ne sais nin vousautes, mais mi au puq que cha va et au puq que je trouve qu'i a des jones alintour de mi. Et parmi toutes ches jones, i n'd'a grammint qui mont bin lu viante in valeur.

Infin, je trouve...

Ch'est marrant cha, min homme et mes deux garchons sont comme ti, mais comme j'leu dit "un bieau rôti bin apprêté à l'étal d'un boucher, n'est pas forcémint tindre sous les dints"... et ch'est marrant, m'file est d'accord avec mi   

Bonjour,
Ici aussi dans le midi il y a beaucoup de viande à l'étalage et pas forcément de première qualité, surtout sur la plage les seins nus et le petit string on peut quelquefois détourner le regard il vaut mieux, mais il faut reconnaitre que quelquefois il y de jolis lots à voir et mon homme ne détourne pas le regard dans ce cas là

Parfaite t'n'allusion à un étal de boucher - incore que j'aros préféré que te causes d'un étal de patissier, ch'est moins "viante froite".

In tous les cas, ch'est là pour donner invie mais in n'est nin obligi de partir avec!

Parce que, comme pour des séquos exposés chu les marchés, in se dit que ch'est fin bieau à vir comme cha, mais que cha dot être le brun à faire cuire, que ch'est nin bon pour le cholestérol ou l'tinsion, ou que cha dot être sé comme un étouffe chrétien etc.

Ch'est comme les menus à l'porte des restos. I n'd'a des qui font bafiler, et pis in arwette le prix et in se dit qu'in a du pain et du sauret ou des séquos ainsi à l'majon, que ch'est dins aucun livre de cuisine du monte, mais qu'in fait quind même fin bonne chère avec.

Tout cha pour dire que vous les guernoules vous pouvez être aussi jalousses que vous voulez, cha nous impêchera nin d'arwetchi les bieaux rojins qui pastent par hasard à portée de nous ys in s'arringint bin pour qu'in les voche. Et i n'd'a pour tous les goûts....

Même qu'in conduisint cha peut être dingeureux....

"D' toute façon, un cul vu n' est pas perdu"