Faut bin qui a quelqu' un pour les réveiller les poules, i n' a pus d' coq ! ! ! !

ché ti qui cante au matin?

Ch'est min visin qui montot d' sur el fumier pour réveiller les poules ! ! !

L' école dins l'timps
Dessin arproduit par un élèfe in classe. El ro (roi)


. Dins l’ région d’l’astéroïtes 325 i avot un ro.
. El ro, i siègeot arnéqué in pourpe et in hermine., sur eune caïelle fort simpe
…..
. « J’ voudros vire un couquer d’ solèle…faisez me plaiji…Ordonnez au
solèle d’ es couquer.
. – Si qu’ j’ordonnos à un général ed voler d’eune fleur à eune aute comme un papillon…ou d’ es canger in osieau d’ mer, et, si que l’ général i n’ exécutot pas l’ orte archu, qui qu’ ch’est qui sérot in tort ? ? ?
. - Cha sérot vous, qu’i dit pitit Prinche.
. - Exact, l’ autorité alle arposse d’abord d’sur la raison.
Si qu’ t’ ordonnes à tin peupe ed daller s’jechter dins la mer, i féra eune révotution. J’ ai l’drot d’exiger l’ obéissance pasque mes ortes is sont raisonnapes…….Tin couquer d’ solèle té l’aras . Jé l’ exicherai. Mais.....
j’ attindrai qu’ les conditions alles seuchent favorapes.. »
. - Quand qu’ ch’est qu’ cha pass’ra ? Qui li ardeminte el tiot Prinche.
. .- Hem ! Hem ! qui li répondit l’ro qui ravisot dins un gros calendrier, Cha séra, vers…vers…cha séra vers es soir vers chept heures, chept heures quarante..Et té verras comme qu’ éch’ sérais bin obéï….
…(Outrageus’mint traduit in chti par PéBé)

El Tiot Prinche,
( Dessin arproduit in classe par un ou eune élèfe)
El géographe.
. L ‘sixième planète alle étot habitée par un viux messieur qui écrivot
d’ énormes lifes…...
. « Qu’ est ce que ch ‘est l’gros life ? dit l’ tiot Prinche. Qu’ est ce que vous faisez ichi ? ?
. – J’ sus géographe, li dit l’ viux messieur.
. - Qu’est c’que ch ‘est un géographe ?
. – Ch’ est un savant qui sait dù qu’ cha s’ treufe les mers , les fleufes, les montanes, les déserts……..
. – Alle est bin bielle vous planète. I a t’i des océans ?
. . – Cha, jé l'sais pas qui dit l ‘géographe*.
. – Ah ! Et des montanes ?
. – Cha, j’ peux pas l’ savoir qui dit l ‘géographe.
. - Et des villes des fleufes, des déserts ?
. – Cha, j’ peux pas l’ savoir* nan pu qui ardit l ‘géographe.
. - Mais, vos ètes géographe !
. - Ch’est exact qui dit l’ géographe mais j’ sus pas
esplorateur ! J’quitte pas min bureau.
. * J' cros bin qu'i dévot s' app'ler Gérard eul géographe ?.
...
( Honteus’mint traduit in chti par PéBé)

Dessins de St Exupéry arproduits à l' école..

. Pour pas passer pour un coulteux, vla les dessins arproduits in 21 X 27, ceux qu' is m' ressent. Les autes, et cheux faits "in grand format", j' les ai pus! ! !
.

Dins l' dessin du géographe, vous povez lire el signature de l' tiote artisse, 10/11 ans, qui a arproduit l' dessin.

D' après Saint Exupéry, l' arnard.

Dessin arproduit in classe par un ou eune élèfe.
. . Ch’ est alors qu’ apparut l’arnard..
. « Bonjour qui dit polimint l’tiot Prinche….Du qu’ t’es muches ?
. - Ech’ sus muché pas d’ zous les haïures.
. - Qui qu’ t’ es ? ? ? .T’es bin bieau…
. - Ech’ sus l’ arnard.
. - Viens juer aveuc mi , j’ sus tell’mint trisse.
. - Ech’ peux pas juer avec ti qui li répond l’ arnard, j’ sus pas apprivoisé. Té pas d’ ichi, que caches* –tu ?
. - Euch’ cache les hommes ardit l’ tiot Prinche. Qu’ est c’que
cha veut dire apprivoiser ?
. - Cha veut dire créer des liens.. ….Si qu’ té m’ apprivoisses,
in éra bésoin l’un d’ l’aute.Té séras pour mi unique au monte. J’ sérai pour ti
unique au monte..
. - J’ comminche à comprinte, dit l’ tiot Prince. I a eune
fleur, j’ cros qu’ alle m’a apprivoisé… - "
. ( traduit in chti boyau rouche par PéBé )
. * cacher dans le sens chercher.

D' après St Exupéry, l' puche et l' serpent.

Dessin arproduit par un ou eune élèfe à l' école
L’ tiot Prinche, l’ puche* et l’ serpent.
. I avot à côté d’ ech’ puche un viux mur in pierre. J’ aperchus, ed loin, l’ tiot Prinche, les gampes pindantes et j’l’ intindis l’ Tiot Prinche, qui parlot.
. « T’ as du bon vénin ?….Vas t’in…., J’ veux ardéchinte. »
. - J’ comperdos pas……In ravisant au pied d’ ech’ mur, j’ fis un bond….I étot la, dréché vers el tiot Prinche, un d’ ches serpents jaunes qui vous rectifient in trinte secondes.……
. ….J’ farfouillos dins mes poques pour in arsaquer min révolver….mais l’ serpent i s’ laicha couler duch’mint dins l’ sape et i s’ faufila inter les caillaux aveuc un léger bruit ed métal….
. J’ parvins jusse à timps pour archévoir dins mes bras el tiot prinche pâle comme in linche…
.. * puche…. Puits.
( Ch’ est core mi qui a fait ch’ cop la, né l’ disez à personne)

vingt des diousses té n'dort jamais pépébé?

L'tiot Prince, min camarateYves dessinateurau travale.
"Dsur el planète du tiot Prinche, i avot comme su tous ches
planètes............. des mauvaisses graines et des et des mauvaisses
hierpes...........Si qui s'agit d'eune mauvaisse plante, i faut l'arsaquer de
l'tierre dès qu'in a su l'arconnaîte.