Demain au matin, j'ai de l'famile du 59 qui arrife pou l'ouiquende... Diminche in va fêter chés 60 ans d'mariache de mes parints ! ouais, ouais, 60 ans, cha comminche à faire !
Alors cha va babeller sec surtout qu' min cousin parle à mitan dins nou bieau langache, ch'est dommache qui n'veut nin d'ordinateur pace qu'i pourrot sacrémint nos in raconter ichi !
J'sus continte, j'vas avoir des nouveilles fraiques de ch'Nord.
Pis un anniversaire comme cha, ch'est bieau, énon ?

Tchand que j'ai vu "cha va babeller sec" et que cha venot de l'cheftaine, je m'ai dit in mi-même que ch'étot eune espèce de pléonasse....

Et ne lève nin tes épaules ou tes ys, je te vos!

Allez, amusez vous bin, et laisse un peu parler les autres, souligné bin gras les autres (d'après Pagnol tchand que César i écrit à sin garchon qui fait des mesures océanographiques chu un bateau... laisse un peu mesurer les autres!)

Batisse "tu me fends le coeur" à laisser supposer que j'vas nin laisser les autes in placher eune...
bon, allez ! promis j'vas essayer

Tiens tes parints is sont reine et ro .....comme in Ingleterre ? Is devrottent fêter cha d'l'aute côté d'el Manche, is pourottent s'pavaner in carrosse ....et ti te s'rais toudis un' princesse comme quind t'étos tout'tiotte !

Ah ouais, j'auros du prévoir un capieau avec m'rhabillure !
Ch'est aussi trop tard pou louer un carosse ! in aurot pu faire eune arrivée armarquée ! ceci dit in a 90 kms à faire pou d'aller chez mes parints, in prenant l'autoroute A7, j'pinse que l'carosse d'sus l'autoroute cha n'arot pas été trop pratique... in aurot eu un PV comme Kad Merrad dins "bienvenue chez les chtis" pou avoir nin reulé assez vite !!
M'famile dot ête vers Beaune à ch't'heure chi ! j'sus impatiente et excitée comme eune puche !...

Eh beh ichi, vlà qu'elle est rudemint in foufelle.... incore pire que d'habitude.

Cha va y aller les ablablabla ablablabla. Si qu'is sont tertous comme elle dins s'famile, cha va faire du bruit dins le quartier!

J'sus même sure qu'in nos a intindu jusqu'in Ingleterre.....
Asteur in va s'couquer, in est mate (d'avoir parlé ?)

Si que parler cha rindot mate, te passeros tin timps à dormir ti énon?

A part eune de mes tiotes files, j'ai jamais vu eune babelle parelle....

Cha m'rappelle l'histoire d' Cafougnette qui avot fait soigner et guérir s'finme qui étot muette...... I l'a bin argretté après ! ! ! !

Cha y est l'famile vient d'arpartir, cha fait un sacré vide dins l'majon !!! j'ai pas querre cha, j'vas ête maussade jusqu'au soir... heureusement que mes tiots sont là et m’occupent bin, i n'd'a tros d'malates sur les 4 !!!!
In tous les cas, l'fête de mes parints s'est bin passée, malgré des tombes d'ieau qui n'ont pas arrêtées de l'journée, in a du arnoncer à boire l'apéritif et à minger l'gâtieau dehors ! dommache pace que samedi in frisot l'canicule !
Mais ch'est pas grafe car avec tous les gins de ch'nord qui étottent là, l'solel étot dins nous coeur.... pis bin sur gâce aussi aux invitiés d'ichi, faudrot pas les oblier..

Tiote bellotte a écrit

Citation :

j'vas ête maussade jusqu'au soir..

J'sais nin si te vas aimer, mais mi j'ai bin rigolé ch'matin...

http://www.rtl.fr/emission/laurent-gerra/ecouter/vive-les-rosbeefs-god-save-the-queen-a-vous-cognacq-jay-7749042326

Merci Flersois, j'ai bin ri....
Justemint, mes infants nos ont offert des plaches pou aller vir Gerra à Lyon, mais ch'est pas pou tout d'suite, ch'est pou l'mos d'novimpe, alors je n'sais pas si i f'ra c'sketche là (n'impêche i y va fort quind même...)