Ch'est pont grand cosse ein' larme, ch'est quoi? Faut qu'ein' goutte d'iau,
Ein' petite goutte d'iau qu'in vot avec bien du mau,
Agrippée à ein' branque, à ein' fleur dins ch'gardin,
Qu'in peut vire in s'prom'nant timpe au petit matin.
Ch'est I'même que vous avez tout au bout d'ein d'vou cil,
Apportant soit de I'joie ou de I'peine dins I'famile,
Arrivée la, souvint, après ein' émotion,
Elle aussi finit par querre sans faire attintion.
AI vient d'ein' source qu'in n'peut pont heureus'mint, tarir,
Inondant vou oeul et qu'in vot souvint rougir,
Qui quequ'fos, pétillant, peut, d'ein cop, s'éclairer
Quand qu'ein argard, brillant d'amour, i va croger.
Ch'est vrai que l'larme al n'est pont tout à fait parelle
Qu'in crorot que sin coeur i s'rimplit ed soleil
Quand-qu'al devient complice d'ein soudain vrai bonheur ;
Ch'est ein délire suprème ou ein' esquisse douleur.
In dirot ein' grosse perle inondée ed leumière
Qu'ein gros sanglot cache toudis à vouloir faire querre
Quand al grossit, timide, tout au bord ed vou'z yux,
Pou n'pont vous laicher la, al s'ahoque ed sin miux.
In écrivant ches vers, cha m'a fait arpinser,
Ti, petite larme i t'arrive cor de l'z honorer;
J'in ai el coeur poché ravisant mes souv'nirs,
Pour y vire chés gins, aimés, qu'in a vu partir.
Petite larme, pour et' séquir in prind sin mouquoir,
Cha preufe eq chés gins i peutent incor s'émouvoir.
Quand in vot quéqu'ein qui brait, y-a quétcosse ed biau
Même chi cha fait du mau, souvint cht'ein biau tableau.
R. Klimczak
Labuissiere (62)