Cha y est, ici ch'est arparti pou chés vendanches, in tiot peu pus tard cheule année que d'pis 3-4 ins...
Mi j'ai quer vir passer chés armorques rimplies d'raisins, j'troufe que cha sint bon, pis cha vit tous chés tiots villaches, d'habitute bin calmes, avec tous chés dos courbés dins les vignes qui mettent d'l'animation in cantant ou in racontant des cacoules, faut bin s'donner du coeur à l'ouvrache, ch'est dur d'vendanger.
Cheule semaine l'météo devrot ête clémente, tint miux pou tous chés courageux

Bonjour Tiote,
Par chez ti cha dot ête des gins qui vivent del vigne sûremint.
Par ichi, ch'étot des vignes pour l'consommation del mason. j'dis bien ch'étot pace que chaque année i a d'moins in moins d'vignes intretenues. Dins l'commune In a que 3 jeunes agriculteurs qui ont arpris l'suite des parents t'as qu'à vire ; alors récolter l'raisin et faire sin tiot pinard pour l'année ch'est parel.
In a été faire ches vendanches avec m'n'homme chez des voisins.
Ch'étot des belles journées.

L'temps des vendanches durot longtemps pace que ches voisins s'intraidotent. I z'allotent d'maison in maison.
Ches hommes surtout. Quanque arrivot l'tour d'mes vieux voisins, l'mémé ale me demindot d'faire l'cuisine puisque s'belle fille ale restot loin.
Matin, café, casse croûte, mais copieux
Pain d'campane, tartine frottées d'ail, pâté, saucisson,
lard gras, fromache mason, gâtieau mason.
L'midi, soupe paysanne avec du pain trempévqu'in cuisot dins l'cantou (grande queminée du qu'in peut s'assire sur ch'côté du feu)
Après cha ch'étot toudis des crudités (presque tout étot produit dins l'ferme) tomates carottes râpées asperges.
Après cha pâtés truffés faits mason.
Insuite chaque année ch'étot poulet fermier (del viande durte qu'in aurot dit que l'bétale i s'défindot core dins ch'l'assiette)
et là comme légumes ch'étot fayots, ou bien musiciens - et tout l'semaine in mingeot cha allant d'mason in mason-
ch'étot l'production du momint-
Ch'étot d'z'haricots mais bons, i fondontent tout seu. cuisinés avec des couennes.
Après cha salade du gardin avec l'fromage, ch'étot du cailladou ou fromache frais si qu'vous voulez.
Là dessus, inne flognarde (gâtieau avec cerise) ou bien un gâtieau aux noix.
Un bon café là dessus, et in n'pouvot pus s'plier pour couper ch'raisin.
C'hest pour cha que l'patron del mason i avot querre quanque i avot du monde pour faire ch'traval, comme cha les vendanches ale durotent que l'matin jusque 13 Heures et après cha n'étot que bombance.
T'as bien fait Tiote d'mette l'sujet te vos y a plein d'détals qui m'sont arvenus.

J'ai jamais fait les vindanges,mais j'aros bin aimé d'aller les faire din tin coin La clo,rin qu'à vir quo qui arot eu din m'n'assiette,j'sus chi que j'pourlèque,cha devot vraimint ête bon tout cha.

Dins min villache aussi i a moins d'viticulteurs que quind in est arrivé dins l'région, des fiux n'ont pas voulu continuer l'exploitation familiale, pis i a eu des primes à l'arrachache, c'qui fait qu'in a pus que 3 vignerons su l'commune
Mais à d'autes indrots des jeunes ont arpris l'flambeau ou bin d'autes se sont lancés in apportant des idées et des techniques nouvielles et in privilégiant l'qualité putôt que l'quantité, c'qui fait qu'i a d' bons produits.

tiote bellotte a écrit:

Dins min villache aussi i a moins d'viticulteurs que quind in est arrivé dins l'région, des fiux n'ont pas voulu continuer l'exploitation familiale, pis i a eu des primes à l'arrachache, c'qui fait qu'in a pus que 3 vignerons su l'commune
Mais à d'autes indrots des jeunes ont arpris l'flambeau ou bin d'autes se sont lancés in apportant des idées et des techniques nouvielles et in privilégiant l'qualité putôt que l'quantité, c'qui fait qu'i a d' bons produits.

ouai cheé bin tout cha ,j'auro eu ker faire chés vendanches!
tient j'ai pinsé à ti et à nounours 94 hier aprés midi car j'éto chez un camarate qui ju del guitare et on a juer pour iin maison ed retraite !
y etotent bien bénache ed nous intinte juer et canter car ech camarate y cante du Brassens aussi
allez toudi contin y va faire à minger pou's femme qui travale cor!

Mi j'ai fait mes vendanch' hier amon des amis, j'ai rimpli un séau d'grappes ed rogins à minger. I est chucré et bon, Solan?e alle va faire du "raisinet" avec eun' partie d'mes vendanch'.

Ouais ichi aussi les vendanch' ont qu'minché, cha déverse sérieux à l'cave ed St Mathieu. Ch'est l'ronde des tracteurs. L' "Pic St Loup" i devrot ête bon ch't'année.

Quand chés vendach' sont finies in a l'drot d'aller "grapiller" s'qui reste sus chés pieds d'vignes, ch'est glaner dins chés vignes quoi.

Citation :

Quand chés vendach' sont finies in a l'drot d'aller "grapiller" s'qui reste sus chés pieds d'vignes, ch'est glaner dins chés vignes quoi.

vin diux!! j'voudros bin ête à côté d'ti Marcel,cha m'plairot d'aller glaner à rojins...
eun' question?
ch'est quoi du raisinet?

Eune année avec des amis dont un qui est œnologue in est allé vendanger dins les vignes d'un d'chés "clients" vignerons qui n'voulot pas tout cueillir et in a fait nou tiote production de vin, in avot appelé cha "la cuvée des copains", bon ch'étot pas un grind cru, loin d'là ! i s'est pas gramint conservé, mais j'peux vos dire qu'in a eu des rudes parties d'plaijir dins les différentes étapes de l'élaboration de c'vin, mi j'faisos l'reporteur photo et rin qu'à raviser l'album in rigole cor... l'copain in snipe dins l'cuve, ch'est eune photo collector que j'ai surtout nin râtée...

bon in a pas arcomminché, car i faut quind même du timps et surtout de l'plache pou l'cuve et l'pressoir (in avot "réquisitionné" un garache, l'carette est restée dehiors un bon momint)...

rwyckaert a écrit:

[
tient j'ai pinsé à ti et à nounours 94 hier aprés midi car j'éto chez un camarate qui ju del guitare et on a juer pour iin maison ed retraite !
y etotent bien bénache ed nous intinte juer et canter car ech camarate y cante du Brassens aussi

mi j'ai quer aller juer dins chés majons d'artraite et donner un tiot peu d'plaijir à chés gins, pis des fos in rigole bin : un papy sourd qui s'est pas rindu compte qui parlot fort et qui a dit in plein mitan d'un morcieau "si j'avais su je serais pas venu", ou bin un copain clarinettiste accrochant sa clarinette dins chés guirlandes et décorations d'Noel et faisant tout querre, mais surtout plaijir de discuter avec chés anciens qui nos raconte des fos de bielles anecdotes...

Solan?e aussi avec s'chorale alle va canter dins chés maisons d'retraite ichi aux alintours i in a quate ou chinque, et i a souvint des anciens qui connotent chés canchons et qui cantent aussi avec eusse.
Faut dire qu'Solan?e alle fait pas canter du boum! boum! hein! ch'est que des canchons anciennes.
A ch'momint alle cache l'partition de "le petit bonheur" ed Félix Leclerc. Vous veyez?
Si par un grand hasard ??????

Ha! du raisinet ch'est eun' sorte ed confiture, ed gelée.

I faut égrainer chés grappes, faire cauffer chés raisins à feu doux, insuite les écraser avec un passe-vite, rajouter du sucre selon l’poids qu’in a, faire cuire in rajoutant du citron, et à la fin cha fait un genre ed gelée.

Citation :

A ch'momint alle cache l'partition de "le petit bonheur" ed Félix Leclerc.

j't'invoe cha par mail Marcel
j'treuve tout mi!!!

Ch'est pas "Géo trouve tout" mais "Roger trouve tout"

Bon ch'raisinet i est fait, j'ai tourné ch'passe vite, mais i a fallu l'arcuire passe qu'i étot trop liquite.
Cha l'air d'ête bon

Par ichi i va commincher à y avoir des tiotes fêtes dins les villaches avec le Paradis, quoque qu'ch'est qu'cha vos allez m'dire ? bin pou pas raconter d'cacoules (ch'est pas min ginre ) j'ai demindé à min copain œnologue, prenez tertous un crayon ch'est l'leçon du jour :
Le Paradis ch'est l'premi jus issu du pressurage... Ch'est un jus d' raisin frais (moût) obtenu avec l'pressoir (opération mécanique), cha permet d'découvrir chés premis arômes du beaujolais et paraitrot que ch’est une phase cruciale de l’élaboration du vin.
In principe l'vin (qui est in fermentation) est fruité, sucré, un tiot peu gazeux...

du raisinet, cha s'trouve din l'commerce?

j'ai core appris quéquosse aujourd'hui... ce qu'est ch'paradis!
ya nin core d'l'alcool la d'dins?

Nan pas d'raisinet dins l'commerce du moins j'cros, ch'est eun' recette locale qu'in a appris in marchant avec des anciens comme mi.

j'ai treuvé cha su youtube...

https://www.youtube.com/watch?v=VL1BVPHHl5s

Avec m'copine in a arpris nous tiotes rindonnées l'mercredi après midi et aujourd'hui in avot cuji un tiot parcours d'8kms qui passot principalemint dins les vignes.
Nousautes deux in trinspirot d'marcher (qu'i fait caud aujourd'hui !) mais dins les vignes chés vindangeurs trinspirottent d'coper chés grappes... j'in ai profité pou goûter c'raisin, bin bon, bin sucré, mais après j'avos tous chés dogts poisseux, l'jus avot guilé d'sus..
In a vu aussi des g'vaux avec un âne qui s'est approché de l'barrière pou v'nir nos dire un tiot bonjour.
Ah ! cha fait du bin d'arprinde nous promenates...

tiote bellotte a écrit:

In a vu aussi des g'vaux avec un âne qui s'est approché de l'barrière pou v'nir nos dire un tiot bonjour.

Et comme te le confirmera sins doute mérilou, ch'est toudis le plus laid baudet qui passe s'tiête au-dessur de l'hayure.

Surtout si qu'i n'd'a qu'un....

Bin mi l'marche ch'est in croix à ch'momint, j'peux pus monter dins chés quémints et sus l'plat cha queminche aussi à ête dur, j'ai mes mollets qui veul'tent pus fonctionner cha m'tire comme pas possipe faut que j'marrête, et les deux in minme temps, min toubib i m'invot amon d'un espécialiste passe qu' i n'vot pas (mi non pus) ed dû que cha peut v'nir.
L'radio du bassin cha va, l'sang ch'est pas trop mal alors?????
Ch'est p'tète Lyly qui m'a j'té in "saur" (ed Dunkerque)
Bon, i in a cor qui vont pas comprinte hein!
J'va arposer mes gampes, que brun machin.

fait attintion loumarcel , ch'est peut etre des artères,mi aussi cha m'faisot comme chaed pis que j'ai fait min double pontage, ej marche mieux

Ah ben cha va, t'es rassurint ch'duc... A ch't'heure marcel i ne dort pus!

Mi je pinse que les dogts à lili là-dechur cha arringerot tout. Ch'est foque à tes mollets que t'as du mau hein marcel?

I faudra juste vérifier qu'elle lache ses aidjules à tricoter avint de papouiller, parce que déjà qu'elle a de l'misère à compter ses mailles tchand qu'elle est détindue, cha pourrot tourner à l'hystérie dingereusse eune fos qu'elle verrot les objets imberbes de tous ses fintasmes.

I faut qu'elle viense à quelle gare? In va t'arringer cha garchon....

Ouais comme i a que maille qui m'aille, i faudrot que Lyly artrouff' quemint faire des mailles et qu'all' m'tricote des chausettes, p(tète que j'iros miux.