j'vos in ouvrant min l'ordi qu'ch'est l'anniversaire de l'démolition du mur ed Berlin.
In s'rappelle tous du momint et d'l'endrot du qu'in a intindu l'nouvelle.
Pour l'mur je m'rappelle qu'in étot tous collés d'vint l'télé pour vire l'foule qui voulot passer d'l'aute côté du mur. J'pinsos surtout à un ami qui avot été longtemps séparé de s'famille qui étot d'l'aute côté.
Parel pour l'11 septembre et les tours jumelles. 
Parel pour l'premier homme sur la lune, et note nuit blanque pour vire cha.
etc etc

ah té parles La clo qué j'min ramintufe , j'étoais soldats et j'finissoé l'armée el 30 ed novimbe ! pis quante j'a vu tout chés geins qui c'minchoaite a berziller ch'mur ! .... a 19 ans je n'savoais mie si ch'étoait eune boéne obien eune mauvaise nouvielle !  j'me disoais  " berdaffe " a 15 jours ed finir j'va partir au front !!     !! 

j'me ramintufe étou qu'a l'époque du début d'Facebook , j'avois invinter eune tiote blague a mes "amis Facebook"  !   j'leu disoait :  os savez ti porquoé a Berlin is n'peut'té pont avoér Facebook ????
bén tout simplemént passqu'i n'peut'té pu écrire d'su leu " MUR"  !!

Bin mi j'y étos à Berlin, j'étos dins min fauteule d'vant l'télé vers 19h30 quand qu'j'ai intindu que ch'mur i étot quéu (ouvert). Les jours qui ont suivi cha a été émouvant. J'ai connu aussi l' "mark est" passer à l'valeur du "mark ouest", che files et plusieurs centaines ed mètes d'vant ches banques, l'réunification etc... etc...
Ouais ch'étot i y a quiques années d'jà.

Tiens pendant qu'y sus vlà eun' vidéo qu'j'ai trouvée sus "you tup" ch'est un peu d'histoire avant l'chute d'ech mur. Bon in ville in n'veyot pon que des militaires hein! Is étotent pas toudis in exercice. ch'étot presque eun' ville comme un' aut' mais spéciale.

https://www.youtube.com/watch?v=aUB5QT_04uY