I m'restot des bouts planques de m'palissate que j'ai fait l'année passé,que j'devos j'ter à l'déchett'rie,et ch'est in levant m'tiête dins m'n'atelier, que j'ai vu l'hache ed d'fosse d'min père,dont je m'servos quand j'étos jone pour casser ch'tiot bos pour alleumer l'cuisinière,qui met v'nue eun' étincelle...
J'me suis ajouqué sur un parping,et j'me suis mis a casser du bos,j'peux vous dire que gramint d'imaches ont passées dins m'tiête.
J'ai rimpli 14 sacs, que j'ai été donner à eun' tiote vieille,veuve de mineur qui s'cauffe core avec un convecteur à carbon,qui reste pas loin d'mi.
J'peux vous dire,qu'elle étot bin continte,j'y avos apporté sin bos cassé pour l'hiver...et mi cha m'a fait rapp'ler de sacré souv'nirs.
Vlà chi des photos.

Bravo garchon!

Ti, le jour que te vas rester à rin faire, ch'est que te seras mort...

In vot que tin poste de traval i est bin étudié! I ne minque que l'pompe à bière....

Beau traval Roger. J'pinse que t'pus belle récompense ch'est l'sourire et l'merci de t'petit vielle !

T'es formidape ! j'aros bien voulu vire l'mamie quanque ti as apporté cha.
T'as du ête occupé un bon momint à couper l'tiot bos. et ch'est vrai qu'cha rappelle des tas d'souvenirs

Bravo Roger, cha ça s'appelle : faire de l'bonne ouvrache aveuc ses bras mais aussi aveuc sin tchoeur.

Cha m'fait pincher à l'canchon de Brassens.. '' Cha n'étot rin qu'un peu ed bos, mais y m'avot cauffé el tchoeur et dins m'n'âme y brûle encore à la manière d'un fu ed joie''

Ah, bin ch'est vrai que c'est super gintil c'que t'as fait là ! In puq ch'est bin tout décopé ! régulièremint... in dirot que t'avos un gabarit !

Citation :

T'as du ête occupé un bon momint à couper l'tiot bos.

nan, cha m'a pris eun' heure et d'mi...

Citation :

In puq ch'est bin tout décopé ! régulièremint... in dirot que t'avos un gabarit !

de belles tiotes planques bien sec,après chinq minutes d'avoir manié ch'l'hache, chétot reparti comme dins l'temps...

. Eune histoire vraie; ( Cha s'paqssot au jour, min père avot été menuisier avant d'daller à l'armée comme mécanicien sur ...les tank 14/18 Renault).'
. Au jour, min père avot creusé un puche dins eune raccourche et l"vavot rimplie d'brun avant d'arfreumer aveuc un bouchon fait eveuc eune rondelle in bos.
Cha veilot pas du tout. De bielle ouvrache.
. "Té veux eune raccourche Maurice ? ?l
. Pas méfiant, Maurice arpart à s'majon aveuc raccourche in question.

Tout l'monte étot au courant sauf li, bin intindu.....au courant et aux aguets , surtout ses visins dins l' coron.
. Quand qu"Maurice a voulu casser sin bos, Is zont intindu, ses visins, Maurice pousser un hurlemint dins s'cafe ! ! !
...........
. Ch'est pas eune histoire d"Cafougnette....
..........
.. Paufe Maurice, chaque fos qui n'd'a un qui étot farcé, ch'étot li.

. Mi cha m'rappelle les buchettes qu'min père m'faijot pour apprinte à compter à l'école......avant guerre....ch'étot super efficace.....