In tous cas, mi min processeur i est gintil, i m'a nin rouspété après quind j'sus allée l'réveiller... cha dot ête un processeur guernoule -eune processeusse ?? -

t'as eune marche arrière d'sus tin ordi Batisse ? et t'as combin d'vitesses ? I fait pas vroum au moins ?

Vaut miux avoir d' lieau dins l' gaz qu' dins l" pinard ! ! !

Batisse a écrit :

Citation :

- i a nin de touche suppr.

Kékfos ché marqué Del

Je ne vas nin vous faire le détal de toutes les touches qu'i a chu min tiot pc, mais i n'd'a eune grante qu'elle s'appelle "Enter", eune grante par au-dessur qu'elle s'appelle "Backspace", que ch'est cheule-là que j'appelle eune marche arrière parce que tchand qu'in buque dessur, le curseur i arcule et i efface cha qu'i vient de buquer.

A part cha, tout in haut à gauche, i a eune tiote touche "Echap".

Incore à part cha, in touches autremint qu'ainsi, j'ai "Tab", "Shift", "Ver", "Ctrl", "Alt", "Alt Gr", "Ctrl eune deuxième fos", "Shift eune deuxième fos" et pis 4 touches avec des flèches dessur, pour faire monter, deschinte, aller à gauche et aller à droite le curseur sins effacer.

Donc, i n'a ni Suppr ni Del.

Du coup je ne peux nin savoir si que min processeur i fait un infractus ou eune trombosse.

A m'mote que les touches Suppr ou Del is n'étottent même nin in option!

Et le premi ou l'premire qui se fout de m'guiffe, j'i mets eune margnouffe in puq chu min cahier de margnouffes...

Te l'as acaté aux soldes ? i minquot de pièces surmint ...

Té nous raconte des carabistoules si tin clavier y'a marqué Shift et Enter, ché qu'il est in inglais i dot nin ète écrit Echap mais Esc

Ch' est c' que j' allos dire, té l' as acaté au marqué aux puches? ?

Tu as regardé s'il y avait des pédales ?

pistouille2 a écrit:

Tu as regardé s'il y avait des pédales ?

I confond avec sin micro-ondes..

Bon, in va pas crier victoire, des fos que... mais cha a l'air d'fonctionner normalemint c'matin...
In a réussi à lancer l'ordi in "mode sans échec" hier au soir, tout marchot bin sauf qu'in arrivot pas à lancer "mozilla firefox", rin à faire, alors qu'"internet explorer" s'lancot sins problème.
J'ai essayé de l'désinstaller pou l'réinstaller après, bin cha voulot nin l'désinstaller -non mais qui ch'est qui comminde que j'disos à l'ordi, mais j'ai appris hier au soir qu'un ordi ch'étot cor pus têtu qu'un cat et que cha faisot que ce que cha voulot ! -
In a laissé querre et in a fait travaller nou antivirus en "analyse complète" de l'ordi.... in est allé s'couquer pace qu'avec tout cha ch'étot déjà minuit et c'matin i avot 85 fichiers qui avottent été nettiés par l'antivirus -est ce que ch'étot cha l'brun ? mystère..
N'impêche que firefox i voulot toudis rin savoir au matin (cha arsonne vraimint à un cat un arnard ) alors j'me sus dit que j'risquos rin a réinstaller firefox quind même et c'est c'que j'ai fait et là cha marche, i s'oufe... pou l'instant.
Faut eune rude patienche ch'est mi qui vos l'dit !
In s'ennuie pas les jours d'congés !

Si jamais te troufes eune touche "Supr", ch'est à mi....

T'as pt'tète un rapport qui a été fait par l'antivirus...

J'ai lu la liste des programmes les plus attaqués, j'cros que firefox i'éto dins l'liste..

batisse a écrit:

Si jamais te troufes eune touche "Supr", ch'est à mi....

Té vos pus clair, j'ai un netbook et i'a bin ène touche Del in haut à droite, arvète bin...

I a pététe supprimé l' touche "sup" sans l' faire desprès ! ! !
Batisse, n' cache pas après t' touche "Supr, mi j' i comprinds rin, j' in ai deux, d' touches "Suppr"....


J' sus immerdé aveuc rin, ch' est normal ? ? Min PC i n' arot pas eune nouvièle maladie ?

Ah ouais! Je ne l'avos jamais vute cheule-là...

I faut dire que l'ringée tout in haut ch'est eune ringée pour les espécialisses. Du coup je ne l'arwette nin....

Bon, eh ben à ch't'heure que je sais cha, je vas aller vir si que min microprocesseur i sait qu'i vit!

Bon, ben min microprocesseur i vit et in peut dire qu'i a eune bielle vie: pourcintache d'utilisation 6%.

Si qu'i avot eune estatistique du pourcintache d'utilisation de l'touche Suppr, cha ferot eune séquo tout près de zéro...

In tous les cas, merci flersois. Grâce à ti je me coucherai moins biête ch't'au soir.

Silince dins le fond, je vous ai à l'oeul avec vous médisaches!

Citation :

Si qu'i avot eune estatistique du pourcintache d'utilisation de l'touche Suppr, cha ferot eune séquo tout près de zéro...

Et quo qu'te fais avec les dossiers ou les imaches que te ne n'a pu b'soin ?

I dot les mette dins sin guernier ! ! ! Cha peut toudis servir ! ! !

I va t'réponte qu'elles disparaissent sins qui sache commint qu'i a fait pour !

Matante a écrit:

I va t'réponte qu'elles disparaissent sins qui sache commint qu'i a fait pour !

Citation :

Et le premi ou l'premire qui se fout de m'guiffe, j'i mets eune margnouffe in puq chu min cahier de margnouffes...

J'cros qu'ché pour ti cha hein !!!!T'as nin peur ???

Mi j'va vous dire: d'pis qu'j'y touche pus à min manicraque i va tout seu et quand j'y d'minde rien, bin i dort.
J'va tarder à mète windows 7 i paraît qu'ch'est miux.
J'sus pas v'nu souvint ches derniers temps, in étot partis randonner, j'ai l'compta du clupe à faire pou essayer d'avoir eun' subvention (j'y cros guère) et j'sus souvint dehors avec not' St Barthélésïinne, alle s'ar'va d'jà vendredi, cha passe vite.
Bon Batisse té voulos un consèle, bin l'v'là chi : n'touche pus in tin manicraque pou l'réparer.

flersois a écrit:

Et quo qu'te fais avec les dossiers ou les imaches que te ne n'a pu b'soin ?

Ben pour les photos, je mets le curseur net après et je buque chu l'marche arrière. Pour les dossiers, je surligne et je fais marche arrière.

Te peux me croire, cha marche.

Te sais, si que te veux des cours de maniemint du manicraque, t'as qu'à deminder hein garchon...Et ne t'avise nin de rire de m'guiffe!

batisse a écrit:

flersois a écrit:

Et quo qu'te fais avec les dossiers ou les imaches que te ne n'a pu b'soin ?

Ben pour les photos, je mets le curseur net après et je buque chu l'marche arrière. Pour les dossiers, je surligne et je fais marche arrière.

Pourquo faire simple quint in peut faire compliqué...Et t'as un radar de recul pou faire marche arrière ?

Gnagnagna!