J'arviens d'un tiot ouiquende de rindonnées entre copains, et j'ai découvert eune fort bielle région à foque deux heures de route de l'majon.
In étot à côté d'Chalencon dins l'Ardèche, à inviron 30 kms de Valence... Nou gîte étot à 650 m d'altitude, in plein mitan de l'nature, et si in a nin eu caud dehiors, surtout l'soir et l'matin, in a sacrémint eu caud dins nous coeurs... in a passé d'bons momints intre fous rire, tiotes bouffes et rindonnées... et les ronflements inévitapes des uns et des autes.
Cha fait asteur pusieurs années qu'in part avec l'même groupe de copains ou bin à l'Ascension ou bin pou Pentecôte et in canche d'indrot tous les ans, ben mes gins, in s’aperçoit qu'i a vraimint des bieaux coins dins nou pays.
Bref, tous chés bons momints intre amis cha vaut toutes les fortunes... in arvient les batteries arcargées à bloc !... et, cor miux, tous chés copains in les artreuve tertous samedi prochain pou l'mariache d'eune file d'un d'intre nosautes, cor des momints d'plaijir in perspectife, i aura foque chés rhabillures qui s'ront différintes... bin ouais in va nin aller à l'noce in cauchures et short d'rindonnée

el prochain coup o veut vir des photos ed'tiote belotte intiquer dins sin kayak in route a dévaler l'ardeche , non des os !! o rigolront bin cor un coup; ahh bin os sommes des moqueux d'gins ; qué équipe !!!
i a gramin de ch'tis qui o quaire d'aller in ardeche, mi j'em ramintufe , de ch'perruquier vers armentieres, il alloait toudi la bas pindant 20 ou 25 ans ; pi un biau jour , i a canger chés puches , i a été vir ailleurs, , j'i deminde pourquo ??
i m' a declaquer comme cha , bin cha foait eune coupe d'annéye metton in va dire 2 ou 3 ans que j'rinconte des clients d'min salon , bon déjà in s'croérait au boulot ; pi in deuze ct'anneye i'z'o cor franchi un cap ; inn'a qui z'on oser me d'manner si j'avoais ramner aveuc mi , mes outieu , cisiauw , detoulloir;......
nan mais !! qué toupet qui z'ont chés imbleyeux là !!

1968.



Deschinte d'l'Ardèche.
Magnifique région en effet ! ! ! !

tiomolet62 a écrit:

el prochain coup o veut vir des photos ed'tiote belotte intiquer dins sin kayak in route a dévaler l'ardeche , non des os !!

C'est sur qu'eune photo d'mi dins un kayak cha serot un collector et qu'i faudrot l'incadrer !!! J'cros bin que ch'ti qui prindrot l'photo i n'est nin incore né !
Mi j'ai nin querre tous chés sports qui s'passent dins l'ieau armuante, j'ai peur... y queques années min homme et mes infants sont partis faire eune descente d'rivière dins un ingin parel et j'ai même nin voulu les accompagner, j'auros eu l'chair d'glaine et les caveux tout drots d'sus l'tiête rin que d'les raviser. J'étos bin miux dins min transat à lire un bon life.
In fait i avot nin d'rivière à côté d'nou gîte, i arot fallu aller dins l'vallée pou cha et valà l'vue qu'in avot à l'altitude qu'in étot :

1968.

Ch'jour la j'ai arsaqué de l'rivière l'file qui a d'sur l'photo du bas, l'batieau s'atot artournée et alle savot pas nager. L'garchon étot paniquée, i savot pas du qu'alle étot passée, alle roulot dins l'ieau comme un paquet d'linche sale. cha érot pus finir mal ! ! !

1968.



.



Magnifique région. déja bien fréquintée à l'époque.

Citation :

Magnifique région. déja bien fréquintée à l'époque.

Et te faisais du nudisse Pépé ? Monte nous ène photo....

pépéPéBé a écrit:

1968.

Ch'jour la j'ai arsaqué de l'rivière l'file qui a d'sur l'photo du bas, l'batieau s'atot artournée et alle savot pas nager. L'garchon étot paniquée, i savot pas du qu'alle étot passée, alle roulot dins l'ieau comme un paquet d'linche sale. cha érot pus finir mal ! ! !

oué ,mais maginons un molé qu'ech'jour là ; t'euches mis un slip ed'bain rouche !! et bin os éroémes pu croére qui tournoéte un nouvieau épisode d'alerte a Malibu ! berdaffe j'em berlure , ej vouloais dire alerte a vallon pont d'arc !!