Comme j'm'innuie un mollé in c'momint, ouais j'sus foque inter deux concerts, un spectaque d'lecture, min traval et mes cartines, j'ai décidé d'm'armette au tricot, l'soir devint l'télé. (quind j'sus à l'majon !)
Oh ! cha n'est pas pou faire eune oeufe d'art tarabiscotée.. nin non ! cha fait partie des séquos qu'in fait avec mes collègue d'traval pou l'téléthon.... cheule année su l'stand i ara des boules d'décoration pour les sapins, des tiotes poupées in chiffons, des tiots bibelots et des séquos fait in tricotache.
Comme cha dot faire 15 ans que j'n'ai nin tricoté, j'me sus dit que j'allos m'contenter d'faire des écharpes et ma foi, l'tricot c'est comme l'vélo, cha n's'oblie nin ! j'sus au mitan de m'première écharpe et ma fo ch'est nin trop vilain, j'ai même fait des rayures, z'avez qu'à vir, ouais ouais, j'tricote avec deux laines différintes (applaudissemints s'il vos plait !).
N'impêche quind j'ai arsorti mes aiguilles toutes poussiereusses j'me sus demindée si min écharpe n'allot nin arsonner au gilet du "Père Noël est une ordure", vos savez quind Thierry L'hermite qui l'archoit in cadeau dit à Anémone "oh ! une serpillère.... etc" (j'ai fort querre cheule pièche d'théâtre, l'pièche hein, nin l'film qui est gramint moins bin)

Alors bin sur i a nin d'quo faire parait un artique dins l'jornal mais comme in dit ch'étot foque histoire d'dire....

Bravo tiote Bellotte......té mérites eune médalle.....In n'in vot pus gramint d'tricoteusses d'pus la revolution d' 1789.
( Alles perdotent(prenaient) leu tricot et eune caïelle pour assister au spectaque qui consistot à raccourchr les aristocrates.)
J'sais pas si qu'i a d'quo rigoler ?

bin surtout ppPB que cha risquot d'gicler d'sus l'tricot et d'tout salir !

In tous les cas j'peux d'dire qu'in est au moins 5 à tricoter dins mes collègues et que 3 ch'est des jeunettes d'40 ans.... i n'd'a même eune qui fait d'très bielles séquos avec des points que j'sauros même nin vos espliquer commint qu'in les fait ! elle va tellemint vite que j'ai pas cor eu l'temps d'comprinde et tout cha in discutant et sins raviser ses aiguilles.... j'y ai dit que si alle se mettot à l'clarinette alle f'rot des étincelles !

Té sais Pierre, c'matin j'ai pinsé à ti, in cachant des modèles d'tricot, j'ai artreuvé un catalogue que m'avot donné m'grind mère paternelle -l'catalogue date d'89, pas 1789 hein mais 1989, mais quind j'ai vu l'date j'ai ri in pinsant à l'révolution... cha qui m'a fait drôle ch'est que m'grind mère fallot qu'elle mette des tiots mots d'partout : "donné le... à..." ou bin "acaté à.... le...." ou bin "nin facile à faire" etc... cha qui faisot que des fos elle écrivot par d'sus l'texte et cha avot l'don de m'énerver.
Bin c'matin j'étos toute émotionnée d'artreuver s'n'écriture asteur qu'elle est partie d'pis bintôt 14 ans.
Comme j'ai l'âche d'ête grind mère, j'cros que j'vas commincher à écrire d'partout . Histoire d'vir si mes tiots infants cha les énervrottent aussi... faut bin treuver eune occupation pou mes viux jours comme raviser les réactions d'chés tiots... comme m'grind mère qui étot un tiot peu espliègle....

Et t'arrifes à tricoter avec tes deux mains?

ouais, mais sins mes pids !

cha y est t'as fini chés vendanches ?... ichi ch'est fini d'pis l'semaine passée

Ouais, cha finissot aujord'hu pour nou fabrique. J'étos d'astreinte mais is n'ont nin eu beso de mi. Tint mieusse. Cha m'a permis de profiter du bieau timps in faijot d'autres séquos. Dont un tiot peu de mobylette. L'pauvre elle étot grammint au repos ches dernis timps.

Première écharpe terminée, j'ai attaqué l'deuxième... in faisant c'te fois l'point d'riz (pou les espécialistes )

Attintion, le riz cha constipe...

Te t'imagines aves tes ys bridés?

batisse a écrit:

Te t'imagines aves tes ys bridés?

Ouais