Salut tertous et sin quien,

Avint hier au matin j'ai monté chu m'mobylette et j'ai été jusque St Etienne d'ùche que j'avos eune séquo à apporter à quelqu'un qui m'avot rindu un fier service.

J'ai évité les grinds axes autint que j'ai pu, in me basint chu une carte de l'France intière, ployée de telle sorte que l'zone qui m'intéresse elle soche visipe dins l'ferniête de l'sacoche de réservoir. Déjà comme cha, ch'étot bin...

J'ai dormi à Montrond les bains, au bord de l'Loire, d'ùche que j'ai aussi rincontré quelqu'un d'extraordinaire (un turc qui vind des kebabs et qui a un moral incroyape malgré toutes les misères qui li tchettent chu s'tiête). Avint d'arpartir j'ai acaté eune carte plus détaillée de l'région, pour avoir toutes les routes et tous les villaches qui existent. Et je chus parti via la France très très profonte, in faijint exprès un détour via le départemint de l'Allier, qui est assez sauvage. Des routes à bouses de vaques, à odeurs de toutes sortes, que te peux faire 25 km sins croser personne. J'ai traversé des villaches d'ùche qu'i avot le marché et que le trafic routier - limité - passe au mitan. Le pied. In puq d'cha, pratiquemint nin de ligne droite...

J'ai loupé eune ou deux intersections et ch'est ainsi qu'in prenint eune route que j'aros nin du printe j'ai tché chu un château de la Loire dont in ne cause jamais. Ouais, cha qu'in dirot que ch'est un lac, ch'est la Loire, in-dessous de Roanne... C'est dins le secteur d'un patelain qui s'appelle Burry ou eune séquo ainsi. Ch'est tout in zigs et in zags.

In pinsint à vousautes, j'ai tiré sin portrait.


Après cha, pour arnouer avec eune visse tradition... les piles de min apparel à photos is ont décidé qu'elles aimerottent bin eune archarge...

Le premi qui rigole i a eune margnouffe

Tout cha pour dire que les tourisses qui passtent lu timps dins les grinds chintres à tourisses is ne savtent nin cha qu'is perdtent. La vraie France profonte, avec des gins et des décors "authintiques", elle est magnifique.

Hier j'ai nin eu de veine, j'avos promis à m'file que l'iros minger avec elle et s'nièce (m'tiote fille, qu'elle a pris in vacinches à s'majon à Chalon sur Saône). Cha a fait que tchand que j'ai vu qu'i étot 10h30 et que j'étos à perpette inclus à m'amuser à user les côtés de mes peuneus, j'ai du me rabattre chu les grinds axes. Dommache, j'étos parti pour aller fourrer mes roules dins des coins dont j'avos jamais intindu causer.

Mais j'y artournerai dins ch'coin-là.

t'as raison batisse in a l'chance d'vife dins in bieau pays avec des coins formidapes
té fais 50 kms et l'paysache i est d'jà pus l'même que chez ti...

pis j'sus continte que tin apparel i ait quind même tenu l'cop jusqu'à l'photo de c'bieau câtieau, avoue qu'ch'aurot été dommache (surtout pou nousautes !) que té puisses pas la faire
au fait pou eune fos t'avos pinsé à prinde des piles d'arcanges ?

tiote bellotte a écrit:

au fait pou eune fos t'avos pinsé à prinde des piles d'arcanges ?

Ben non. Ch'étot déjà bin que je pinse à printe min lapparel...

Combien de fos je me dis "ah si que j'avos min lapparel avec mi...". Ch'coup-là, je l'avos. Comme d'hab, i a fait deux photos et rideau .

Ch'est quand Noël, té peux d'jà invoïer t'lette et t'commante.

Mais non! I va fin bin min lapparel. Ch'est vrai qu'i consomme peut-être plus que l'moyenne, mais i est solite et pis i a un bon zoom.

Et pis i est simple à utiliser. Infin non, ch'est nin qu'i est simple, ch'est que j'ai compris s'logique...

Et pis i est tellemint moche et démodé que ch'est comme s'garintie inti vol. I va fin bin avec m'mobylette!

Batisse, l'jour que t'auras eun' pile d'arcanche ou qui s'ra bien chargé, té devros l'printe in photo pou nou l'moutrer.

Ch'est vrai cha Loumarcel, j'imagine bin Batisse in train d'tirer s'linque pour faire un' photo de s'n'apparèle photo !!!!
Quant au chateau i m'fait pinser à un cateau j'ai visité un' fos qu'j'étais dins les Monts du Lyonnais et qu'in avait fait un' virée, in avait visité un cateau comme ch'ti là et après l'copine elle nous a immené dins un' auberge ou restaurant d'où qu'on mange des cuisses de guernoules à volonté un' fos qu't'as payé l'premire portion !

Que des moqueux d'gins, hein Batisse!!
mais si cha peut t'arringer,i vinde des chargeurs d'piles solaire,ch'est sur que t'aros toudis des piles carqués sur ti!
j'dis cha, té fais comme té veux....
in tout cas t'as fait la,eun' belle photo d'catiau.

Mi j'sus sûr qu'i va arriver à faire l'photo, passe que ch'est un malin Batisse.
Ouais Roger i pourro mète ses panneaux voltaïques pour piles sus s'mobylette quand i parte in vadroulle.

heuremint qui à pus ed pellicules dins les apparels photos ,y aurot oublié din mette une,sacré batisse , en canche pas in t'a quer comme cha...

Citation :

i pourro mète ses panneaux voltaïques pour piles sus s'mobylette

ou carrémint sur sin casque,cha li prindrot moins plache!

et pour faire el photo, i va s'mette avec tout sin anarch'mint de panneaux solaires (sins s'casser l'figure comme d'aute) d'vint un miroir (j'allos mette d'vint un' glace mais j'l'intinds m'dire qu'i fait pas assez ou trop caut pour minger un'glace..) et i va prindre el photo pour nous la moutrer après.

y est pus obliger ed mettes des panneaux solaire, asteur y font del peinture solaire, cha rimplache ches panneaux ..

Matante, fallot pas i parler de ch'miroir, i devot trouver ch'l'astuce tout seu.

dis me roger, commint qu'cha s'fait qu'tes messaches y sont "codés"?
y a des "br" par chi par là...

pour ti aussi Camanette, cha m'rassure. Mi aussi mais j'osos rin dire...

Citation :

dis me roger, commint qu'cha s'fait qu'tes messaches y sont "codés"?
y
a des "br" par chi par là...

et du cha éxactemint!

I n'a pus d'pellicule mais i a eune carte mémoire. J'in connos un qui l'oblie d'timps in timps.....d'sur el PC.
. I n'a pas eune batterie d'sur el mob ? ? ? pour arcarger l'pile ou mieux l'accu ? ? ?
. Mi j'dis cha....ch'est eune idaÏe ed viux....

Matante a écrit:

et pour faire el photo, i va s'mette avec tout sin anarch'mint de panneaux solaires (sins s'casser l'figure comme d'aute)

ah ouais ? qui cha ?

Des panneaux solaires, i n'da qui n'ont d'sus leus casquettes pour faire tourner des pitits vintileurs....ch'est vrai in pusse ! ! !
fallot y pinser! ! ! Ah ! ! ! In a bonne mine aveu qu'cha ! ! !

Ben vlà autre cosse ichi... j'étos désinscrit!

Comme eune fos de timps in timps je passe vir si qu'i a du neuf chu l'forum (les tiots carrés plus clairs à gauche) et pis non, rin de neuf. Tcheue bante de féteux de premi mai que je pinse et quo que j'vos? l'modérateusse verte elle a posté aujourdh'u à 15h15... Je m'in vas vir et je découvre que depuis ch't'au matin vous cassez du chuc chu min dos au sujet des piles de min lapparel à photos. J'ai essayé de réponte et ch'est là que j'ai découvert que j'étos désinscrit.

In tous les cas, vous êtes eune sacrée bande de rieux de gins!

A ch't'heure min lapparel i a des piles chargées à bloc. Mais comme j'ai nin de photo à printe, elles vont se décharger tout duchemint, comme d'hab.

Ah si, j'ai pris eune paire de photos, avint de laver m'mob (l'météo elle avot dit qu'i pleuvrot, du coup je ne risquos nin de faire pleuvoir in la lavint, pour eune fos que cha me prind...). Atwetchi ichi l'cimetière à mouques que ch'étot....



Je l'aime bin tchand qu'elle est comme cha, mais tertous i me fait des remarques désobligintes.

. Té l'azros pas piqué à un flic,t'moto ? ? ?

Bin si té veyos m'voiture après not péripe, ch'est parèle plein d'moustiques et d'poussière et j'attindos qui pleuff' pou inl'ver l'pus gros (cha y est in vient d'avoir eun' sacrée drache, i avot minme de l'iau dins l'véranda)

Vinguette, i a des météorologisses qui mériterottent qu'in lus torte l'colbaque! Cha fait tros jours qu'is nous distent qu'i va pleuvoir à drache. Résultat, tros gouttes de timps in timps, même nin de quo mouiller les routes.

Du coup j'ai arsorti m'mob (je chus persuadé que ch'est nin bon de laichi arfroidir sin moteur trop longtimps....) et je chus parti à l'chasse à des cascades que je ne connos nin incore.

Je n'd'ai trouvé quelques eunes. Mais le plus curieux i étot chu un chemin. Un impilache de rochers qu'in se deminte commint que cha a pu se faire.

Je vous mets eune paire de photos, toutes fraiches d'aujord'hu, avec min lapparel à photos qui fonctionne à mervelle avec des piles chargées..... Chu l'trosième photo, in vot un tiot coin de paradis à côté d'eune tiote cascade. I a des tables, un abri in cas qu'i pleut et, si que vous arwettez bin chu l'droite, i a même un barbecue "lourd" avec le bois de cauffache fourni.
In dira cha qu'in veut, ch'est eune bielle région...


Ah ouais, j'ai eune tiote surprisse aussi... L'source de l'Moselle, que ch'est nin eune tiote rivière, loin s'in faut! Eh ben au départ, ch'est un tiot pipi de rin du tout, à Bussang:



Comme quo les tiots rucheaux font effectivemint des grosses rivières, même avec des péniches dessur!

bin té nous as fait chi de bielles photos Batisse!
in pourrot faire des posters aves les tros premières.
Ch'est vraimint des biaux paysages...