Cha fait eune paire de semaines que je tourne sept fos mes dogts alintour du clavier avint de buquer eune séquo, mais aujord'hu, allez savoir pourquo, je buque...

Ch'est au sujet du nouvieau bandeau. Je préféros de loin l'ancien (je cause du bandeau, nin d'andré hein, i faut un peu suivre...).

In fait les deux personnaches qui sont dessur (je continue à causer du bandeau, nin d'andré hein...) is me déringtent. Déjà, is sont trop grinds par rapport aux berlines, surtout Raoul.

L'arprésintation de Raoul qu'in vot, que cha dot être un géint de Douai ou eune séquo ainsi, in dirot qu'i a des héméroïtes tellemint qu'i se tient raite. Mais bon... in peut comprinte, i faut qu'in puisse le porter et qu'i reste debout. Mais in le verrot dins la foule du défilé, in comprindrot miux et cha montrerot eune imache du Nord festif. Infin je troufe.

Par contre, le mineur... au puq que je le vos, au puq que je le trouve laid! Je supposse que ch'est eune oeuvre d'art connute qui trône chu un piédestal dins eune ville minière d'ùche qu'i a un parking pour les autobus de japonais qui ont fait le voyache exprès pour le vir.
Mais je troufe qu'i ne fait nin honneur aux mineurs, au contraire. I a un nez comme cha n'existe nin, des orelles incore pires que chelles à Gainsbourg et un air de péteux qui arwette les gins de haut. I arot des grantes bottines in se dirot qu'i fait le clown, mais là, non, cha a l'air voulu ainsi qu'i soche laid et prétintieux. Pour mi, comme i est là, i dévalorise les mineurs. N'étint nin d'origine mineusse, cha ne devrot nin me toucher et poutint, si. Ch'est dire!!!!

Voilà, à ch't'heure ch'est dit, j'arai un poids de moins chu l'estomac. J'arai un tiot peu rinforcé m'réputation de grognon bertonneux jamais contint et qui ne comprind rin à rin, mais je chus prêt à discutter du cas avec qui qui veut.

In fait comme cha? Allez mes gins, à plus!

Si que cha part au quart de tour i ne faudra nin m'in vouloir de nin intervenir... dins 10 minutes je m'in vas passer la soirée chez des gins.

Bon batisse si t'avos bin arlu c'que des mempes ont écrit au d'sus, t'aros compris que l'mineur comme té dis i s'agit de l'statue de cafougnette, mise à l'intrée d'Denain, pas loin de l'maison de naissance de Jules Mousseron, maison qui est asteur l'conservatoire d'musique de Denain....
Et comme in dit eune statue cha plait aux uns et moins aux autes, ch'est l'prope des "oeufes d'art" i in faut pou tous chés goûts..... et mi l'j'ai quer, pas pace que ch'est mi qui est fait l'photo où qu'cha s'troufe dins min coin, mais tout silmpemint pace que j'ai quer l'statue, sins raison particulière...

Citation :

Ch'est au sujet du nouvieau bandeau.

Et mi aussi, dès lend'main que j'ai mis l'nouvieau habillage de ch'forum,
J'me suis dit!!!
Ch'est nin normal que l'soyeux d'Batisse n'a nin trouvé quéquosse à redire au sujet de ch'bandeau.
Bin me vlà chi rassuré...
j't'arconnos Batisse!

Ch' est vrai qu' Raoul, in dirot qui a avalé un parapuie par eule mauvais côté ! ! !

PépéPéBé
(\__/)
(='.'=)
(")_(")