Je n'sais pas si ch'est Roger ou Tiote qui a fait cha mais chapeau
ou capieau bas !
Nouvelle pache d'accueil, l'sigle nord Pas de calais, lampes ed mineur et j'n'ai pas core tout vu j'sus sûre.
In a même l'drot à des bonbons ch'est inne bêtise ed Cambrai et un bonbon d'mineur ch'est cha ?
Bravo mes gins ch'est super.

Ah ouai qu'ch'est bieau , un terril ,l'cafougnette ,eune vielle chope à bierre ches chucrates bin d'chez nous autes, hum . Au fait ch'est Raoul qui est arprésinté ? (j'sus pas sur ed mi là ...) Merci mes gins

dù qu'ché qu'vos veyez des chucrates?

Bin quand minme ravisses camanette dusse qu'ch'est marqué dins des rectanques accueul obin on /off et bin ind'sous dins l'rectanque nouvieau ch'est eune bétisse ed Cambrai pis ,dins l'aute juste à coté ch'est eune pastille ed mineur .Bon faut bin l'dire aussi , j'ai caché je n'l'avos nin vu nan pus

ch'est vraimint bio tout cha là ,tout y est représenté la mine, la filature les bêtissse de cambrai et notre regrèté raoul de god .....eu chais pas l'écrire .
fin t'es m'a bin compris vas.pfffff

Ch'est vrai que l'nouviau bandeau il est tout biau mais....j'aime pas bin l'écriture oranche, je sais ch'est plein d'vitamines mais m'n'oeul i aime pas !

ah ouais cha y est, j'ravisos pon au bon indrot!

Matante, figure te que j'me disos l'même cosse, au matin cha m'a rin fait mais à force d'raviser....
J'ai arçu des avis par émiles, ( et su life d'or).. j'ai fait l'synthèse et transmis à Roger, dins l'ensempe tertous est contint et les queques critiques sont constructifes alors dins l'mesure du possipe, Roger va nos satisfaire....
J'in profite pou dire merci à Roger pace que mi j'ai foque donné des photos et queques idées et que ch'est Roger qui a eu l'pus d'boulot...

Ouais mi aussi l'couleur m'a choqué au départ mais j'mi fait et l'nouviau bando i est très très bien, cha r'présinte bien nou région, tout y est.

Bonjour mes gins
Merci pour chés complimints!
ne vous inquiétez pas, l'couleur orange va disparaître,l'temps de refaire tout cha.
demain ou d'après d'main!

ahh? bin mi j'avos quaire, cha fait 'djeune"

In trouve gramint d'symboles d'nos coins

Bravo Roger

Mais mi, d'pis au moint 1/4 d'heure j'essaie d'artreuver l'mairie d'Bruay, pasqu'alle est pu dins ch'barrou. Cha s'rot cor bien Batisse qui aurot arfait un sale cop

Bin ,ch'barrou ch'est in barrou 59, du villache de mes grinds parints maternels, Erre, tiot villache intre Somain et Hornaing

Dis Roger ne chinge rin pour mi, te sais, comme Marcel, j'va finir par m'y habituer. Cha plaît al majorité, laisse comme ch'est !

Te vos Roger, eh bin m'n'oeuil i t'armercie !

Bonjour tertous,Félicitations Roger pou s'nouviaux décord du forum.J'ai arconnu l'zef cafougnette qui s'trouve au mi timps d'in rond point Denain AH!!!!! ché bieau d'arvir ché symbole d'jeunesse J'viens faire inne tiote causette avec m'belle soeur ( tiotte Belote) ach t'heure in va s'inmuer , in va preparer l'repas

Roger, j'cros qu'té peux ar'mète l'couleur oranch' au moins cha attire et in s'y habitue (pou mi ch'étot fait)
J'dis cha mais.... hein!

ouuaaaiiiis chés gins iiiiis sont jamais contiiiinnnnts.........

Au fait pou réponte à Théresse j'ai ar'trouvé ch'barrou avec l'mairie et j'ai armis l'mairie à s'plache.

Citation :

Roger, j'cros qu'té peux ar'mète l'couleur oranch'

Té t'fous d'mi là!!!

Bin nan!
quoi que à ch't'heure je m'sus habitué à ch'bleu aussi
ouaf! ouaf!

Roger, je n'sais pas si ch'est passe que t'as cangé d'couleur ou aut' cosse mais à ch't'heure pou aller sus l'aut' site in faisant juer l' "tourne la page" cha met un temps fou et cha s'ouff' pas comme i faut.
J'dis cha passe que cha l'fait ichi mais je n'sais pas si ch'est parèle à mon d'ess aut'.
Qui ch'est qui a l'minme problnme?

Ch'est vrai que cha arot tindinche à ramer...

Te vos Marcel que je chus des fos d'accord avec ti!

I faut dire qu'aujord'hu ch'est t'fiête au calindrier... Bonne fiête Marcel!

Dit le pas trop fort, Solan?e alle y a minme pas pinsé.

ch'est vrai qu'i a eune heure cha ramot, mais cha devot ête que timporaire car asteur cha marche très bin... comme les autes jours

ouais, ch'est r'parti cha fonctionne comme avant.

Cha fait eune paire de semaines que je tourne sept fos mes dogts alintour du clavier avint de buquer eune séquo, mais aujord'hu, allez savoir pourquo, je buque...

Ch'est au sujet du nouvieau bandeau. Je préféros de loin l'ancien (je cause du bandeau, nin d'andré hein, i faut un peu suivre...).

In fait les deux personnaches qui sont dessur (je continue à causer du bandeau, nin d'andré hein...) is me déringtent. Déjà, is sont trop grinds par rapport aux berlines, surtout Raoul.

L'arprésintation de Raoul qu'in vot, que cha dot être un géint de Douai ou eune séquo ainsi, in dirot qu'i a des héméroïtes tellemint qu'i se tient raite. Mais bon... in peut comprinte, i faut qu'in puisse le porter et qu'i reste debout. Mais in le verrot dins la foule du défilé, in comprindrot miux et cha montrerot eune imache du Nord festif. Infin je troufe.

Par contre, le mineur... au puq que je le vos, au puq que je le trouve laid! Je supposse que ch'est eune oeuvre d'art connute qui trône chu un piédestal dins eune ville minière d'ùche qu'i a un parking pour les autobus de japonais qui ont fait le voyache exprès pour le vir.
Mais je troufe qu'i ne fait nin honneur aux mineurs, au contraire. I a un nez comme cha n'existe nin, des orelles incore pires que chelles à Gainsbourg et un air de péteux qui arwette les gins de haut. I arot des grantes bottines in se dirot qu'i fait le clown, mais là, non, cha a l'air voulu ainsi qu'i soche laid et prétintieux. Pour mi, comme i est là, i dévalorise les mineurs. N'étint nin d'origine mineusse, cha ne devrot nin me toucher et poutint, si. Ch'est dire!!!!

Voilà, à ch't'heure ch'est dit, j'arai un poids de moins chu l'estomac. J'arai un tiot peu rinforcé m'réputation de grognon bertonneux jamais contint et qui ne comprind rin à rin, mais je chus prêt à discutter du cas avec qui qui veut.

In fait comme cha? Allez mes gins, à plus!

Si que cha part au quart de tour i ne faudra nin m'in vouloir de nin intervenir... dins 10 minutes je m'in vas passer la soirée chez des gins.