bonsoir mes gins,
in vit quind même dins in bieau pays, in arvient d'avoir été passer l'ouiquende dins l'Jura, région qu'in connaissot pas (et pourtint ch'est pas loin d'chez nos) et ma foi i a vraimint des bieaux coins et des bieaux paysaches...
in a quind même de l'chance in France, in a eune diversité d'paysaches incroïapes et chaque région mérite l'détour
bon in est arvenu pus tôt qu'prévu, d'jà pace qu'i fallot aller voter et pis i a commincher à bin pleuvoir in début d'après midi et cha a bouleversé in tiot peu nos plans, tout c'qu'in voulot faire demindot eune bonne visibilité
in va dire que ch'est in arpérache pou l'prochain cop pace que c'est sur in va y artourner...
infin c'soir in va toudis s'régaler avec chés bons fromaches qu'in a ramené.... miam miam

bien el bonjour tiote belote
encore un peu tareau forcé sur tiot peu sur el manette des gaz t arrivo en alsace tareau pu ramené du vin pour tin fromache

ché malheureux qui font pas du maroilles par la bas !!!!!!!

allez bisous a tertousse

ouais l'maroilles ch'est bon, mais l'comté, l'morbier l'mont d'or ch'est pas mauvais nin pus, tout comme l'munster d'ailleurs... ah là là ! finalemint i a pas gramint d'fromaches qu'j'ai pas querre, ch'est cha l'pire pou l'tour de taille !!!

T'as trouvé de l'crême fraiche?

ouais , pis de l'cancoillotte

mi ché pareille ech les minge tertousse
in est français ou bin in l est pas
peut etre quech laissero ettecoté el mozzarella ché pas du fromache cha arsanne a du chinnegum
mais bon y din fo pour tous les gouts
allez bonne semaine a tizottes
duchemin sur l ouvrache

mes gins, j'viens d'faire quette cosse que j'aros pas du faire ! j'ai mis l'dogt dins l'pot d'crème fraique !! min diu ch'est du pousse au crime tellemint qu'ch'est bon cheule crème acatée directemint au producteur.... j'ai muché l'pot au fond du frigo, avec plein d'séquos devint, in espérant pas l'vir à chaque cop j'ouffe l'porte...
in tout cas j'sure sure d'eune cosse, Montaigu, à côté d'Lons le Saunier, ch'est l'patrie de Rouget de Lisle, bin j'sus sure qu'i avot mingé eune jatte d'crème fraique et in morcieau d'comté quind i a treuvé l'inspiration pou composer "La Marseillaise"

Dis, Camanette et Batisse i t'avottent prév'nue non ? Ah te t'foutos d'eusses.....tel est pris l'main dins l'pot . Cha fait 3 petits (ou grands) minous qui aim'ttent bin l'crème fraique (pour arprendre el canchon)

Je vous l'avos dit... re-dou-table ch'bazar!

Si que t'as comme mi des - tiots - scrupules à minger cha comme du yayourt, je te suggère d'essayer avec l'café.
Te te fais un bon jus bin fort dins eune tiote tasse, te trimpes le bout de t'cuiller dins l'crême, pis te la mets dins t'asse pour que l'café i rimplisse l'espace vide et t'infournaques cha dins t'bouque!

Te vas vir que l'café i va rester longtimps dins l'tasse

Goulaffe!

l'pire ch'est qu'min homme i est parti in déplacemint pou deux jours, est ce qu'i va cor in rester à sin r'tour ??
infin comme in dit qui va à l'ducasse perd s'plache !!!
mais non !! j'oseros pas faire cha, vos pinsez bin !

quoque j'pourros toudis dire que j'avos besoin d'me consoler du fait qui étot pas là, et qu'est ce qui console miux qu'eune tiote doucheur ? pace que cheule crème croyez me c'est eune montagne d'doucheur !!!