Les quiens ch'est connu pour avoir un nez qui est hyper sinsipe aux sintimints.

Te sors un mouchoir de t'poche, te le mets par tierre eune paire d'heures et après te demintes à eune guernoule qu'elle s'a mis du sint bon - cha m'étonnerot que les fliquettes elles mont nin de sint bon, ch'est des guernoules comme l'z'autres... - de le faire sintir à un quien en li dijint "cache, allez, cache!".

Et là le quien i hochène s'tcheue et le vlà parti avec sin nez à ras du sol à cachi après le proprio du tire jus. Souvint i le trouve.

Cha n'a l'air de rin, mais ch'est eune rute gymnastique pour le paufe clébard. I faut qu'i trouve le bon sintimint à cachi, parmi eune masse qu'i a sur le tire jus (sintimint du sol, sintimintS de l'fliquette ou de ses gints in cayoutchouque, sintimints imbiints de toubac essince et autres). Après cha, in mettint sin nez au ras du sol pour cachi après le sintimint qu'i cache, i in rincontre eune masse d'autres. I faut qu'i aiche eune rute mémoire et eune rute capacité de concintration le bétal.

Bref, tout cha pour dire que l'vie de quien, qui sint eune masse de séquos à très faible dose, cha ne dot nin être rigolo tous les jours.

Par eximple: in est à ch't'heure in automne et les cassis des majons is sont in général serrés. Les sintimints des majons is restent prosonnis dedins.

Eh ben je ne sais nin quo que j'ai mingé, mais je viens de laichi échapper un pet que je n'd'ai presque honte mi-même - z'avez qu'à vir le désastre, parce qu'in général ceux qu'in fait so-même is nous serottent plutôt sypathiques énon?

Et je me dis que si que j'avos un quien, i serot probablemint couqué chu sin vinte avec ses deux pattes chu sin nez et des ys malheureux qui ont l'air de dire "vinguette, incore tros comme cha et je deviens maboule pépère; artiens te le prochain cop".

Je me deminte si qu'à la spa i a, dins le questionnaire, eune ligne consacrée au niveau de puache des gins. I faudrot énon?

même ju, si j'ose dire, pour les cauchettes.
Pauffe quien !

l'pire ch'est pou les quiens de l'région de Castelnaudary....
ch'est redoutape l'cassoulet !!!!

Ch'est retoutape pour l'quintité et donc le brut, mais pour le sintimint, ch'est nin cha qui a de pire.

Le pire de tout, pour l'gaz, ch'est les topinambours. Mais cha ne sint rin.

Par contre, je chus sur et certain que te n'd'as déjà lachi des tout tiots silincieux que te te demintes après si ch'est vraimint ti qui as fait cha tellemint que cha schlingue. Avoue...

ale n' veut pas s' payer la honte in tant que modératrice

j'sus in train d'rire in arlisant tout cha ! j'imagine l'tiête des gins qui vienn'tent nos lire ! is doiv'tent s'dire qu'in réagit comme des tiots d'l'école maternelle.... ouais in dirot eune discussion d'mes tiots d'4 et 5 ins, à c't'ache là in est très "pipi-caca" dins les conversations.....
armarquez cha proufe qu'in est resté jonnes et que tout cha c'est pour de rire (comme dis'tent les tiots)

in' n va quand meme pas parler d' morts et d'interremints.

ej peut vous raconter l'histoire(vrai) ou j'ai failli m' faire imbaucher comme croque mort.mais j'in conno 2 qui n' vont pas m'rater donc ej va laisser mes mains dins mes poques cha qué bien ichi in région parisienne i fait eure frodure d'leu j'ai armi du carbon dins mes radiateurs

merte, ej queminche à radoter ej laisse el soin à tiote plumette d' supprimer min précédant sujet.

je m'demindos dù qu'y voulot aller Batisse aveuc s'n'histoire de quien...

nounours-94 a écrit:

merte, ej queminche à radoter ej laisse el soin à tiote plumette d' supprimer min précédant sujet.

valà ch'est fait..... à vote service m'sieur
mais té sais pou supprimer eune séquo que t'as écrite, i suffit qu'té cliques su l'tiote croix à côté de "citer"...

Ah bon? I devrot y avoir eune tiote crox à côté de "citer"?

Je ne l'ai nin archute cheule-là... J'étos peut-être nin là le jour de l'distribution...

nounours vous en remercie tiote belotte.pour l' croix ,cha fonctionne quand ej veut supprimer un texte qu'el viens d'invoyer mais si ii in n'a un derrière cha n' fonctonne pus.