Ch't'aprème, vu qu'i faijot bieau et histoire de me chinger les idées après eune visite de m'file que j'ai eue ch'ouaiquenne, je me suis dit que j'iros bin promener m'mobylette.

A tout hasard j'avos pris min lapparel à photos avec - avec des piles d'archinge dont j'ai même nin eu beso - et j'ai bin fait parce qu'i avot des bielles séquos.

In particulier, in ardeschindint des montagnes par Munster, j'ai crojé deux carrettes à quien. J'ai fait demi tour et demindé si que je pouvos les printe in photo. J'ai pu! Arwettez me cha si que ch'est nin bieau?


Je m'ai aussi arrêté pour printe un paysage qui m'évervelle chaque fos que j'y passe, mais cha ne rind nin aussi bin in photo... Par contre, in face de là d'ùche que je m'avos arrêté, i avot des vaques à munster avec des cloques. Cha fait eune bielle musique.


Pis j'ai aussi vu les Alpes depuis là-haut...


Cha ch'est un morcieau du paysage qui ne rind nin comme j'aros voulu


In tous les cas i faijot là-haut un vint à décorner les boeufs et au retour i avot in forêt des portions de route qui givrottent déjà... Comme dirot quelqu'un que je connos, i avot de quo presser de l'hule!

J' ai fait comme ti Batisse mais pas à mobylette. I est superpe ch' tien. Des biètes à cornes comme cha cha pillule par ichi....Vla Ambleteusse.



Ambleteuse, La Slack cet après midi.

[URL=http://www.hostingpics.net/viewer.php?id=2028821127Panasonic1018.jpg][/URL

A l' horizon in veyot les côtes inglaisses mais i faijot pas assez clair ch' étot brumeux.

Dis-me pépéPéBé i a quequ'cosse que j'comprinds pas dins t'photo (ou bin j'chus berloue !) Intre les 2 photos, ch'est l'même églisse, ch'est l'même majon à tour carrée, ch'est l'même ilot d'vint les genses, d'ouqu'is vientent les arpes qui sont sur l'deuxième photo ? t'étos monté d'sur pour printe el premire ?

Waouh ichi! Tcheue sins de l'observation m'tiote soeur! Elle arot pu ouvrer dins l'police.

Bravo matante, je ne l'avos nin vu!

Bin mi mes gins, j'me sus pas proumenée c'ouiquende mais j'ai pas vu l'temps passer ! et j'ai invie d'dire " commint cha, in est d'jà dimanche au soir ?"...
Vindredi soir répétition d'orchestre comme à l'habitute, qui a un tiot peu débordée pace qu'in devot causer d'diverses séquos à l'fin de l'répétition avec l'chef.
Samedi au matin, répétition avec l'quatuor d'clarinettes, après bin sur comme toutes chés femmes qui traval'tent, courses, ménache, cuijine jusqu'à 17 h 00, heure d'ù que j'm'étos ingagée à la deminde d'eune amie, à donner un "cours" de fabrication de cartes in scrapbooking (in vue du téléthon) à des jones du patronache (comme in dijot quind in étot jone, paraitrot qu'in dit pus cha asteur), du cop j'ai même fait l'connaissanche d'un des curés du villache (is teurn'tent à tros su l'secteur) que j'avos jamais vu. Gaffeusse comme à l'habitute j'y ai dit "bonjour monsieur".... i a rigolé...
Samedi au soir in avot les 60 ans d'eune amie. Couchache à 2 h 00 au matin.
Dimanche matin tiote grasse matinée bin méritée, arpassache, cuijine, pis cheule après midi in est allé vir not' ainé qui juot avec sin big band dins un villache vojin. Programme salsa qui "déménageot" et qui étot bin intrainant... OUF ! à 18 h00, artour à l'majon, affalemint dins l'canapé devint eune séquo d'inregistrée d'pis au moins deux mos, histoire de ne rin faire !
Donc j'l'ardis cor un cop, commint cha in est d'jà diminche au soir ?, dins 11 h ch'est boulot !...

Matante, les deux photos sont prisses à deux plaches différintes distantes d'eune quinzaine d' mètes. J' ai pris l' deuxième insuite pasque j' avos vu les chasseurs. J' étos d' sur un tiot quémin qui lonche la Slack, j' me sus arringé pour vire les majons à travers les arpes, puis les chasseurs in montant d' sur eune tiote élévaton d' sape, d'vant les tiots arpes.

Ch' est pas des montaches, j' étos parti pour printe l' air aveuc deux appareils différints pour les esayer.

. T' as l' eule et l' bon ! ! T' as vu cha Batisse ! ! !

'

matante,arguette bin l' églisse, d' sur l' photo du bas in vot deux ferniètes, d' sur l' photo in n' in vot qu' eune pasque j' étos plus à droite d' sur l' quémin, pour ète derrière les chasseurs. .

Les vla les chasseurs, ch' est eune aute photo non artouchée.



(J'sus à 20 mètes derrière aveuc un Lumix FZ45 qui a un zoom 24x Leica. pour les connaicheux.)

à plus ! ! !

Cha me rappelle le ju des 7 erreurs ch't'affaire...

I n' a pas d'erreurs chef! ! ! ! Quand qu' j' ai vu tin sujet, j' ai cru qu'té jaijos allusion à l' canchon à Line Dariel et Simons......J' connos pas les paroles par coeur."L'carrette à quiens"

" Ah! plaignez Finette,

. Alle est dins l' carrette

..Is l'ont....? ?

..Dins cheule carrette à quiens ! ! .

Cha dot faire allusion à eune carrette (municipale ? ? ) qui ramassot les quiens abandonnés dins les rues. J' ai pas connu cha.

......

Au sujet des photos ch' est pas des arpes mais des sortes d' gros buissons qui bortent l' quémin...les erreurs sont justes...

......

Bon j' m' in va chez min dintiste, i m' resse pus qu' trinte dints d' sur 32 ! ! ! j'ai un camarate, 45 ans, i s' a fait arricher tout l' vitrine comme cha i est tranquile, (vrai)

.......

Quand j'demande à vir ène photo d'Batisse, j'ai ène grande publicité fixe in anglais et ène aute banderole qui défile, ène réclame pour des hôtels, et vous'autes aussi ???

Nin chez mi tout va bin, connectée ou non cha oufe servimg et j'vos les photos...

Pas de problème pour vire les photos d' Batisse nan pus. Tout comme nous tiotte bellotte internationale.



"l'principal c'est d'ête jone dins s'tiête."

Ouais mais dins ses gampes aussi ....si té peux pus arquer ! ! ! cha va mal ! ! !

Sur min aut portable avec Window 7 j'ai nin l'même présintation, les réclames i sont in bas ...

J' sus d' sure XP. Cha va bin.

Flersois, min tiot camarate, si jamais que Marcel i te propose un coup de main pour résoude tin problème, déméfie-te.

Infin, te fais à t'mote, mais mi je dis cha, ch'est foque pour dire.

Sacré Marcel!

In tous les cas t'es comme li, t'as été bidouiller à un programme ou site d'ùche que t'aros miux fait de mettre des moufles avint de buquer, et te vlà dins le brun.

Dommache que l'photo de t"mobylette elle est nin nette sinon, j'aros mis tes numéros d'plaque sur l'mienne, ché ti qui arot archu les amandes...

T'es net ti?

Au fait, ch'est ti le tiot père dins sin cado? Ch'est un modèle qui n'est nin courint. T'mère elle devot avoir du mau à sin dos à forche de te donner à minger aussi bas.

Incore pire si que t'étos nourri au sein à ch't'âge-là...

In tous les cas, mi j'étos le plus bieau de m'rue. Wette:

batisse a écrit:

In tous les cas, mi j'étos le plus bieau de m'rue.

T'avos des ch'veux à l'époque, mi je n'd'avos nin...

A ch't'heure ch'est peut-être l'inverse. Te n'd'as incore?

Citation :

Au fait, ch'est ti le tiot père dins sin cado

Quo qu'ché un cado ???

Citation :

Quo qu'ché un cado ???

ch'est cha!!!

flersois a écrit:

Quo qu'ché un cado ???

Pour mi, un cado ch'est eune cayelle haute pour mettre des afants.

Pour t'dire l'vraie vérité, i n'a qu'eune quarintaine d'ans que je le sais. M'femme elle étot de l'Somme, d'ùche qu'in parle picard aussi, et d'ùche qu'apparemmint tertous i appelle eune cayelle haute un cado.

A ch't'heure, ch'est peut-être comme un frigidaire... le nom d'eune marque. Je ne suis nin sur de l'orthographe. J'in sais rin. I faudrot deminder aux guernoules qui juottent à l'poupée et à l'dinette.

A part la clo qu'elle juot à mappes et aux autos timponneusses!

Ah! I a le grind chef à pleumes, boyau rouche ascindint 59, qui connot.

Cha me rassure...

A'm maison i apellotent cha un Youp la la...