Des fos j'cros qui vaudrot miux ête un animal....
J'devos rappeler min médecin traitant pou y faire l'bilan d'un traitemint qu'alle m'avot donné, pusieurs cops d'fil hier sins résultat, comme j'ai déjà dit asteur is n'ont pus d'secrétaire alors is répondent quind is n'sont pas in pleine consultation... finalement cha fini par réponte, mais ch'étot pas min médecin mais s'collègue.... fallot que j'rappelle aujourd'hui
C'matin j'arcomminche l'cirque, au bout d'5 appels min médecin répond, j'vos passe les détals mais j'dos faire des séances d'kiné pisque le traitemint à part m'bousiller l'estomac cha m'a rin fait...
J'appelle donc l'kiné (pas d'secrétaire nin pus), donc au moins 5 appels... eune charmante dame, s'collègue, me répond infin pour me dire qu'i faut rappeler demain pace que min kiné n'est pas là aujord'hui..... "vos n'avez pas accès au carnet de rendez-vos" que j'y deminde ?. "Si, mais il faut voir ça avec lui, du fait que c'est un nouveau RDV,... et il est très très chargé, et moi je ne peux pas prendre de nouveau patient ! donc rappelez demain"
(j'sais déjà qu'i faudra que j'y aille l'mercredi pace que les RDV s'arrête à 18 h 15, et pas de RDV le samedi... heureusemeint que j'travaille pas l'mercredi)
Donc demain in arcomminche l'roumba du téléphone...

Là d'sus comme j'dos emmener min cat au vétérinaire, j'me dis que comme j'sus dins les galères d'prise de RDV j'vas continuer à boire la lie jusqu'au bout... première sonnerie, deuxième sonnerie..... eune dame me répond (ouais là, i y a eune secrétaire) et là que choix d'horaires !!!! l'soir jusqu'à 19 h 30, même l'vendredi, et l'samedi jusqu'à 14 h....
Alors j'me deminde si asteur pou ête bin soigné rapidemint i vaut miux pas ête eune bête... Heu, vos pinsez que l'véto f'rot de l'kiné ?
Infin vaut miux in rire.... mi ch'est pas grafe du tout, mais ch'est pas l'cas d'tout l'monte...
Valà ch'étot m'séance cop d'colère..... cha va passer....

Le véto i n'est nin policé par l'sécu....

Sinon, va vir un chiropracteur. I n'd'a des qui s'occuptent des biêtes, t'aras peut-être un rindez vous vite. Je sais que pour les gvaux is s'in servtent grammint.

Probablemint pour les biches comme ti aussi (t'as vu j'ai nin mis biques, pour qu'i n'ait nin de confusion hein chef.... déjà que t'es colère... )

Pourtint j'ai tout c'qui faut pou ête soignée par l'véto :
- des yux d'biches (ch'est pas mi qui l'dit) in pus je n'd'ai quate !
- quequefos un caractère d'cochon
- j'peux ête mauvaisse comme eune teigne, si qu'in m'cache des poux dins l'iête
- j'comminche à ête eune vielle bique (là ch'est mi qui l'dit)
- j'peux ête têtue comme un âne
- mais j'sus souvint douche comme un agneau
et j'sus née sous l'signe du lion....
d'quo interesser aussi bin un véto de l'campane que d'la ville et même de l'savane

In a donc eune séquo in commun: l'agneau.

Ti ch'est pour l'doucheur et mi pour l'annochinche.

Alors j'me deminde si asteur pou ête bin soigné rapidemint i vaut miux pas ête eune bête...

Y'a fok qu'ène différence, quind c'vétérinaire y'a fini d'écrire s'nordonnance, y dit quék fos....
-Si cha va pas mieux dins tros quat jours, y faudra l'abbatre

flersois a écrit:

Y'a fok qu'ène différence, quind c'vétérinaire y'a fini d'écrire s'nordonnance, y dit quék fos....
-Si cha va pas mieux dins tros quat jours, y faudra l'abbatre

Min diu, ch'est vrai j'avos pas busié à cha ! bon j'vas rester dins l'circuit normal.... ouf, heureusemint que t'es là !
Bon j'm'in vas dins ma niche.... heu, dins min lit !