cha y est m'n'auto all est blanque!! premiers frimas
j'ai du l'sintir pach'que hier au soir après avoir sorti ché poubelles,j'l'ai mis dins l'allée du garache....
et qui ché qui va devoir l'gratter pour l'arculer pour sortir l'sienne de ch'garache?...pon mi, j'm'in va à m'douche!!
lalalalèèère!!

t' es eune tiote maline camanette

ichi i a pas gelé mais i fait pas caud, c'ouiquende les feulles sont bin quéhues, i avot un bieau tapis su chés trottoirs, d'quo ravir chés tiots su l'quemin de l'école... in a failli ête in r'tard, is voulottent tout ramasser, tellemint i n'd'a des bielles.


aujord'hui min aîné i a 30 ins (min diu cha nos rajeunit pas !) et j'essaie de m'ramintuver que timps i faisot i a 30 ins in région parisienne d'ù qu'in vivot, mais ? faut dire que j'avos d'autes préocupations que d'raviser que timps i faisot.... i avot pas du geler car comme l'carette couchot dehiors et qu'in est parti à l'maternité à 5 h au matin, si i avot fallu gratter, cha, cha s'rot graver dins m'mémoire ! c'tiot là étot très pressé d'venir au monte !

Eh ben un bon lanniversaire à ch'tiot alors.

Pour Alzheimer, ne te fais nin trop de bile, cha évolue duchemint et in va bétôt trouver un armède.....

attention d'en' pas glicher sur un tapis d' feules tiote belotte té pouro t'artreuver les 4 fers in l'air avec d' poussette sur l' vinte, d' casser l' coccyx et té n' pourro pus t'assir pendant un mos

bon anniversaire à tin grand tiot,et n'oublie pas ech roteux pis ches boudouart

pas core ed gelées mais que frodure au matin

Ben ichi ch'est assez mystérieux. Ch't'au matin le thermomètre i indiquot 8 degrés et i faijot tellemint bon et insoleillé qu'in arot pu se pourmener in bras de quémiche.

A ch't'heure i fait 9.5 et ch'est presque l'canicule.

bin ichi , pour l'intant y fait bon,mais in va pas dire non pus que ch'est l'été hein,el principal ch'est qui n' pleuf pas,comme cha ej vais pouvoir tonte in dernier coup avant l'hiver,,min gardin y est fuis,,tranquille de ch'coté là