s'secouer la couenne !!!
Pindant qu'min homme i est parti faire sin arpas annuel avec des anciens collègues j'in profite pou nettier l'majon... mais mi, pou m'donner du coeur à l'ouvrache i faut que j'mette de l'musique, et tant qu'à faire, des cosses qui boug'tent, alors me vl'a in train d'passer l'wassingue au son des Blues Brother, in armuant min popotin, pis j'ai arpassé queques quemiches in acoutant un CD d'madison, et cha l'madison j'peux pas résister.... bin ch'est pas eune bonne idée d'arpasser et de danser l'madison in même tilmps, in a évité l'catastrophe d'peu... j'me sus emberlificotée dins l'rallonche et j'ai failli partir d'un côté et l'fier à arpasser d'l'aute, heureusemint j'ai fait un rétablissemint digne d'eune gymnaste (eh ouais, étonnant !) et l'quemiche a été sauvée... et mi aussi !
L'prochain cop j'mettrai du Mozart

t'avo forché sur el beaujolais tiote belotte

Ch'est nin du Mozart qu'i faut mettre, ch'est eune caméra!

Arpasser in dinsint le madison... i faut s'appeler tiote bellotte.

Armarque, cha fait un momint que te ne t'as nin cassée eune séquo

Bon, sérieusemint, l'musique ch'est bin! De timps in timps i me prind des crises d'acoute de musique - un tiot peu fort - histoire de faire ronron in intindint bin tout.

Et justemint, l'semaine dernière j'ai sauvé un sacré bon impli de l'poubelle. Ch'est un bazar haut de gamme qui étot in panne. J'i ai ouvert sin vintre et j'ai vu qu'i avot eune partie d'un circuit imprimé qu'elle étot roussie par eune séquo qui avot in-dessous. Du coup j'ai démonté pour arriver "in-dessous". Un rude brun. In se deminde commint que des ingénieurs is peuvtent concevoir des montaches ainsi, avec des vis et écrous dins dins coins sins accès. Sins parler des rondelles hyper spéciales pour isoler....

Bref, j'ai fini par gagner et j'ai trouvé que l'pièce qui cramot ch'étot un gros trinsistor. A tout hasard je me chus rinseigné pour savoir si que ch'étot nin un modèle espécial introuvable. Et non, dins eune boutique de Mulhouse i avot cha in stock, à 2.5 euros pièce, même que cha laisse rêveur. Du coup je n'd'ai pris deux et je m'ai linchi dins le sauvetache. J'ai raté le premi essai, à cause d'un fier à souder trop gros. Alors j'ai tinté eune ultime opération, histoire de mettre ch'bazar au bac à l'ordure l'esprit trintchille et, miracle, cha armarche impec!

Pour fiêter cha je m'a acaté 2 disques de Cabrel, que je ne sais nin pourquo mais is étottent nin cher chez leclerc.
Qu'i fait des bielles canchons et des bielles musiques ch'garchon!

Les vijins is dottent savoir que je chus à m'majon in passint devint parce que des cops les murs is dottent trimbler!

Mais je ne dinse nin in arpassint mi. Je sais me tenir, mi. je ne sais nin dinser mi....

ni arpasser pététe???

té fait du repassache batiise?.si ché vrai ech' minteux i est pas loin.

c'matin min homme i est parti faire de l'moto (faut profiter pindant qu'i fait bieau !), j'vas in profiter pou faire mes cassis du salon, comme j'dos grimper su eune escabelle, j'vas m'acouter un opéra (min homme i a pas quer), tiens, j'vas cujir "la traviata" comme cha aucun risque d'dinser pindant que j's'rai perchée, ah quoque ! i a eune valse ! mais eune valse toute seule, ch'est pas drôle...
pis chés vojins is sont pas là et j'vas pouvoir mette l'son à fond les manettes....

au fait, j'confirme que batisse i sait nin dinser ! i a deux pids gauche.... pou l'arpassache j'in sais rin....

mi ej préfère I cant 'Explain.pourquoi? j'en pourro pas vous l'expliquer.

Si si, j'arpasse... je ne peux nin dire que je raffole de cha, mais je le fais, je chus bin obligi!

Ch'est nin récint hein. A l'armée i fallot

Ah, bin j'sus pas l'seule à danser dins l'mason.
Y a des cops cha m'prind, allez hop j'fais l'tour del tape in dinsant.
Si m'n'homme i passe par là i s'met à rire ed mi.
Cha arriffe aussi qui s'met à danser.
Dins mes momints d'cafard, j'passe un Kubiak et là cha y va ! cha armet les idées in plache, mais mi j'fais pas cha avec des fils qui trainentent à terre.

T'as un fier à arpasser à piles?

ou bin solaire.........

J'ai dit qui avot pas d'fils qui trainottent, j'ai pas dit que j'arppassos, te comliques tout
mes gins y a pas qu'ches garnoules qui sont durtes del comperdure !
Allez j't'in veux pas Batisse et pis la Tiote ch'est m'copine, alors !
Bonne journée j'sais pas si j'arviendrai.