Eune maguette, eune vaque et un gva, ch'est tous des mamifères qui mingent de l'herpe. Si qu'is habitent dins l'même since, is mingtent même tertous l'même herpe.

Alors commint que cha se fait que les maguettes elles font des tiotes crottes comme des billes, bin séparées, bin sèques, que les vaques elles font des bouses que splatch cha lu éclabousse lus bottines, et que les gvas cha fait des grosses boules mais qui coltent insonne?

Qui qu'ch'est qui peut m'expliquer cha? Je ne dis nin que cha va m'impêcher de dormir, mais à l'longue, cha pourrot.

Ch'est comme l'café "kazaar" de nespresso. Vinguette! J'ai commindé des capsules de café et avec l'livraison j'ai archu un échintillon d'un nouvieau café, qui s'appelle kazaar. Je m'a dit que ch'étot fait pour être essayé, alors j'ai essayé... vains diousses.... force 12 qu'i est noté. J'ai vu cha après que je n'd'avos bu eune gorgée. Dès que je l'ai eu dins m'bouque je m'avos dit in mi-même qu'avec cha dins le vinte j'étos nin près de dormir.

Un bazar à nin boire après 4 heures de l'après midi si que te ne veux nin rondouiller dins tin lit pindint des heures. I faut être blindé pour avaler cha!

Citation :

je m'avos dit in mi-même qu'avec cha dins le vinte j'étos nin près de dormir.

t'aras l'temps busier à l'différince d'un brun d'maguette,d'vaque,et d'un gvas!

(j'rigole hein!!)

mais un vlà eun' d'question?

Té t'in créer des problinmes Batisse, mi j'va t'réponte que ch'est la nature qui veut cha, is ont des estomacs différints.
Ex. Chés chocolatiers is mètent l'minme chocolat dins differintes machines bin à la fin t'as pas les minmes plaques ou présintations, et pourtant au début ch'étot l'minme chocolat.
Si m'réponse alle convient pon à t'question, fait comme dit Roger, bos tin café et t'auras tout l'timps d'réfléchir à tin problinme.

te caches à faire du fien pour tin gardin??

heureusemint que j'écris pas avec un stylo, pace que j'rigole tellemint que cha s'rot tout bancal et trimblottant....
cha ch'est eune question existentielle !!! in devrot soumette cha à des chercheurs....
(j'adore l'comparaison tout in finesse de marcel )

el meilleur, ch'est ech' café qu'in fait nous meme avecde l'ieau et del chicorée qu'in fait frémir dinseinne castrole pis qu'in passe dins l'alembic!!

Dis me Batisse, est-ce que t'as argarder commint is mingent tes bétails et combien ? Ch'est comme nous, si in minge tertous el même causse à un r'pas, i'n'da qui f'ront des tiotes boules, d'autes des gros cigares etc.... te vas nin comminchi à comparer les cacs de tertous (quoque t'in est bin capabe !!!!)

Matante a écrit:

Ch'est comme nous, si in minge tertous el même causse à un r'pas, i'n'da qui f'ront des tiotes boules, d'autes des gros cigares etc....

Là te m'étonnes. Commint que te sais cha ti?

A m'mote que si que je me mettos à faire des tiotes boules, je riros tout seu in me dijint "quo qu'ch'est qu'i t'arrife min lapin?".

Quint à Marcel, i m'étonne aussi. Cha serot l'estomac qui détermine l'forme de cha qui arsort? J'y aros jamais pinsé tout seu. Incroyape comme l'nature elle est bin faite. In puq d'cha i ferot aussi le tri: te bos eune soupe, i met d'un côté les légueumes in présintations de formes variées, comme pour l'z'épinards surgelés, de l'autre l'ieau et l'sé et i garte l'poiffe pour l'z'hémoroïtes!

Tcheu sujet de brun ichi....

Ch'est pas vrai ! j'brais d'rire.

franchemint in vlà inne question ?

Y a aussi un aute problème ch'est qui a des nuances ed couleurs !
cha aussi ch'est spectaculaire.

Te parles d'épinards surgelés, donc vert foncé
et quanque te minges des betterafes rouches, hein !

Redoutapes les pétraches rouches, redoutapes....

Bon, ben vu qu'à ch't'heure in est dedins, qu'in a causé de l'forme et de l'couleur, i reste l'odeur.

Pour in arvenir à nous maguettes, vaques et gvaux, is mingtent l'même herpe et tchand qu'is l'ont digérée et qu'is arjettent cha qu'is n'ont nin beso, cha ne sint nin parel du tout.

Un début d'explication?

Je ne deminte qu'à apprinte savez

batisse a écrit:

Bon, ben vu qu'à ch't'heure in est dedins, qu'in a causé de l'forme et de l'couleur, i reste l'odeur.

pis l'bruit....

que merdier vot' histoire

tiote bellotte a écrit:

pis l'bruit....

Ch'est vrai cha.

Mais les décrire par écrit, cha va nin être de l'tarte.

Mais par el son!!!!

pis l'couleur, ché pach'que , eux, y n'mingent' pon d'moules frites, d'pâté au poif, d'andouillettes tout cha....y n'mingent que de l'hierpe...

vingt nom Roger, là y nn'a dins ch'patalon!!!!

Commint qu'in fait tchand qu'in n'est nin grind chef à pleumes pour mettre du son chu le forum?

in peut pon pis ché toute!

Citation :

Commint qu'in fait tchand qu'in n'est nin grind chef à pleumes pour mettre du son chu le forum?

comme pour eun' photo!
té treuve un hébergeur pour l'son,
i t'donne un code,et té l'mets din tin message,tout simplemint...

...Tout cha, ch' est étudié pour ! ! !