Cha y est ichi chés tiots ont arpris l'quemin d'l'école et c'qui est bin par rapport à y a 15 jours ch'est qu'in a pus chés combinaison-doudoune, chés gros gants et chés bonnets d'esquimau à leu mette, qu'est ce qu'in gagne comme temps pou les habiller ! Ah, ouais, pis j'oblios pus d' bottes à infiler qu'in a toudis des russes à bin mette l'pid dedins à chés pus tiots qui n'savent pas bin présinter leu' pid et que souvint té dos arcommincher deux, tros fos pou qu'cha seuche mis comme i faut !
C'matin est est parti avec un tiot rayon d'solel, timide, mais cha ch'est quind même bin radouchit, avec des températures positifes.
Bon i a quind même l'revers de l'médale, ch'est qu'avec l'solel in vot bin l'saleté d'sus chés carreaux d'ferniêtes, pis l'poussière su chés meupes, du cop faudrot commincher un bon ménache d'printemps... vos croyez pas que j'devros attinde un tiot peu, après tout l'hiver est pas cor fini, i pourrot arfaire frod, énon ?

Ché bin trop vite pour faire l'Grandnettillache de Pâques....

Dins l'es grantes surfaces d'bricolache, in treufe des feulles plastique pour protéger quint in veut pinte, si in les laisse su les meupes, in dot pu faire les poussières...

Mi j'pinse qu'i est trop tôt pour l'nettillache d'printemps...attinds fin mars, te s'ras dins les timps ! Vin dious les carreaux au bord de mer....va falloir que j'prinds l'rythme d'les faire toutes les s'maines....cha chinge d'avint....j'a pu d'excuses !

Te sais, j'habite loin de l'mer et j'ai souvint honte de mes carreaux quind même!

Mais ch'est toudis le même problème: eune fos que t'as trop honte te t'y mets et tchand que te vos l'résultat t'es découragé(e).

Ch'est quind même incroyape que les "trucs" que les uns ou les autres is ont pour avoir des carreaux impeccables, cha ne marche nin chu mes carreaux à mi!

Citation :

Ch'est quind même incroyape que les "trucs" que les uns ou les autres is ont pour avoir des carreaux impeccables

Faut nin nettiyer tes leunettes, te vos tout prope alors...

Ne me parle nin de leunettes... ch'est un sujet qui est actuellemint sinsipe dins m'caboche.

T'as du maux à t'n'oreiles et à tin nez que ch'est si sinsipe pour mette des leunettes?

In tout cas ché nin comme mi, ché nin ses cheveux qui vèn'tent dvint ses iis...

Des ys, ch'est si précieux que des fos in les met in vitrine.

Waouh, ch'est bieau cha mérilou

In in brairot....mais cha fait de l'buée chu les vrites ed leunettes.... et après y faut essuir les carreaux... Ouf ! in artché su nou arpions et dins l'sujet

Min homme i s'a acaté un nouvieau casque d'moto, avec eune visière soi disant anti buée, ouais mais imaginons qu'i armet sin casque à l'sortie d'eune majon cauffée et que dehiors i fait frisquet, forcémint i va avoir de l'buée su chés leunettes et si i infile l'casque avec chés leunettes qui ont de l'buée i s'ra quind même obligé d'nettier chés verres d'leunettes énon ? l'visière alle va pas l' faire ? pis l'buée alle risque pas de s'trinférer d'sus l'visière ?
Armarquez j'dis cha mais comme j'y connos rin dins chés équipemint d'moto.....

el mius ed tout , toni y roule sans leunettes et sans visère,mais attintion les dégats..

ahhh passqu'y font pon des visières adaptées à l'vue de ch'ti qui conduit? pététe que cha existe....faudrot s'rinseigner amon des yeutistes especialisés....y a des inseignes des fos in est surpris d'cha qu'y font et des prix qui pratiquent'....hein ouais?!

Mi j'cros qu'il faut nin trop nettiyer ses visères de casque, ses leunettes, in a moins vite de buée, mais bon à moto au d'sus d'centchinquante à l'heure, l'buée elle s'in va tout seu....

in est dins ménache ed printemps
vous faisez vote ménache ed lunettes, ed casques et pis tout cha qu'eine fos par an. In vlà des crapets et crapettes !

pour ches casques y a pas d'z'essuie glaches ? i faudrot inventer cha des essuie glaches à l'intérieur.
Bon , j'min va

Mais m'mobylette elle est toudis bin nettiyée, nin comme celle de not camarate de l'Est...

Les visières intibuée cha marche bin. Ch'est foque utile à l'arrêt parce que dès que cha roule un peu, l'buée ch'est nin un problème. Et tchand que cha ne roule nin, in l'arlève!

Par contre le crachin, cha ouais ch'est un rude brun!

Et pour qu'i aiche nin de buée chu les leunettes, i a des produits exprès ou.... du savon. Cha marche impec!

flersois a écrit:

Mais m'mobylette elle est toudis bin nettiyée, nin comme celle de not camarate de l'Est...

Ouais, bon, ch'est un choix de vie hein. Mi je préfère passer min timps à rouler qu'à laver. Cha s'arsalit trop vite. Et cha attire moins les voleurs.

Et pis je trouve qu'eune mob avec des traces d'ieau sale horizontales chu s'carrosserie, ou avec des mouques plein sin phare, ch'est bieau. Ch'est eune manière de moutrer que ch'est eune machine qui roule -vite- même tchand qu'i pleut.

M'énerfe nin le flamind....

la clo a écrit :

Citation :

ahhh passqu'y font pon des visières adaptées à l'vue de ch'ti qui conduit? pététe que cha existe..

J'pinse nin qu'cha existe, mais un grand progrès, ché l'visière tintée escamotape

batisse a écrit:

flersois a écrit:

Mais m'mobylette elle est toudis bin nettiyée, nin comme celle de not camarate de l'Est...

Ouais, bon, ch'est un choix de vie hein. Mi je préfère passer min timps à rouler qu'à laver. Cha s'arsalit trop vite. Et cha attire moins les voleurs.

Et pis je trouve qu'eune mob avec des traces d'ieau sale horizontales chu s'carrosserie, ou avec des mouques plein sin phare, ch'est bieau. Ch'est eune manière de moutrer que ch'est eune machine qui roule -vite- même tchand qu'i pleut.

M'énerfe nin le flamind....

Comme in dit maintenant : Ché la beauté intérieure qui compte,...j'ai jomais compris quo qu'cha veu dire...

batisse a écrit:

Ouais, bon, ch'est un choix de vie hein. Mi je préfère passer min timps à rouler qu'à laver. Cha s'arsalit trop vite. Et cha attire moins les voleurs.

C'est exactemint c'que j'dis à Toni pou l'carette, mi j'pinse jamais à l'nettier, vraimint j'y pinse nin ! pis quind i l'nettoie juste avint qu'in parte in vagances, j'y dit "pourquo faire cha alors qu'in roulant cha va tout s'arsalir", j'sais rin pourquo i fait cha, et cha fait belle lurettes que j'cache pus à comprinde... tint qu'ch'est pas mi qui l'nettoie ...

Alors, rinseignemint pris, ch'est pas l'casque avec l'visière anti buée qu'i a cuji, mais cheule d'ù qu'i a l'visière teintée qu'in abaisse quind i a du solel... faut dire qu'i en a essayé pusieurs...
Quind j'vos disos qu'j'y connaissos rin !

Ah cha, l'visière intégrée, cha devrot être obligatoire!

batisse a écrit:

Ah cha, l'visière intégrée, cha devrot être obligatoire!

J'avos mis :

Citation :

, mais un grand progrès, ché l'visière tintée escamotape

Pou ène fos in est d'accord...