Directemint à l'cuillère, ch'est incore comme cha que je préfère.

Ou alors chu de l'glache...

Te n'd'as incore?

ouais j'in ai core un pot,
sur de l'glache... j'ai nin essayé,
j'pinse que j'vas nin tarder à gouter cha,
avec de l'glache à l'vanille, cha dot ête bon?

Ouais, avec de l'glache à vanile, ch'est bon.

Cha fait un tiot peu vanile caramel.

Un tiot peu grammint même... hmmmmm, rin que d'y pinser j'in béfelle.

In tous les cas je chus étonné que te n'd'as incore. Ch'est Jacqueline qui fait l'régulation ou ch'est ti qui es raisonnape? (attintion, ne raconte nin de craques, tin nez i pourrot aller buquer dins tin écrin).

J'vins d'passer un' tiote heure su' ch'forum et j'ai bin ri d'arlire c'qui avot été écrit ! J'cherchos l'sujet d'où qu'on parlait d'el caramel au burre salé et j'le trouvos nin. J'sais que les sujets d'départ is chingent à l'arrivée alors j'chus allée dins divers sujets dins les rubriques "à des quoi" pour mi et rin ed rin. Les arcettes ch'est des "proportions" et des "commint faire" bin non pour ch'te crème qu'in accate toute faite ch'est là qu'in la trouffe !

Tout cha pour dire que j'chus arvenue ed vacances avec un pitit stock de pots car j'chuis d'aller in Bretagne et même que j'ai pinsé à que'que'z'uns car j'ai fait un' ballade sous la flotte par grindes marées dins les sabes mouvants du mont St Michel !!!

T'es maboule tisaute? Aller faire la gugusse dins les sabres mouvints du mont st michel alors que t'as eune cargaison de crême de caramel au burre salé à amener in lieu sur...

T'in as nin cassé in route j'espère.

T'in as nin trop mingé in route non pus j'espère...

Ch'est des pots de combien de kilos? T'as acaté eune remorque pour mettre derrière tin break? Vite vite, rassure me!

pleures pas, j'ai rin cassé in route !
rigoles j'in ai plusieurs pots, des grinds et des plus pitits
mais attintion danger il y a un' date limite ed consommation et i a déjà un pitit pot ed parti !

Cha va, t'es rassuré ?

Au mitan rassuré... vu qu'i a l'date limite de consommation qu'elle court sins mi et que j'ai un doute chu m'capacité à l'rattrapper. Nous évlà partis pour eune course avec hindicap.

Te comprinds?

Pis je chus à peu près certain qu'à ch't'heure Roger i n'd'a pus, tellemint qu'i ara fait des catoules à s'femme pour qu'elle li dise d'ùche qu'elle étot s'muchette. Du cop nous grind chef à pleumes i pourrot avoir des réactions de drogué in minque. Et comme i sait que te n'd'as, i pourrot te faire des catoules à ti.... et i habite plus près de ti que mi.

In attindint, barricate-te bin hein

Ou déguisse-te in chorchelle ou eune séquo ainsi, pour qu'i aiche peur de ti.

In fait ch'est nin "ou déguisse-te..." mais "ET déguisse-te..."

Code:

Pis je chus à peu près certain qu'à ch't'heure Roger i n'd'a pus

comme té dis Batisse, j'in ai pus!
Comme je n'sais nin du qui est l'aute pot et je ne l'vos pas,
j'languis nin! mais faut nin que j'qué d'ssus... là cha n'sras pus pareil.
In intindant j'vos qu'matante a fait ses provisions d'pots caramel,
si té fais des gauffres met zin intre deux,ch'est délicieux.

bin ch'est malin ! asteur j'ai invie d'un caramel au burre salé !...

Alors? Toudis dins ses wassingues tiote?

Vinguette, Roger, t'as du mérite. Savoir qu'i a un pot de camuché dins l'majon et attinte sins monter à ches rideaux, capieau! In peut dire que te maîtrisses tes nerfs tisaute.

T'as essayé toutes les méthodes pour savoir d'ùche qu'elle a camuché cha Jacqueline? Ch'est incroyape qu'elle résiste...

Si qu'un jour je récupère les miens avint que l'date de périmption elle soche dépassée, je te rappellerai le goût que cha a.

Et pis cha fera bafiller l'modérateusse verte au propre carrelache, gnak gnak gnak

ROGER, ROGER, ATTINTION, DINGER !

Je viens d'in apprinte eune bonne, qu'elle risque d'être mauvaisse pour ti: i a chu ches bocaux eune date limite de conservation qu'elle est courte et qu'i ne faut nin printe de risques avec.

Au point que je me deminte si que j'aurai le timps de minger l'arrivache à Matante sins buter dins cheule fameusse date limite!

Du coup, ti, avec tin viux bocau rescapé que t'femme elle t'a muché, à m'mote que te vas drot vers eune grinte déception.

Alors, vu que je ne voudros nin que te tchettes dins eune dépressions nerveusse, je te conselle d'agir de l'manière l'plus efficace possipe auprès de t'femme - si que te veux des idées, in ne sait jamais, ouvre un sujet exceprès chu l'forum, à m'mote qu'in y apprindrot grammint chu les rêves guernoulesques... - pour réussir à sauver tin pot d'eune mort affreusse, perdu au fond d'eune poubelle parce que trop viux avec du poil dessur ou, pire, des bactéries invisipes à l'intérieur.

Des bactéries qui se mont chu le bout de tes dogts et qui pollutent toute l'vaisselle que te fais, in foutint eune drisse carabinée aux ginses qui utilistent les affaires lavées ou essuyées, ou ringées par ti.
D'autint que ch'est des bactéries qui s'attaqtent aux organisses les plus faibles qu'is trouvtent dins lus paraches et, à priori, à t'majon ch'est chu t'femme que cha tcherrot.

A moins qu'elle se sauve elle-même de longues heures de souffrince solitaire, assise chu le trone, in te dijint infin d'ùche qu'elle a muché tin pot de caramel. Pourvu qu'elle aiche nin oblié!

Quo qu'in ne ferot nin pour un copain...

et in dit que ch'est les guernoulles qui sav'tent manoeuvrer pou arriver à leu fin !!!
que filou c'Batisse !!!!
Mme Roger, JACQUELINE, JACQUELINE, ne te laisse pas amadouer par chés jones d'aloutes (infin jones, ch'est vite dit)...

Eh ben bravo! In découvre ichi que l'tiote modérateusse verte ch'est eune gaspilleusse et à l'fos eune malophobe (hommophobe cha prêterot à confusion énon?) et eune guernoulophobe.

Elle préfère faire braire Roger in li foutint sin pot de crême au bac à l'ordure plutôt que laichi s'copine Jacqueline profiter d'un traitemint de faveur histoire de dire A TIMPS à sin tiot mari chéri d'ùche qu'elle a muché sin pot.

Solidarité féminine? Incore un mythe qui vole in éclats. Bravo l'tiote verte. Je t'artiens.... et si que j'étros Jacqueline, je t'in voudros. T'as de l'veine que Jacqueline ch'est eune gintite...

Je chus sur et certain que Jacqueline elle ne veut que le bonheur de s'n'homme et qu'elle va li glichi sin pot sous s'tiête d'oreiller, à ch't'heure qu'elle sait qu'i a dinger à le laichi là d'ùche qu'i est...

JACQUELINE, j'ai l'solution pou que ch'pot i seuche pas gaspillé : t'invite eune (ou pusieurs) copines à boire un tiot jus, té sors des pots d'glache à l'vanille, des gaufes et ch'pot d'caramel et à vosautes l'régalache (té peux organiser pusieurs "goûters" pou éviter l'indigestion d'tout minger d'un cop)
pis comme ch'est Roger qui a mingé tout l'aute pot, i comprindra très bin qu't'as partagé avec tes amies (pis devint elles i osera rin dire), mais comme ch'est un brafe garchon ti gardera eune ou deux gaufes tartinées au caramel, mais pas d'pus, faut pinser à s'sinté à nou grind chef à pleumes

ch'est miux ainsi, énon ? comme cha j'sus pus gaspilleusse, guernoulophobe et malophobe (faut l'breveter chti lal d'mot...)

Si que te veux Jacqueline, je veux faire eune des copines... si possipe l'seule d'ailleurs, comme cha je pourros bin partager avec min copain Roger et qu'in aiche quind même un tiot peu à in mettre dins nous bouques, qu'in sinte l'goût.

Au faudrot d'ailleurs qu'in se sacrifie foque à nousautes deux, parce qu'in n'est nin trop sur du momint auquel les bactéries fouteusses de drisse aux guernoules elles s'instaltent.

Te comprinds, ch'est pour tin bin

Citation :

ROGER, ROGER, ATTINTION, DINGER !

merci Batisse, mais cha n'a nin marché...
J'ai dit à Jacqueline d'faire intintion à l'date de ch'pot d'caramel...
du tac au tac, elle m'a répondu!
-Mars 2011!

Code:

t'invite eune (ou pusieurs) copines à boire un tiot jus, té sors des pots d'glache à l'vanille,

Là t'as eu bonne idée tiote
j'arviens d'faire des courses,et j'me suis pris un litre de glache à l'vanille,j'pinse d'ichi fin semaine,ch'est mi qui va l'inviter... à sortir sin pot crème,elle n'a querre aussi

Roger....

Avant hier in a été aux "Salines d'Aigues Mortes" vous savez ch'est là qu'is récoltent l'sel qu'in trouff dins chés boites dû qui a eun' baleine d'sus, bin dins ch'magasin dû qui vindottent leu sel et des spécialités et i avot des caramels à la fleur de sel mais pas d'crème.

Cha ch'est eune bonne idée Marcel... in va faire l'liste de tous les indrots d'ùche qu'i n'd'a nin! L'liste elle va être longue.

Je comminche:
Lidl (i n'd'a eu pindint eune demi journée....)
Leclerc Issenheim
Cora Mulhouse (magasin et galerie marchinte)
Super U Guebwiller, Bollwiller, Staffenfelden
Leclerc Cernay

et cha me fait pinser que j'ai nin été vir au Carouf de Mulhouse... et que je n'ai incore nin ratissé l'région de Colmar.

In même timps que de l'crême de caramel au beurre salé, je cache du ovomaltine in pâte à tartiner (in pots in vierre). Ch'est aussi eune séquo aussi redoutape que dur à trouver. J'ai un neveu qui m'in a fait goûter. Je peux vous dire qu'in in trouve in Touraine... mais je ne sais nin d'ù.

Is appeltent cha pâte à tartiner, ch'est rire des gins... ch'est de l'pâte à minger avec eune cuillère, tout simplemint, sins faire de menoules et in roulint ses ys....

Je n'comprinds pon quemint qu'té grossis pas plus é qu'cha, mi j'minche pas ed tout cha et j'prinds des kilos.

I faut croire que je transpire tout cha....

In tous les cas, i n'd'a nin au Carouf de Mulhouse mais... mais... i avot de l'ovomaltine crunchy!

A m'mote qu'au Carouf la crême de caramel elle ne devrot pus tarder à arriver, vu qu'i a déjà de l'confiture de lait de Normindie.