J'vous rassure ch'est nin eun' recette.
ch'matin j'ai été au magasin discount LI.L vous connaissait,i na sur'mint un din vot' coin.
i ont mis in vinte des pots d'crème de caramel au beurre salé,cha vient d'Bretagne, j'vous dis pas, ch'est délicieux,j'in ai pris deux pots,parce qu'il in aura pas toudis.
J'sais que d'certains d'intres vous a querre cha...
J'vas faire des gaufres fourrées avec cha, j'pinse que cha séras délicieux.
J'vous dirais quoi.

alors ??? quoque cha donne grind chef à pleumes ?
in joque, in joque.....

In les as nin incore faîtes,in va intinte qui fait un peu moins caud...
J'vous tiens au courant.
Jacqueline a camouflé ch'pot d'crème à l'caramel,j'y allos souvint l'vir avec eun' tiote cuillère...

Tiens in dirot qu'Batisse i t'a moutré l'mote d'implo Roger !

Lidl te dis?

Je vas aller vir cha tout de suite. Justemint je devos mettre de l'essince dins m'mobylette...

Ch'est vrai que ch'est redoutape ch'bazar hein, grind chef à pleumes?

Dis donc, si que Jacqueline elle camuche tin pot, va n'd'acater des autres, si qu'i n'd'a incore, et te les camuches dins tes muchettes à ti...

Infin, je chus pour l'paix des ménaches, mais là ch'est du hors concours: ch'est tellemint bon que ch'est des coups à nin laichi les guernoules faire n'importe quo!

Hein ouais que j'ai raison?

cha m'tente bien ch't'affaire, mais rigolez pas si j'queminche avec cha , j'vas pas lâcher avant d'avoir tout minger, mi aussi j'seros capabe d'mucher l'pot ! eh oui,
Un seul truc pour m'impêcher d'faire em'gourmande ch'est d'pinser que j'vas artrouver tout cha ..... sur les hanches,
alors cha ch'est mieux qu'un régime.

Te préfères être eune clique à zoches?

Bon, j'ai été chez min Lidl... et à part eune bonne rincée de pluie à l'sortie, j'ai rin trouvé. Je chus hyper déçu, in puq d'être tout fraique.

A m'mote qu'i a un autre Lidl vers Milhousse... je vas peut-être aller vir.

Dis me Roger, is avottent muché cha dins quel coin? J'ai fait tous les rayons - à part le minger pour les biêtes - et j'ai rin vu.

Ch'est imbêtint, à ch't'heure je baffile...

si té veux, i m'reste un pot de glache au caramel salé...
l'pire ch'est qu'in va ête obligé de l'minger d'ici 2 jours, du fait qu'in dot débrancher l'congelateur pour pouvoir l'bouger pou chés travaux qu'in fait..
in va devoir s'forcer ! (pouquo j'ai min nez qui s'allonche ???)

Citation :

Dis me Roger, is avottent muché cha dins quel coin? J'ai fait tous les
rayons - à part le minger pour les biêtes - et j'ai rin vu.

vla chi l'photo de ch'pot,et j'l'ai treuvé din ch'deuxième allée di l'fond sur un étalage spécial Bretagne

Ichi nan pus inn' da pus is ont rimplaché les produits de l'Bretagne par l'Mexique c't' semaine

Après 80 km d'errinche dins tout l'départemint, j'arnonce...

In fait i s'avère que l'semaine bretonne - qui me fait bertonner - ch'étot foque lundi. L'reste de l'semaine i a cha qui s'a nin vindu le lundi. Cha veut dire que dins l'plupart des magasins, i n'a pus rin depuis un momint.

Roger, t'aros miux fait de te taire. A ch't'heure i va falloir que je trouve eune solution pour arrêter de baffiler rin qu'à y pinser.

J'pins'rais à ti qand j'mettrais m'cuillère din ch'pot!

mi aussi, promis juré craché, j'pinserai à ti Batisse quind j'mingerai m'glache au caramel salé....

Bante de voyous!

Bin j'vos qu'i a des zouafes ichi

J'va vous dire un truc, vous allez amon L.l et vous l'commandez, ch'est tout simpe, si i in a pus in peut commander.
Is vous diront quand cha s'ra arrivé.

Du chuc!

Dins deux magasins in m'a dit "i n'd'a pus, désolé" point barre. A m'mote que si qu'i avot moyen d'in avoir is l'arottent dit.

Bon, j'aros peut-être du lu dire que j'étos intéressé par un carton de 12 ou 24 bocaux... je sins que cha va incore eune fos être de m'faute.

j'ai été vire aussi à lidl in n'avot pus, et que chétos el smaine mexiquaine, du coup j'ai aquaté del sauce piquante, ej sus déçu, ch'est moins fort que l'harissa ...

Qund j'pinse qui n'vot au moins eun' trentaine ed d'pots quand j'ai acaté les miens,
si j'avos su....

j'sais pas pouquo, mais là j'imagine Roger, plié d'rire devint sin manicraque... mais alors j'sais vraimint pas pouquo

au fait elle étot bonne l'glache... i dot rester deux cuillères pour c'soir, infin pet ête pou c'soir...

I n'est nin incore débrinché tin congélateur?

A ch'rythme-là, ch'est nin près d'être ringé à t'barraque. Te seros bin du ginre à nin armettre au lindemain cha qui peut être fait le surlindemain? Et goulaffe in puq. Bravo, je note.

Roger, je t'artiens.... je te rinverrai l'aschinseur un jour...

Ch'étot des cartons de combien de pots?

J'ai trouvé un site d'ùche qu'is n'd'in vindtent par pots de 1kg.

Hmmmm Roger.... un kilo! I faut eune lonque cuiller. T'imagines?

Bon, le prix au kilo i n'est nin du même acabit que ch'ti de lidl...

Je chus in train de me deminder à partir de combien de kilos que les frais de trinsport is deviennent intéressints...
In même timps, l'mobylette au facteur elle risque d'avoir s'roule avint in l'air avec un tel colis chu sin porte bagaches...

Ayé! Je n'd'ai trouvé... à Amboise, près de Tours!

Je chus dins le secteur avec Matante et hier, après un tiot tour in mobylette histoire d'essayer les zigzags locaux, in s'a dit qu'in devrot faire des commissions pour avoir eune séquo à minger et surtout à boire pour occuper l'soirée.

Du coup in a été au Leclerc d'Amboise et, après avoir rimpli le caddie avec des bonnes séquos, je m'a dit "tiens, à tout hasard, je vas aller vir si qu'i n'arot nin de crême de caramel au burre salé ichi".

I n'd'avot! Des grinds pots (nin si grinds que cha i faut dire...) et des tiots.

I n'd'a pus des grinds mais j'ai laichi des tiots, des fos qu'i arot des bouques à chuc.

Et depuis, Roger, te dos avoir tes orelles qui chuffèltent.

Parce que mi je n'd'ai incore!!!!

Bon, Matante elle a fait comme Jacqueline: elle a muché le gros du stock. Elle ne m'a laichi que foque un tiot pot...

Matante elle a trouvé dins le rayon des lardons, gambon et tout cha, eune séquo qui est aussi ardoutape: du pain qui n'a l'air de nin grind cosse, in forme de pavé allongé, mais i est copé in deux dins le sins de l'épaisseur, et dins le mitan i a eune préparation à base d'al, de burre, de sé et de poiffe. Je peux vous dire qu'i a grammint d'al, copé in tiots dés.

Te mets cha au four 10 minutes, te sers cha à l'apéro... vinguette, ch'est presque aussi attractif que de l'crême de caramel au burre salé.

Bon, i faut aimer l'al et nin aller dinser après...

A midi in avot mingé dins un restau indien. I avot de l'sauce qu'elle pique sérieux!

La velle, in venint, j'avos mingé réunionnais chez min ex fouteballeux pro de l'région de Langres. Li aussi i avot de l'sauce qu'elle piquot grave! Hmmmmm...

t'as nin peur d'avoir l'cul in feu avec tous chés sauces piquantes!
mi aussi j'ai querre minger piquant,mais j'fais intintion quand même.
J'sus bin contint qu't'as treuvé tin bonheur in treuvant de l'crème de caramel au beurre salé.
Je l'ai essayé di des gaufres, et bin ch'est rud'mint bon.

Directemint à l'cuillère, ch'est incore comme cha que je préfère.

Ou alors chu de l'glache...

Te n'd'as incore?