Ch'est foque pour dire: cha fait eune paire de fos - et je diros de plus in plus souvint - que j'armarque qu'in cas de travaux chu les routes, les soyeux de feux tricolores qui nous font des fos joquer des éternités pour rin is sont rimplachis par des ouvériers dont le seul boulot est de tenir eune espèce de pelle à pizza, avec d'un côté dessiné un sins interdit et de l'autre un rond vert.

In puq de s'pelle à pizza, chaque ouvérier archot un talkie walkie pour causer à sin copain, et eune boutelle d'ieau, pour boire.

Eh ben figurez vous qu'is font cha parce que cha arvient moins cher que d'acater ou de louer les fameux feux de chantier.

In puq, un ovérier cha ne se laisse nin voler aussi facilemint...

A m'mote qu'eune condition pour avoir ch'boulot-là, ch'est de nin avoir de problème de prostate

j'viens d'apprinde quedcosse.

Je m'dis toudis, man mère comme cha dot ête long inne journée d'traval comme i font.

l'système là cha va bien quanque el chantier y est fini l'soir

j'pinse à ch'pauffe garchon avec s'pelle à pizza la nuit si que l'chantier i dot continuer l'lendemain !!!

j'dis cha hein comme cha, ch'est rien que pour dire

Cha m'fais pinser!
j'étos sur l'rocade,et cha ralintissot,j'étos presque à l'arrêt,j'vos au loin sur l'côté droit un ouvrier aloter un drapeau,je m'disos à mi même,i dot avoir d'mal à sin bras min homme à aloter comme cha...
Mais ch'est in arrivant à sn'hauteur que j'me suis aperçut qu'ch'étot un mann'quin,j'in est resté b.a b.a...
yavot même sin casque ed chantier sur s'tête.

Ouais mais t'as raison de dire...

Si que l'chantier i dure l'nuit, à m'mote qu'i a eune équipe de nuit. Mais in général, ch'est un système pour les tiots chantiers.

Je dis cha, mais eune des premires fos que je l'ai vu ch'étot chu l'route intre Lure et Vesoul, qu'is sont in train d'arfaire un pont, ben cha fait au moins 6 mos que cha dure.

Mais dins ch'cas-là, à m'mote qu'i a eune raison in puq: des hommes avec des pelles à pizza, cha réfléchit puq qu'eune minuterie de fu tricolore. Vu que le pont in question i n'est nin loin d'un passache à niveau, i dot y avoir de timps in timps des messaches dins le ginre "mets au rouche de tin côté, i a ichi incore un balochard qui s'a ingagé chu l'passache à niveau et l'barrière elle se baisse...".

Infin bon, mi cha me plait de vir qu'i a des ginses qui calcultent et qui préfèrtent donner un tiot boulot à quelqu'un plutôt qu'un magot à un loueux de matériel.

Mi j'ai fait des foires à l'étringer, eh ben ch'étot souvint moins cher d'acater un frigo ou un téléphone que de le louer pour eune semaine.

Seulemint dins ches mafias-là, i n'd'a des qui mettottent dins le règlemint que ch'étot interdit d'amener sin propre matériel...

Tcheu monte dins lequel in vit!