salut mes gins

après eune semaine in italie du nord (région de Trente pour les cheusses d'là bas) dù qu'in s'a régalé d'ché paysaches, (j'vous mettrai des photos
gramin d'lacs, torrents, cascades )pis eune semaine amon de m'file in bavière dù qu'in a assisté à la victoire d'foot d'l'équipe d'all'magne (qué ju dins ché rues!!)in est rintré et in a aussi caud ichi....
là j'ai in pinsion eune tiote quiénne; in arvient d'prom'nate; in est KO
j'n'arprinds pon l'usine avant l'23 juillet....j'ai cor l'timps d'm'arposer
ahhh non, m'n'homme y dit qu'y a l'cuisine à r'faire (peinture et tapisserie),ché volets esstérieurs....pffff

Bin contint de te vir arpointer le bout de tin nez tiote!

Je note que t'arcomminches l'usine un vindredi. T'es maso ou is sont sadiques?

Euh, ichi in France, question victoires fouteballistiques, cha a été calme dins les rues. Frinçais, Algériens, Ritaux et tout cha, is ne se sont nin trop fait armarquer à moutrer lu joie.

I faut croire qu'i n'a nin grammint d'Espingouins par ichi...

Mes Berlinois is ont vu ch'match hier soir à Montbéliard et is sont arrivés à 13h30, bin sûr is sont contints du résultat ed l'Allemamne mais aussi fin bénaches d'êtes arrivés.
Es soir, avant l'finale d'foot, in devrot aller vire un ancierro (ch'est avec des taureaux), dins ch'villach' d'à côté ch'est l'ducasse (l' "fête votive" comme is ditent par ichi) et comme ch'est l'région ichi i a toudis des jeux avec des taureaux, dins l'nord ch'étot des coqs ichi ch'est des pus grosses bêtes mais i a pas d'mise à mort ch'est putôt du sport pou chti qui ceure d'vant et derrière.
I a des abrivados, des bandidos, des ancierros, des gazes
J'vous dis tout d'suite que mi j'irai pas courir d'vant chés taureaux, j'ceurrre pus assez vite et chés gosses non pus d'ailleurs.
Mais ichi à partir ed 13/14 ans is ceur'tent après chés grosses bêtes, les attrapent par leu queue, leu cornes et les arrêtent 7/8 s'condes avant d'les ar'lacher, ch'est l'but du jeu in les appelle les "attrapaïres", bon quiques fos i a des accidents

mi nin pus j'iros pas ceurrir d'vint chés biêtes qui doiv'tent êtes complètemint affolées d's'artreuver dins chés rues, infin comme in dit à chacun chés distractions tint qu'in connot les risques...
d'toute manière mi j'sus pas sportive, et j'l'assume, à part mes tiotes rindonnées et un tiot peu d'vélo d'timps in timps ch'est toute et cha m'suffit largemint pou suer !

camanette in s'soutiendra mutuellemint pou chés travaux, nos in n'd'a jusqu'à fin aout... à part chés 15 jours qu'in va in montane et chés 4 jours qu'in descind à Perpignan chez m'bielle mère (à partir de c'mercredi)...
j'espère qu't'as pu aller jusqu'au lac d'Côme in Italie qui est bin pus bieau et sauvache que chti de Garde (infin ch'est m'n'avis)...