|
Auteur | Message |
---|
la clo
Sexe : Date d'inscription : 25/12/2009 Messages : 647 Brive la Gaillarde
| Sujet: In arpart in arrière Jeu 16 Sep 2010 - 8:58 | |
|
I paraît qui va ravoir ches classes d'écoles du qu'ches garchons seront séparés d'ches files. Bin i va falloir arconstruire des murs assez hauts pour qu'ches garchons i ravisentent par d'sus ches files. Cha va ête dur d'faire marche arrière d'pis l'temps qu'ches jones i z'étotent insenne ! Cha va peut'ête core plus les perturber in les séparant. In va bien vire si qu'cha va vraimint s'faire ou pas. |
|
| |
camanette
Sexe : Date d'inscription : 22/12/2009 Messages : 611 chef lieu du pas de calais
| Sujet: Re: In arpart in arrière Jeu 16 Sep 2010 - 14:06 | |
|
ché pététe ché files qui vont raviser par au d'zeur d'ché murs, all sont bien dévergondées achteur... |
|
| |
tiote bellotte
Sexe : Date d'inscription : 22/12/2009 Messages : 3111 Dins le beaujolais (69)
| Sujet: Re: In arpart in arrière Jeu 16 Sep 2010 - 15:11 | |
|
Ouais j'ai intindu cha l'aute jour au journal... in s'deminde d'ù qu'is vont querre des idées parelles, i paraitrot que ch'est pace que les files, in primaire, alles sont pus "mûres" que les garchons au même âge... si ch'est vrai physiquemint ch'est pas forcémint vrai au niveau des résultats scolaires, mi cha fait 25 ins que j'garde des tiots, je n'd'ai vu passer des garchons et des files, bin des fos les files sont in tête d'classe, des fos ch'est les garchons.... infin faut pas s'in faire (quoque !) pace que si is arriv'tent à armette cha in plache (mais cha m'étonnerot), dins queques ins i a quequ'in qu'i va dire que d'séparer les files et les garchons in primaire ch'est pas bon pou leu épanouissemint.... |
|
| |
tiote bellotte
Sexe : Date d'inscription : 22/12/2009 Messages : 3111 Dins le beaujolais (69)
| Sujet: Re: In arpart in arrière Jeu 16 Sep 2010 - 15:13 | |
|
A min école quind j'étos tiote chés garchons n'pouvottent pas raviser au d'sus du mur pou vir les files pace que les deux écoles n'étottent pas dins l'même rue... dommache D'ailleurs cha m'rappelle que j'sonnos chez min tiot vojin, in partot à l'école main dins la main, pis arrivés su l'plache du villache in partot chacun d'nou côté avint d'nos artreuver l'soir à 16 h 30 pou arvenir main dins la main.... in s'écangeot des Sylvain et Sylvette... i s'appelot André, Dédé, quoque i est devenu j'in sais rin !!!!! souvenirs.......... |
|
| |
Loumarcel
Sexe : Date d'inscription : 26/12/2009 Messages : 1417 Prés de Montpellier
| Sujet: Re: In arpart in arrière Jeu 16 Sep 2010 - 20:04 | |
|
Ouais cha queminche par chés infants et après cha s'ra chés femmes dins côté et chés hommes ed l'aut' , et après cha s'ra chés hommes ed'vant et chés femmes derrière.
Cha vous dit rien cha? |
|
| |
pépéPéBé
Sexe : Date d'inscription : 25/12/2009 Messages : 4646 Wimille 62126
| Sujet: Re: In arpart in arrière Ven 17 Sep 2010 - 9:50 | |
|
. Comme j' ai toudis eu des classes mixtes, j' ai toudis plaché côte à côte eune file et un garchon....Cha bavarte moins. mais les garchons n' avotent pas core du poil au minton ! ! ! |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: In arpart in arrière Ven 17 Sep 2010 - 13:39 | |
|
D'ailleurs, cha m'étonne qu'à l'piscine in sépare incore les vestiaires des hommes de ceux des guernoules. Peut-être parel pour les douches d'ailleurs... cha fait un bail que j'ai nin été à l'piscine, mais j'ai des souvenirs de personnes qui se lavottent de bon tchoeur à l'douche... |
|
| |
Mérilou
Sexe : Date d'inscription : 12/01/2010 Messages : 737 Touraine
| Sujet: Re: In arpart in arrière Ven 17 Sep 2010 - 15:29 | |
|
à l'piscine ed Tourcoing, y'avot un bain d'vapeur d'ùche que les visses guernoules elles s'frottottent aveuc des gants d'crin, que tout y hochenait, ch'étot ptête pour maigrir? Je pinche pos qu'elles arottent fait tout c'dallache in présince des hommes. Quo que....y n'd'a des drôles! L'piscine elle faijot aussi ''bain douche municipal'' et à ch't'époque y'avot nin des baquets dins toutes les majons comme à ch t'heure. Te devros artourner à l'piscine: te sais nager au moins? In s'éloigne de l'discussion chu l'mixité. |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: In arpart in arrière Ven 17 Sep 2010 - 16:55 | |
|
Ouais, je chais nager comme un garchon: in faijint des éclaboussures et in n'ayint nin peur de mouiller mes cavux.
Les armarques désobligintes, hein, ch'est nin la peine, je devine... |
|
| |
tiote bellotte
Sexe : Date d'inscription : 22/12/2009 Messages : 3111 Dins le beaujolais (69)
| Sujet: Re: In arpart in arrière Ven 17 Sep 2010 - 17:06 | |
|
j'serre m'bouque, mais ch'est dur........... |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: In arpart in arrière Ven 17 Sep 2010 - 17:55 | |
|
J'essaye de comprinte pourquo que te moutes des inges... |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: In arpart in arrière Ven 17 Sep 2010 - 17:55 | |
|
Je ne voudros nin dire, mais ange, ch'est masculin.... |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: In arpart in arrière Ven 17 Sep 2010 - 17:56 | |
|
A l'rigueur, ichi in Alsace, in parle d'inches artificielles. Là ch'est féminin. |
|
| |
Loumarcel
Sexe : Date d'inscription : 26/12/2009 Messages : 1417 Prés de Montpellier
| Sujet: Re: In arpart in arrière Ven 17 Sep 2010 - 22:48 | |
|
I parait qu'chés anch' is z'ont pas d'sexe.
Féminin et artificielles ch'est droite ou gauche hein! in peut cor monter avec mais pas jusqu'au ciel ou alors au bout d'un certain temps. |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: In arpart in arrière Sam 18 Sep 2010 - 8:17 | |
|
- Loumarcel a écrit:
- Féminin et artificielles ch'est droite ou gauche hein! in peut cor monter avec mais pas jusqu'au ciel ou alors au bout d'un certain temps.
Je ne sais nin cha que j'ai ches dernis timps, mais j'ai l'comprenotte difficile.... De quo que te veux causer Marcel? A m'mote que je vas artourner à min lit. Pourtint i a de l'ouvrache à abattre ichi.... |
|
| |
Loumarcel
Sexe : Date d'inscription : 26/12/2009 Messages : 1417 Prés de Montpellier
| Sujet: Re: In arpart in arrière Sam 18 Sep 2010 - 8:44 | |
|
- batisse a écrit:
- A l'rigueur, ichi in Alsace, in parle d'inches artificielles. Là ch'est féminin.
Té n'parlos pas d'anch' artificielle, in alsace ou ailleurs hein! avec un anch' artificielle té peux cor marcher ou monter. T'as pas connu quiqu'un qui avot un problinme d'anch' et qui "coichot" (vire leçons de chti) pou marcher ou monter. Quant à monter au ciel ou au 7ème ciel cha s'ra l'pus tard possipe. |
|
| |
tiote bellotte
Sexe : Date d'inscription : 22/12/2009 Messages : 3111 Dins le beaujolais (69)
| Sujet: Re: In arpart in arrière Sam 18 Sep 2010 - 9:10 | |
|
rassute te Batisse, j'avos pas compris nin pus l'message de Marcel, mais comme j'avos lu cha hier au soir, tard, j'métos dis "té mates m'file, va t'couquer cha ira miux demain"... bin asteur avec les esplications, euréka ! té peux sortir d'tin lit et aller faire t'n'ouvrache ! mi j'infile mes cauchures et min tricot et j'vas répéter avec l'quintette d'clarinettes (infin c'matin ch'est trio, vu qui a deux absentes ! )... |
|
| |
Contenu sponsorisé
| Sujet: Re: In arpart in arrière | |
|
|
| |
|