J'ai nin honte de dire que je n'y connos rin in fouteballe et j'in appelle à les ceusses qui in sont espécialisses.

I m'a arrivé hier eune drôle de séquo. Je roulos au mitan de nulle part autour de l'heure de midi et je cachos eune cantine. Ch'est ainsi que j'ai tché chu eune visse since trinsformée in auberge et qu'in puq ch'étot de l'cuisine créole!

Comme i n'avot nin grammint de cliints (i avot mi....) le patron i a passé grammint de timps à babeller et à raconter s'vie. Eune rute babelle d'ailleurs... Te le mets avec Tiote Bellotte et t'as pus qu'à compter les points.

Ch'est un incien fouteballeux professionnel. I est réunionnais, i a 57 ins et i s'appelle Georges Séneppe ou eune séquo ainsi. I a jué un tiot peu partout in France, in Suisse, au Nigéria, peut-être in Australie etc. I a obtenu s'carte professionnelle à Auxerre, avec Guy Roux, mais i n'est nin resté vu qu'Auxerre i ne pouvot nin le payer assez et ch'est des suisses qui arottent aligné plus de 10 fos le salaire proposé par Auxerre.

J'ai cachi chu internénette si qu'i avot des infos chu un jueux de foute avec un nom ainsi et je n'ai rin trouvé.

Est-ce que cha dit eune séquo à quelqu'un?

Comme vous le comprindrez, ch'est nin d'eune importince capitale... mais vu que j'ai bin mingé, pour nin quer, i n'est nin exclu que j'y arpasse. Et si que je pouvos moins passer pour un total ignorint du fouteballe...

j'ai caché aprés georges seneppe sur interntte , j'ai pas trouvé,si mes souvenirs sont bon cha devot etre in millieu ed terrain ou in défenseur avis aux amateurs ed foot pour einne réponse précise .....

Bonjour à tertous et à ch'duc, l'foot à Calonne Ricouart ej m'in rappelle... mon dieu j'habito juste à côté du stade d'Auchel; min père i raviso l'foot al fenêtre de s'champe.
I pouvot pon s'arposer vu qu'in étot à côté et qui avo du bruit à nin pu finir.
Mon dieu que des souvenirs.
Lyly ed Malo

Bonsoir tertous
A vir de ce quelle écrit Lyly,elle connot nin Georges Seneppe!
Cha tombe,elle n'a nin vu quo qu't'avos écrit Batisse...
Sacré Lyly, in l'arfras nin.
J'sus bin contint de t'lire quand même.

Rien a vire aveuc el'foot, mi ch'étot nin min sport favori, et même cor à ch't'heure, j'seros putôt pour des sports plus canapé...
Mais je m'souviens, dins min jone temps, y'avot un coureu à vélo réputé dins l'région d'Auchel, y s'app'lot Milan...
V'la t'y pon qu'ine fos avec min frère, in vot in gus qui grimpot l'côte ed'Marles (té sais Batisse, là tout près que t'as voulu voler ine berline aveuc la mairie d'Bruay ed'dins !) s'tiête dins sin guidon, comme un bon, et, insanne, in a bien sûr crié, in s'moquant: "Vas-y Milan" comme in l'faijot à tous cheux qu'in voyot faire des esploits...

Bin ch'cop là, ch'étot bien li, et in est restés comme deux , enfin quat' ronds d'flan, in veyant que ch'étot bien li qui rigolot dins s'moustache (qui n'avot pon) in s'ar'tournant sur nous !

Ah valà... si que je comprinds bin, i étot tout seu Milan ch'jour-là.

Je dis cha parce qu'i avot un copain à li qui s'appelot Rémaud et is étottent souvint insonne pour s'intraîner.

Tchand que te l'as vu, ch'étot Milan sans Rémaud.

Bon, d'accord, je m'in vas...

batisse a écrit:

le patron i a passé grammint de timps à babeller et à raconter s'vie. Eune rute babelle d'ailleurs... Te le mets avec Tiote Bellotte et t'as pus qu'à compter les points.

pffffff !!! t'exagère toudis ! mi eune pauf tiote guernoulle incomprisse qui avot du ruban adhésif su s'bouque à l'école primaire alors que j'faisos que réponte à ceusses qui m'parlottent, pace que j'sus polie et que m'maman alla m'a appris qui faut toudis réponte aux questions qu'in t'pose !!!!...

Ah bon? T'as participé à l'fortune de monsi scotch alors?

Is arottent pu mettre du sparadrap, cha colle miux chu la pieau.

Et pis ch'est rose, l'couleur des guernoules. Cha ne dot nin être un hasard...

batisse, i faut absolumint qu'té canges d'leunettes !!! l'couleur des guernoulles ch'est vert, pas rose....
fait attintion à ti (pis aux autes !) quind té reules in mobylette, si té vos du rose à l'plache du vert i va t'arriver des bricoles !

Donc, les guernoules cha a la même couleur que les sourites?

Eune sourite verte, qui courot dins l'herpe, etc. etc.

Comme dit Gad Elmaleh, chti qui a écrit cha i ne devot nin boire ou funquer que du douche...

Bon, alors, tin ouaiquenne in zamoureux? Ch'étot bin? T'as bronzée?

T'as trouvé de l'cuisine au bain marie?

ch'étot pas in ouiquende in z'amoureux, ch'étot un ouiquende de rindonnées avec nou groupe de copains d'ichi, in étot 8...
je n'd'ai sacrémint bavé pou marcher, j'avos pas pu m'entraîner à causse d'min intorse et d'min genou qui vont tout à fait bin que d'pis 1 mos et hier j'ai fait demi tour car j'sintos que j'pourros pas faire tout l'boucle, is voulottent pas m'laisser arvenir toute seule alors min tiot mari i a fait demi tour avec mi et in a arjoint les copains (in carette) au bord du lac d'ù qu'in avot décidé d'pique niquer mais samedi après midi et dimanche j'ai fait les 9 et 17 kms quind même...
i faut absolumint que j'm'intraine vu que c't'été in va in vagances in montane !!!

in tout cas l'chaîne des puys des volcans d'Auvergne ch'est vraimint magnifique ! pis ch'est pas loin d'nous majon et in a pas d'bouchon sur l'route pou y aller.... in pus i a fait très bieau et caud alors in a fait l'plein d'bonnes cosses

les bonnes cosses chéto des activités in groupe ou seulemint avec Toni? on profite que les gins discutent on s'isole dins in coin tranquille à l'abri ds regards indiscrets et...... ej dit cha j'en' dit rien cha m'argarte pas

I faijot caud qu'elle a dit....

hé du qui faisot caud??

Hier après midi in étot sus l'aire de repos ed l'autoroute "les Volcans d'Auvergne", in s'est arrêté pou boire un café et faire faire pipi à Shirley, in aurot p'ète pu s'vire.

J' avos comprind, "des fouteux d'brun" ! ! ! !

t'as fait picher aussi Dino. Loumarcel?

Nan, li j'pinse qu'i sait faire tout seu.

lou marcel, ej te souhaite in bon anniversaire et einne bonne journée..