un beigneau ch'est eune carette pour transporter des légeumes, d'l'herpe, du carbon ;
ches tombereaux à trois reules ben, y in avot dins min coron.
Y a un souvenir qui m'est arvenu grâce à ch'mot là.
J'avos beaucoup d'copains et d'copines d'origine polonaisse. Ches mariaches chez eux ch'étot des fêtes à n'in pus finir et que j'ai pas oubliées malgré toutes ches années passées.
Cha durot in préparatifs j'vous dis pas et l'mariache par li même cha durot au moins 3 jours y avot même des rebonds. Je n'sais pas si cha existe toudis comme cha ?
J'arviens à min beigneau, barou, tombereau,
ch'est que le lendemain du mariache tous ches garchons et files d'honneur i z'imbarquotent l'jeune couple d'mariés, intassés dins ch'beigneau, i les promenotent dins ch'coron pour finir par leur faire grimper un tiot talus près d'un terril et i les ballotent. Ch'étos l'tradition dins min coin. Sacré souvenir !

J'ai acouté sin cours à ch'Guy et j'ai un tiot problème avec l'orthographe de beigneau....

Vu que ch'est un bazar qui benne et que le mot i viendrot de banne, j'aros écrit bennieau ou benniot (comme charriot). Je ne comprinds nin quo que le "gn" i vient faire là dedins.

Pour mi ch'est comme si qu'in écrivot pagner à l'plache de panier...

Ouais, je sais, je chus un soyeux...

Bon, à part cha la clo, l'mariée elle étot incore in blanc tchand qu'is la bennotent chu un terril?

I a eu des fins de noces avec des béquiles? Attintion à cha que vous allez dire.....

j'ai dins un dico benniau pour tombereau
------------------------------------------------------------
Ch'étot l'lendemain, (attintion à ce que j'va dire) tout l'monte étot un tiot peu "défréqui" l'mariée autint qu'ches autes.

Min terril, ch'étot un terril d'jà ratiboisé et y avot d'l'herpe qui poussot d'sur.

la clo a écrit:

j'ai dins un dico benniau pour tombereau
------------------------------------------------------------
Ch'étot l'lendemain, (attintion à ce que j'va dire) tout l'monte étot un tiot peu "défréqui" l'mariée autint qu'ches autes.

Min terril, ch'étot un terril d'jà ratiboisé et y avot d'l'herpe qui poussot d'sur.

Me vlà rassuré au sujet de l'orthographe. Merci tiote. Quo qu'ch'est que t'as comme dico?

Pour le reste, i a combien de timps qu'in ratiboise les terrils? Mi j'ai cru que ch'étot du timps qu'in construjot l'autoroute A1. Te me diras, i dot comminchi à devenir viux ch'ti-là!

Dins m'jonesse, au siècle passé, i n'avot qu'eune autoroute, ch'étot celle qui allot de Lille à Arras. 40 km qu'in pouvot printe à tout berzingue, même qu'in se rindot compte, tchand qu'i fallot ralintir, que les freins des autos ch'étot limite à l'époque....

Infin, in a survécu!

J'ai treuvé aussi dins un autre bouquin "el parlache ed mes taïons inteur villache et corons" de René Selliez
le mot
bégnot: (nm): tombereau
béniau,bénieu,béniel:(n m:)chariot à trois roues;
*-*-*-*-*-*-*-*-*-*-*-*
Ch'est quel el bon???

mi aussi j'ai benniau dins "2000 mots du patois de chez nous" aussi de Guy dubois avec comme définition tomberau

comme beigneau a été aussi été cité écrit comme cha par Guy Dubois dins chés leçons de patois, cha dot ête pace qu'i a pusieurs orthographes et cha dot dépinde des coins d'ù qu'in est originaires...

Citation :

cha dot ête pace qu'i a pusieurs orthographes et cha dot dépinde des coins d'ù qu'in est originaires...

Ch'est aussi à quoi qu'j'ai pinsé...

Roger a dit:"

J'ai treuvé aussi dins un autre bouquin "el parlache ed mes taïons inteur villache et corons" de René Selliez
le mot
bégnot: (nm): tombereau
béniau,bénieu,béniel:(n m:)chariot à trois roues;
*-*-*-*-*-*-*-*-*-*-*-*
Mi :
j'vote vote blanc, j" ai jamais intindu ch' mot la .
Par ichi in appelle cha un cabrouet ! ! ! et tout l'monte est contint.

Cabrouet ch' est pas dins l' dicot ! ! ! !

Pou mi ch'est parel j'connos pas ch'mot là ,



pis les carettes à 3 reul's ....j'n'est pas vu gramint ,



ch'étot plutôt des carettes à bras aveuc deux grindes reul's .

ou ch'est cariot polonais mais là i n'avot quatre dont cheux d'vant is étotent articulé .

Mi voilà s'que j'ai trouvé dins un dico:

j'connos pon non pus...mais j'vas l'dire avint qu'y n'euche un aute qui l'fasse: "normal j'sus eune 62"

J'ai cor trouvé cha un tapant "Beniau" sus G..le suite à l'ouverture d'un nouviau tracé ed randonnée dins l'62

Extrait : Le nom d'un outil agricole local

Le label FFR prend en compte plusieurs critères : la qualité du tracé, la sécurité, les intérêts paysagers et/ou culturels. Pour le nom du sentier le choix s'est porté sur Le Béniau, ainsi « les randonneurs passeront là ou il existait autrefois des béniaux, annonce le maire,c'est un outil agricole d'origine busnoise selon les anciens, un chariot bas à trois roues dont celle de devant est directrice et dont la benne est basculante. »
Pour ceux qui aiment la marche, la nature et l'oxygène, de nombreuses découvertes sont proposées, la ferme de la Biette, le corridor écologique qui suit les berges de la Nave, la chapelle du château du Quesnoy.