mes gins, j'sus bin continte
d'pis un momint j'cachos pou acater des lifes d'Guy Dubois, qu'j'apprécie gramint, j' n'd'ai trouvé à acater qui étottent toudis édités mais certains étottent introuvapes in librairie
j'me sus donc tournée vers des sites d'vinte d'lifes d'occasions, su l'pointe des pids pace que j'avos jamais fait cha
bin j'sus pleinemint satisfaite, pourtint min premi essai (su un site que je n'nommerai pas) comminchot mal avec eune annonce qui apparemment étot fausse, mais i a nin eu d'problème car j'ai arçu un chèque d'remboursemint sins avoir besoin d'réclamer...
au vu d'cha j'ai cangé d'site et là tout s'est passé à mervelle, in pus l'vendeur i n'est payé que quind té dis que t'as bin arçu l'life...
j'ai traité avec deux vendeurs différents, j'ai arçu chés lifes très très rapidemint, des lifes in très bon état qui correspondent in tout point à l'description qui étot faire...
me v'la chi donc in possession asteur d' "commint qu'i dijot pépère" et de "2000 mots du patois de chez nous" qui complète l'B.A BA du patois de chez nous" que j'avos acaté in librairie i a un tiot momint

j'ai profité d'l'occasion pou faire de l'publicité pou not' forum à chés deux vendeurs et un m'a d'jà répondu qu'i allot venir faire un tiot tour ichi
alors si jamais i m' lit j'y dis "bienvenue su nou forum"

Ch'est vrai qu'in treuve des mervelles sur de sites d'occasions,surtout chés liffes là, té les treuve plus in librairie.
des liffes qui vont core inrichir tin patois..

mi ch'est des vidéos in patois que j'cache, mais là ch'est dur dur.

mi a un life que j'ai ker à arlire ché:"La pussière des corons" ed Marie- Paul Armand.i n' dot pus exister dins l' commerce i date ed' 1985.si vous l' treuvez sur el net ej vous ll' recommante.

. "La poussière des corons" , 6 euros 17 chez Amazone, livraison gratuite ! ! !

des fos j'em' deminte commint vous faites pour treuver tous cha.j'em' pose incor la question: à savoir commint j'ai treuvé hdc.j'ai du avoir un cop ed génie

Ch'est tout simpe,
Té sais ouvrir Google ? ? ? ?
T'inscris " l'nom du life" té choisis France, intrèe, et ch'est parti min kiki , t'as pus qu'à choisir dins l'tas.
.................
. "Amazone" ch'est eune bonne since ! ! ! I faut t' inscrire chez eusses in suivant leus indications ! ! !
. T'as pas un tiot gourou qui traîne dins tin coin ? ? ?
..................
. J'ai commandé tros lifes d' Marie Paul Armand ch'matin, v'la réponse, cha n' traïne pas
.......................
.
Montant total pour cette commande : EUR 20,13

Date de livraison estimée : 15 mai 2010 1 "La Poussière des corons"
Marie-Paul Armand; Poche; EUR 6,17

Vendu par : Amazon EU S.a.r.L.
1 "Le Pain rouge"
Marie-Paul Armand; Broché; EUR 7,41

Vendu par : Amazon EU S.a.r.L.
1 "Le Vent de la haine"
Marie-Paul Armand; Poche; EUR 6,55
........

J'té dirai c'que j'in pince monseigneur.'

bin ouais nounours ch'est tout comme ppPB i t'as espliqué, ch'est simpe comme bonjour...
mi c'est su "amazone" que cha n'a pas marché min premi achat et qu'apparammint i avot un problème, mais j'pinse que cha venot pas du vendeur mais de l'référence du life qui avot été mal faite et que cha correspondot pas à c'que j'avos commindé...
mi j'ai acaté su l'site (attintion i vos faut réfléchir un tiot peu) :
- min premi ch'est "l'fieu du ro" sins le N...
- min deuxième i n'est pas "maxi"
- min trosième ch'est l'contraire de "babeller"....

j'ai décrypté les deux derniers. esse su in rade pour el premier

ché comme l'histoire du type qui va acater un sauret.el pichonier i l'imballe dins du papier journal. el gars i sort avec sin pichon in d'sous ed sin bras.ed qu'elle côté ale est s' tiête et ed' côté ale est s' queue?

ech' matin esse sus allé sur el site fromagerie.j'ai commandé un kilo trous ed gruyère.i m'ont répondu que j'en' s'rais livré el 30 février

is t'ont répondu ch'est d'jà ça !!!!

Quest c'que ch'est qu'un ro ? ? ? ?
...........

ej diros un rot un renvois.comme quand t'as bu du roteux.

pépéPéBé a écrit:

Quest c'que ch'est qu'un ro ? ? ? ?
...........

bin a quo i sert l'glossaire ??? cha m'étonne qu't'as pas caché ppPB !!!

.. Quand ch'est bin faut l'dire: Amazone:
. "Date de livraison estimée : 15 mai 2010 1 "La Poussière des corons"

Et bin, ch'midi les lifes is sont arrivés......in bonne santé....
... Pub gratuite, à moinsse que..... in sait jamais ! ! !