Pindant la guerre 14-18, eun' ceinsière qui veyot un officier inglais farfouiller dins s'cour, s'a mis à bertonner tout haut : "Quo qu'i cache, em n'homme là ?".
L'aute qui n'étot point sourd et comprénot l'français, s'ardrêche in colère : "Je ne cache rien Madame, je cherche !".

Vas-t'in réponde à chà si té n'as point jué in étant jonne à "Muche-te bien, j'cache après ti !"

Chés cacheux cachent à tuer chés biêtes qui sont bien muchées. Pour nous, l'ouverture de l'cache ch'n'est point l'ouverture de l'cage ed' chés pourdraines nourries à l'poude et gavées au plomb d'cache !

Alors d'vant un étranger, faudrot peut être qu'in diche eun' partie d'muche, ou eune partie d'cherche... pour eune partie d'cache !!

Eun' partie d'cache-cache ch'est-ti eun' partie d'cherche-cherche ? Y a d'quoi s'y prde ! Ch'est comme si qu'in cach'rot après perdu !

GUY DE CH'BOS
Guy Dubois

Muche : mot de vieux français : cache, cachette
Pourdraine : volaille
Bertonner : maugréer, rouspéter

in dirot du raymond DEVOS tin commintaire!!

Bertonner : maugréer, rouspéter

....................s'malotter


Si ié caches après
Ch'est qu'té l'as pardu
Té fais pas attintion à tés affaires.

..
Artreufe le ou t'aras des cliques à tin c...

Air connu des chtis

Même in bon François in dit ,



Juer à "cache-cache "

& nan

juer à " cherche-cherche "

camanette a écrit:

in dirot du raymond DEVOS tin commintaire!!

ouais ch'est vrai que c'est digne de Raymond Devos
j'ai vu c'monsieur su scène i a eune paire d'années et que soirée formidape in a passé ! quel talent i avot !

Si té caches (cherches) après

https://www.youtube.com/watch?v=mXtuueFoHVY

m'momère elle dijot: hé bin te cache après perdu?