Min cat, ch'est un cas : ch'est un cat Inca.

Ch'est eun' Cathy décatie qui m'l'a apporté dins sin cabas.

Pris d'cafard, i a fallu s'occuper du cas d'min cat Inca et li trouver eun' catte acatée à Cassis. Ch'mariache i a été fait par un chanoine du Mont des Cats.

Mais cha n'a pas manqué ! Quate jours après, ch'cat i étot dins ch'l'orloche ! I étot moins chinq qu'is s'quittent, mais i est arvenu quate à quate avec des yux d'cat poursui.
Avec gramint d'calins et d'catoules, ch'ménache i s'a rapagé.

Ch'est pou cha qu'Minette d'Cassis a eu parmis nous eun' calée d'six minous incas. Ed'pis ch'temps-là, sin cahou i l'appelle...... Jessica !

GUY DE CH'BOS

J'ai six cats? te parle d'un nom... pour un cahou! à moins qui ait fait des jeunes ed cats !

Vous connaichi cette expression ; faire des jeunes ed cats? M' momère elle le dijot tchin que not cat y'étot malate et qui avot vomi ( rendu.. dégobillé) et qu'y fallot ramasser tout cha.. elle dijot '' y'a fait des jeunes ed cats!'' quelle idée !

Nous in dijot, " i a fait des lapins" Vas tin vire pourquoi ! ! ! !

et dins l'Aisne i disosttent : un' peau d'arnard !!!! Là aussi pourquo ?

ben cha y ressimpe un peu non?

Eune pieau d'arnard, ch'est rudemint grind, et ch'est plein de poils. Ch'est vrai que les cats qui ont avalé grammint de poils in se lavint is dégueultent des fos, mais de là à y vir eune pieau d'arnard... faut de l'imagination.

Allez Mérilou l'imagineusse, quo qui fait que tchand que te vos du dégueulis de cat te vos comme eune pieau d'arnard?

En fait faire des jeunes ed cat, ch'est pos seulemint pour du dégueuli d'cat... les jeunes d'ach't'heure y distent aussi ''quicher''
J'aros jomais cru qu'in allot élever l'débat si haut ichi d'dins! ( et à l'heure de la digestion in puque!)

D'accord avec ti Mérilou, faire des jeunes ed cats cha veut dire dégobiller !

bin si ch'est cha, des jones d'cats j'in ramasse souvint mi avec mes tiots..... et cha m'fait pas miauler

j'pinse que Guy Dubois n'aurot jamais pinsé à cha in écrivant sin texte

Cha n'fait nin miauler, cha fait glicher.. attintion à tes gampes!

ouais pace que si j'gliche d'dins j'aura pus qu'à laver mes gampes avec du savon noir.........

Te saura les ravoir?

Mais elle est déchaînée cheule-là!