J'vas mette ichi c'texte d'guy Dubois qu'in pourrot aussi mette dins l'rubrique "coin des artistes"

Berdouillaches
- "em'mère all' m'a acaté un vélo !" qui dit ch'gosse à ch'clerc in arrivant à l'école.
"ah bon ! qu'i répond ch'l'instituteur, je n'aime pas que tu parles patois, mais je suis content pour toi. Dis moi, ton vélo, c'est un beau ?"
"nan, hein, m'sieu, pas in bos ! ch'est un vélo in fer !"

Vas-t-in comprinte quéqu'cosse à ch'jus là si t'as pas chuché du patois à l'tette in v'nant au monde !

Y'a des fos, dins nou viux parlache, y'a d'quoi perde les pédales !
Mettez-vous à l'plache ed'chés gins qui vous acoutent et qui n'sont point d'ichi !
V'la chi eun'paires ed'cacoules à n'point placher dins vou conversation si qu'o z'êtes in réunion avec des gins du Midi... ch'est à dire qui restent au sud... d'Abbeville !

Acoutez-me chi l'dallache, in dirot eun'dictée du certificat d'études ed'patois ! :

- "vas-t-in querre el'bière que j'ai querre, mais surtout ne l'laiche pas querre parc'qu'elle est querre !"
- "mi j'pinse qu'in s'ra pas d'trop à tros pour l'rassaquer de ch'tros !"

Cha va ? O'm'suivez ? Acrrochez-vous à chés branques !

- "cor un cop, ch'viux co i a eu caud ! ch'cinsier voulot i coper sin co !"
- "eun'puche in guinse a queu dins ch'puche in voulant boire du guinse !"
- "hier au soir j'avos eun'rude pronne : j'm'a fait eun'pronne sus ch'l'abe à pronnes !"

Si ch'parigot comprind quéqu'cosse à ch'berdouillache là j'iras l'dire à Rome !

Guy Dubois
Guy de ch'bos

Quand j'étos in camping,l'soir j'imitos l'Guss d' Boulone au feu d'camp......cha faijot bin rigoler les gins du midi. Faut pas parler trop vite et bin articuler.
..............
. Min patois, ch'ti que j"plache dins mes histoires ch'est ch'ti des corons d'dins les mines. ...et ch'ti de l'fosse. Quand que "j'fais parler mes personnaches" j'ai l'impression d'les intinte.
.........
. D'min temps i avot grandmint d'vièles finmes qui savotent pas parler Français.
.........
Les leçons à Quy Dubois sont intéressantes, I nous esplique l'origine des mots.
........
. Les eximpes qu'té donnes is sont pas faciles à comprinte, faut réfléchir..........aveuc chou qu'in a inter nos z'orèles.