bin cha marche , in va vire cha , j'su meilleu qu'j'el pinsos , ouais , avec ti pépéPéBé , la ché parel , el voiture ché pas a mi

Am'mote i étot tellemint cotint d'mette un' photo ou i trimblot, qu'i l'a mis deux fos !

bin merci matante , j'dos cor tranner passeque j'lavos pas vu qui n'd'avot deux , par conte j'ai essayé d'in mette in aute , j'étos contint et cha n'a pas marché , j'm'escusse si ya des vides , mais j'abandonne pas avant d'faire cha comme un champion

Té vos qu'cha fonctionne am'mote.
Mi mes parints quand que j'étos jone is avotent eun' Matisse immatriculée 130 BB 60 avec l'conduite à droite.
L'photo al a été prisse à Hesdigneul les Béthune pas loin de l'maison ed mes Grands Parints.
Je n'sais minme pas si ch'est pas ch'jour là qu'min frère i m'a arclaqué le portière sus min dogt, i a minme fallu m'désongler.
Cha cha s'est fait amon de ch'médecin in bas de l'rue d'Chatellerault (ch'étot cor la champe à ch'époque là) intre l'marchante ed bonbons "NINI" et ch'four à chaux tout in bas de l'rue.
[img][/img]

YOUPI

Mi j'y connos rin in carette mais m'n'homme y'est tché dins l'couet des citroen tchin qui étot jonne.
Tchin qui a vu l'imache de l'traction, y s'est mis à m'parler des 7A et 7B que ch'étot foque au début.. dins les années 1934 et pis y m'a parlé de diametre et course 72X80.... j'l'ai erwetchi aveuc mes ys tout berlous mais ya nin vu que j'suivos nin... et y'a continué in m'parlint de la 7C et pis de la 11 légère ....et pis que la panpan ( panhard ) ch'étot 6CV, 6l et 6 places...et tout et tout.
Ichi y a eune visse torpédo B2 de 1921 que m'n'homme y devrot finir ed restaurer bientôt ( cha fait 24 ans qu'elle attint s'cure ed jouvince!) Pour l'instant Cha ressimpe plus à eune barque à pichons aveuc des roules qu'à eune auto!

bin ouais qu'cha marche toudis avec un bon prof patient comme pépéPéBé,
j'min rappelle bin de ch'te carette loumarcel , mais j'ai jamais monté en' din , par conte j'ai monté , bin sur , din l'traction , et pi in JUVA 4 , j'su pas sur d'ech' nom

am'mote , mi j'y connos rien in carette , mais j'as arconnu ches femmes à côté d'ches carettes qu't'as mis in photos


j'sais même laquelle ch'est t'femme et laquelle ch'est t'fille!

arrête de t'mucher j't'as arconnu !!!!

j'espère que té m'in veux pas ? j'as rien dit ,hein !

j'as même pas dit d'ù qu't'habites et je l'dirais pas j'sus pas eune moucharte , même sous la torture !!!

El Matisse à pépère.
. 1938/1939 dins ches eaux la. Min grand père qui habitot Mantes, avot acaté eune Matisse d'occasion....Pour vénir ed Mantes 78, à Billy 62 , ch'étot eune espédition comme si q' is préparotent el Paris Dakar.
. ....Réviser eune carrette cha consistot à désosser tout l' bagnole, à commincher par inlièver l' caisse du chassis, et à démonter tout ch'moteur.
. Bon. Min grand père et ses garchons armontent l'bagnole, i n'avot pus qu'à....
. In étot chinq dins l'auto, mi compris. Mais attintion, is partotent pas sans biscuits, i avot ed tout dins l'auto, du ravitallmint, des canards (pleumés), ed tout....
. Nous v'la partis...In sortant d'Mantes, in attaque el côte ed Limay....Cha monte sec......Ch'moteur i comminche à cauffer...à cauffer ....d'pus in pusse et in étot pas core in haut d'el côte.que ....l'vapeur al sortot du bouchon du radiateur .... Cha comminchot à daller mal, à sintir el brûlé.........ch'moteur i s'arrête: bièle coulée......et... in étot pas core arrivés in haut.!!!!
. Bon ...Conciliabule , qu'est c'qu'in fait ? ? ?
. Min mononque, l'pus viux frère d'em mère i treufe el solution.
. " Vous allez redescendre la côte à pieds, moi, je vais redescendre la voiture tout seul, on ne sait jamais .. ." Ce qui fut dit fut fit ! ! !
. Mononque i monte dins l'auto, is l'armètent dins l'aute sins pour !' ardechinte.....mais: ..... bièle coulée, moteur bloqué, pas d'frein moteur ! ! ! ! ....mais, ...aveu ches freins d' carrette à câpe ! ! ! ! Mononque i avot bieau serrer tout c'qui pouvot serrer, l' Matisse alle prénot eune vitesse ed diape ! ! ! ....
. Les cantonniers avotent mis un gros tas d'gravier d'sur el côté d'el route,...... Mononque, i invoe l' Matisse ....in plein ed dins ! ! ! ! . .
. Heureus'mint, l' Matisse alle arot pu rintrer dins life des records in arrivant in bas al vitesse du son ! ! ! Du jamais vu ! ! !
. Final'mint is l'ont ardeschindue in l'accrochant d'vant un camion pour l'arténir.....et, is zont core bin rigolé in rintrant....
....L'pus viux des mononque et sin frère el pus jeune is sont vénus à Billy à vélo.....et nous par el train...aveu les canards ! ! !
. Ch'étot l'bon timps ! ! ! ! J' m' in rappelle comme si chétot hier ! ! !
. In arrivant à Billy aveu leus biclous, mes mononques, is zétotent morts ! ! ! Cha frappe des histoires parèles ! ! !

Ch'est quoi comme bagnole am'mote , l'auto rouche ! ! !
..Cha dot ète eune Mercédes ? ? ? ? Nan ? ? ?

Les vièles, el 4 cv Renault.
.

.
. Ch'étot eune ed 1949, arconnaissape aux barres d'aluminium, à l'avant. A partir ed 1950, i n'davot pus qu'tros.
. I fallot pas s'risquer à dépasser 80 km heure si qu'in voulot pas s'artreuver ed sur el dos.
. In étot super contints, in avot eune auto ! ! !
...... Que progrès, in vient dé n' acater eune, ed 4 cv.....Peugeot....moteur HDI, ch'est pas du toout parèl ! ! ! ! cha monte à 130 mais, faut faire gaffe quand même.....
....... Achteur, à partir ed quel ache qu'in carrette alle dévient eune vièle carrette ? ? ? ? V'la eune question qu'alle est bonne ! ! ! !
.

Ch'étot bin les autos avec des portières qui ouvrottent dins ch'sins-là... infin, ch'étot bin tchand qu'eune guernoule elle in deschindot.

Sinon, à vélo, cha permettot d'être moins esquinté in cas d'ouverture intimpestive.

bin té sais pépéPéBé , j'in sais rien , chétot in esposition ed' carettes ,
mais el plus belle espo , chetot a cany barville in normandie ,
din ch'catieau du patelin , ducqu'j'etos in camping, ech travaillos al centrale ed' palluel , la , in a vu des carettes , suremint grammint plus viels qu'el matisse , yavot pas ed' toiture , j'vas pas ed' dire s'que chétot , j'min rappelle pu , j'ai pas in mémoire d'eléphant comme ti , mais j'lé vos cor, ed' vant mi ,
INCROYAPE , in étot émerveillés

Ch'est vrai Batisse, in avot eune vue imprenape quand qu'in guernoule alle deschindot d'ches carrettes la....et des vièles tractions aussi.
.........
. Un jour, ch'est min capot d'coffe qui s'a ouvert in roulant ! ! ! Heureus'mint qu'allos pas vite ! ! !
........

Pébé, eun' voiture al devient voiture ed collection à partir ed 25 ans d'ache, j'pinse alors que ch'est eun' vièle voiture.

Les vièles carrettes, l'4 cv Renault


.
. Ch'moteur étot par darrière. Ch'étot pas eune bonne idée. L'ténue d'route alle laichot à désirer. I n'da qui métotent un sac ed 50 Kg dins l'coffe avant pour équilibrer l'poids d'sur les quate reules.
.

Ch'étot nin eune bonne idée, sauf qu'i fallot que l'auto elle soche populaire et donc bon marché à réaliser mécaniquemint.

Parel pour l'coccinelle aux teutons, etc.

Mi aussi dins m'première voiture eun' dauphine qui avot sin moteur à l'arrière, j'avos mis du lest in férale dins ch'coffre qui aussi étot devant comme l'4CV.
J'peux vous dire que cha m'a servi, p'tète aussi ed rester in vie.
J'pinse que l'pire ed toutes ch'étot l'Floride.
Ch'est m'in n'avis et je l'partach'.

les gars
. L'coccinelle aux Tetons, ch'étot pas eune bricole, i n'a eu eune floppée ed fabriquées dins l'monte intier. Leus moteurs is sont imployés par les avioneux qui font leus pitits avons ausses même, comme les bébé Jodel.
. L' quate chevaux alle étot faites pour ète populaires après la guerre.
. In a eu eune Dauphine aussi, avec el quelle j'ai eu un rute tour, jé l'racont'rai quand qu' j' arai l'timps, j'dos canger l' bâche d'em serre, qu' les grèlons is zont perchée. J'in profite pindint qui n'a pas d'vint
. L'Simca 100 aussi avot sin moteur à l'arrière. Ch'étot eune mote in ch'timps la.
. Aveu l' 4 cv, in étot contints, in avot eune auto, in pouvot daller s' proméner aveu les éfints.
. Quand qu' ej roule in auto aveu mes voitures modernes, après avoir eu 3 BX, achteur eune vièle Xantia, 10 ans, eune 206 + ,neufe...j'peux pas m'impêcher d'em dire " T'aros tort d'e t' plainte ! ! ! "
Faut pas péter plus haut qu' sin képi ! ! ! In in vot al pompe à essince aveu des bigs bagnoles des gros 4X4, comme des tanks, mète.....10 roros d' carburant ! ! !

Eune carrette géniale, l' deux cv Citroën.
.

.
. Fallot s''app'ler Citroën pour sortir eune carrette comme cha.
. Au début, is n'da qui zont cru qu'chétot eune farce..
. Chelle la, ch'est eune des premières, l'capote deschindot jusqu'in bas à l'arrière.
. 4 personnes aveu des chabots ! ! + 50 kilos d'patates.....
. Moteur deux cylinyes à plat, arfroidi par air....Té l'démontes ed' l'auto té l' peux l'poser d'sur t' n 'établi ...deux étincelles in même timps, eune qui compte pour du bure et du fromache dins l ' échapp'mint! ! ! Et allez donc ! ! !
. La cérisse ed d'sur el Mac do, les essuis glaches is étotent intraînés par ch'cape du compteur ! ! ! Fallos l'treuver chelle la ! ! ! !
. In plus, in deux cops ed cuiller à pot, té démontos tout, les ailes, l'capot, les portes! ! ! !
. Et cha ténot la route, cha roulot pas vite mais à 80 kilomètes à l' heure, cha ronflot sec, t'avos l'impression qu't'allos franchir l'mur du son ! ! ! !
. J'cros bin qu' tous les gins qui n'ont eu eune, is n'ont gardé in excellint souv'nir.
. Brafe deux cv ! ! ! !
.

Ch'est vrai que j'garte un bon souvenir de mes deux 2CV. Une vielle grisse dont j'ai d'jà parlé, même que l'garagiste i m'avot dit qu'ch'étot l'voture de l'an 2000 !!!!!! elle a nin t'nu jusque là la grisse ! L'bleue, elle ressimblot à un sac à dos qui contenait l'chauffeur : bin ouais, les ceintures à l'avant étottent obligatoires.....

. L'mienne étot grisse. après i n'a eu des bleusses et même des rouches.
. Pas d'cheinture à ch'momint la
. Cha pourrissot core assez vite.
. Quand qui pleuvot assez fort, l' ieau alle arrosot l'bobine, l'moteur i cafouillot.
. Min fils i n'a eu deux, d'occasion, assez mûrtes.
. Sue el deusième, i fallot donner un bon cop d'poing d'sur el volant quand qu' les phares is s'éteignotent sans crier gare ! ! !
. I faijot noir, i n'a un qui li a volé s'carrette, i n'a pas été loin avec. Pas loin d'es maijon, i a des virages ed montanes, aveu des gros talus. Les phares is zont du s'éteinte, ch' voleur i n'a pus vu clair, i a monté d' sur ech talu et i s'a rinversé aveu l' bagolle...Alle étot couchée d'sur el côté. In l'a ram'née al maijon et j'ai l'ai décopée...... au burin ....
. Min fils i n'arot bin racaté eune pour el l'artaper par plaisir.
. I n'a core grandmint qui roulent core...
. Leux ch'vaux, un poème ! ! ! !.
Incroyape: Un jour d'orache, j'ai ram'né à l'école tout m'classe in deux voyaches......après avoir inlièvé l'banquette ed derrière....Tout douchemeint in faijant frein moteur et in pernant pas l' nationale...j'aros été péqué par les flics, j'étos bon pour la romaine. ....

Mi ch'est avec em Diane jaune que j'ai fait cha. J'étos dins l'Aisne et j'ai des amis qui sont v'nu m'vire mais...in train, à ch'époque les étidiants is avotent pas d'voture ! J'étos l'seule de l'bande à travaller. J'ai inl'vé l'banquette arrière et in roulant douchemint car i avot des viraches, in s'est ballédé vers l'forêt, chez d'autes z'amis...in a bin rigolé !

J'n'ose pas l'dire combien qui avot d'gosses dins l'auto, ch'est incroyape et pourtant.....Au premier voyache, j'ai imbarqué les pus tiots, in les a pas comptés in les montant, in les a comptés in les deschindant d'el carrette......i n' d' avot 17 ! ! ! ...... eune douzaine au deuxième voyache, les pus grands( chinq ed 14 ans CEP) ! ! ! In route i n'd'a qui rouspétotent pas qu'is étotent serrés et d'autes qui dijotent: "Ne vous plaignez ps, .....On ne va pas ètre mouillés".......I n'avot pas un long parcours à faire, quate ou chinq kilomètes in campane, heureus'mint ! ! !
. Jé l' arféros pus ! ! ! J'aros pu avoir des histoires ! ! !