cha fait pas partie d'ché viels carettes mais ché quand même des viux machins

:bonsoir: Le vielles bécanes
.

.
. Vl' a eune perle rare: Un réflex 24 X 24 Rolleiflex SL26
. Objectif Zeiss Tessar, l'eule d'aigue (oeuil d'aigle)
. Obturateur célépe Compur rapite
. Film 24X 36 perforé, i fait des photos carrées.
. I dot dater inter 1968 et 1973
.
In n'a pas intérêt à el laisser querre d'sur ses pieds ! ! !
.
Fox, viens coucher, i est l'heure ! ! ! ............

am'mote, t'n'apparel ch'est unapparel français FOCA, i avot des optiques du tonnerre la d'sus ! ! !

Incore un "viux zengin"
.

. L'Kodak Rétina datant des années 50 ? Installé dins un planeur pour printe des photos aériennes...
.

. In vol, ch'étot pas pratique, eune photo al fos ! ! !
. Cha s'a terminé qu' j' ai cassé l'apparel....photo ...mais né l'répétez à parsonne ! ! !

j'viens d'arfaire in photo , d'in caméra et d'ech' projecteur , mais j'ai oublié ed' mette el carte mémoire , j'ai tout rimballé et tout ringé , faut qu'j'arcomminche ,
cha f'ra in épisote ed' plus

vla in viux projecteur , qui dot dater d'chés années 1970 , y manque pu qu'ech' l'écran
ch'l'apael photo , j'lai acaté in 1960

Les reliques
.

.
. El Semflex portrait.
. Cha date d'après le guerre, vers 1950. Ch'étot sans doute un des meilleux reflex français aveu des objectifs armarquapes.
.

j'el met quand même em viel caméra avec el colleusse , mais té vas cor trouver plus viux , té trop fort pour mi pépépébé ,
mais au moins cha vaut l'coup ed' vir des viux engins parels , et pour et' faire vire qu'ech'su pas rancunier , j'vas boire un coup din TIN verre

Té sais Am'mote, t'as oublié d'mète el carte mémoire mais j'in connos qui oublitent ed mète des piles dins leu apparèle alors té vos té pas l'seul.

bin ouais loumarcel , comme in dit toudis ya qu'ech'ti qui fait rien qui s'trompe pas , j'ai comme l'impression qu'té connos qu'elqu'un
qu'ya oublié ed' mette ses piles ?

A propos d'piles, histoire vraie.
. Min camarate i avot un tiot magasin d' photos, d'souv'nirs d' cartes postales, tout cha, à Menton. Arrife eune cliinte. Alle ravisot aveu s'bouque ouverte sin tiot perroquet qui étot dins un coin d'ech magasin. Li qui étot un pinche sans rire:
. " Aujourd'hui i marche bien madame, j'ai mis des piles neuves"...aveu l'accint ! ! ! bin intindu...du midi ! ! !

....Ch'ti qui fait rin, i a toudis tout bon ! ! ! I fait jamais d'conn'ries !
.........
. Té cros qu'cha m'arrife jamais d'oublier d'mète l'carte dins l'apparel ? ? achteur j'ai n'ai eune deuxième dins lmin sac à photo.
......

. Les viux apparels photos (imache Google) L' Eljy Lumière 1948.
.

.
. L'premier apparel photo qu'j'ai acaté ch'étot ch'ti la. Ch'étot pas eune "Leumière".
. Ch'étot un 24 X 36 dont les photos étotent faites d'sur eune pellicule comme chelles des apparels 6 X 9 ou 6 X 6 . I n'avot pas d dints d'sur les bords, et avotent un papier derrière el pellicule.
. Comme in 1948 in n' avot pas grandmint d'sous, j'acatos des pellicules 6 X 9 ...j'les copos un deux aveu eune lame ed scie à métaux in plein jour
. ( i n'avot pas d'danger d'les voiler) et, avec chaque mitant, j'archargeos les vièles bobines in fier récupérées, dins l'noir bien intindu aveu les papiers récupérés eusses ausssi .
. Résultat des courses, aveu eune bobine 6 X 9 j'arfaisos quate bobines 24 X 36 pou l' Eljy ed dix photos au liu ed huit. I n'avot pas d'tiots bénéfices.
. J'ai l'ai pas gardé longtimps ch'ti la ! ! ch'étot eune bricole.

. El largeur des pellicules ed l'Eljy, ch'étot exactemint la mitant de ch'ti la des apparels 6 X 9 .

Loumarcel a écrit:

Té sais Am'mote, t'as oublié d'mète el carte mémoire mais j'in connos qui oublitent ed mète des piles dins leu apparèle alors té vos té pas l'seul.

Comme quo qu'i a incore pire que mi...

Parce que mi j'ai un apparel à photos qu'i arot du être livré avec un groupe électrogène tellemint qu'i consomme d'éleuctrique. Et comme l'loi de l'imm..rdemint maximum ch'est eune loi universelle, ch'est nin rare que tchand que je veux printe des photos les piles is distent "in est jus, quota atteint, in attind la relèfe. L'tiote leumière qui dit qu'in est pleines elle raconte des cacoules...".

Cha fait rire les gins. Ch'est bon de rire!

Attintion quind même Marcel, je t'ai à l'oeul, je suppute un tiot air rigolard dins t'n'argard....

i a eune bonne vingtaine d'années, eune amie de m'maman venu rinde visite chez mes parints et voulint faire eune photo souvenir étot toute fière d'dire à sin mari " oh chéri in a fait eune affaire avec cheule pellicule d'36 poses, cha fait au moins 45 photos qu'in fait".......... elle avot tout simplemint oblié d'mette l'péllicule dins l'apparel et mystère les numéros défilottent quind même !!

Ah.... les amis des parints, je ne sais nin pourquo, mais dès qu'i s'agit de faire eune bêtisse, is sont là.

Ch'est le fils d'un ami qui l'a dit. Z'avez qu'à vir....

am'mote, as-tu treuvé un moyen d' transférer tes films qui devotent ète in 8mm, in vidéo ? ? ? Ch'est eune question qu'in m'pose souvint.
. I paraît qu'cha s'fait mais j'vos pas commint. Aveu les vièles caméras, in dot filmer in 18 imaches par seconte alors qu'in vidéo ch'est 25 imaches ? ?
........ In arot des films comme les viux Charlot ! ! !
.... V'la eune question qu'alle est bonne ! ! !

Mi je l'ai fait à la McGuyver... J'ai projeté mes flims chu un écran et j'ai filmé l'écran, in mettint l'caméra tout près du projo.

I a probablemint eune tiote erreur de paralaxe, mais frinchemint... in puq des rayures dins les flims et tout cha, cha ne se vot nin.

Ah ouais, vu qu'in général tchand qu'in fait cha i a quelqu'un qui vient et qui comminte les imaches - du ginre "ch'est ti cha? Vinguette, t'avos déjà un gros vinte et t'avos un rute pétard" - et que forchémint ch'est inregistré chu l'bande vidéo, après cop j'ai arfait un doublache son. Au début j'avos pinsé mettre de l'musique, mais comme i faut qu'elle soche un tiot peu in rapport avec les imaches, et qu'in général ch'est des séquinces de 15 secontes qui n'ont rin à vir les eunes avec les autres... j'ai vite arnoncé. J'ai inregistré le bruit du projecteur et j'in ai fait eune bande son qui dure des heures. Ch'est un peu monotone, mais cha fait bruit d'époque le tikitikitikitikiti.

Faudrot qu'j'essaye , mais les gins qui m'ont d'mandé d'faire cha, is devront prèter l'projecteur pas que jé n'ai jamais eu. Ch'qu'ech crains ch'est d'vire el passache in noir qui a inter deux imaches in 8mm ? ? ? Enfin, in verra bin, si té dis qu'cha va, mes amis is séront contints....et mi aussi...

ouais pépépébé , avec tous chés super 8 , min garchon y ma fait
un C D , ou un D V D , j'sais jamais el qu'el ecqu' ché , enfin ya fait in dixe avec tout cha , et ché grammint plus facile , que d'installer , ech' l'ecran et pi tout l'reste , in arvot chés gosses tout pétit , et nous tous jones tous bieaux , ché formidape

nos in a fait cha, mais ch'étot pou mette des films super 8 su eune cassette vidéo....
min homme avot récupéré auprès d'sin comité d'intreprisse eune machine espéciale, que t'incriquos l'film super 8 d'dins, té faisos in branchemint espécial su l'télé et cha copiot su l'cassette vidéo (bin su faut pas oblier d'mette l'K7 dins l'magnétoscope )
infin ch't'affaire là cha nos a occupé pusieurs ouiquende ! l'timps qu'in troufe l'bon branchemint su l'télé, pis cha prind du timps, car i avot toute eune caisse d'films, pis comme dit Batisse i faut surtout nin parler pace que cha s'intind... donc i a des films qu'in a du arcommincher pace que i a des bavards dins l'majon et qui n'd'avot toudis un pou dire eune séquo

batisse a écrit:

Ah.... les amis des parints, je ne sais nin pourquo, mais dès qu'i s'agit de faire eune bêtisse, is sont là.

Bin mi ej peux dire que ch'est au mariache ed min frère que j'ai fait un' (grosse) bétisse ! J'avos un nouvel apparel "réflexe" et pour faire les photos avec el flash, j'avos oblié d'diminuer l'vitesse et d'el mette su' 30. Vous savez quo : in avot que des tiers ed photo : el marié tout seu' ou l'mariée, ou un bout d'mur et ...p'us rin. Bref cha pouvot faire un rute jeu d'mémoire ou in pouvot inventer l'scène !

Ah ouais, je l'avos obliée cheule-là!

Et alors, les quelques photos réussies qu'in a, ch'est qui qui les a prises? Peut-être le beauf....

Par contre j'ai artrouvé i a nin longtimps tin tiot receuil illustré chu les préparatifs. In étot jones et bieaux, avec des cavux, des talles fines et tout cha.

37 ins déjà.

Bin alors Batisse té sais pas mète ed photos ichi?
Mi j'attint d'vire quand vous étottent jones et biaux

Houla.... i faut que je scanne pour cha.... et ch'est eune autre affaire.

Je vas essayer quind même, pour te faire plaiji!