Bonjour tertous, j'ai un problinme mais peut ête qu'i a quéqu'un qui va pouvoir m'aider (éclairer m'lanterne comme alle disot m'Mémé) : j'ai plinté des oignons d'glaïeuls i sortent ed tierre mais i n' fleuris'tent pas commint cha s'fait ? J'ai d'jà eu l'minme problinme l'an dernier! Ch'est parel avec mes iris i a toudis des feulles mais raremint des fleurs Cha vous parait peut ête bébête comme question mais mi cha fait d'jà un momint qu'j'i busie ... Merci pou vos réponses

bonjour annesophie, mi j'ai d'jà eu l'tour avec des dahlias, j'avos intiqué chés oignons trop profondémint, ch'est pet ête cha...
in va vir c'que vont dire les espécialistes du gardin...

J'ai nin d'gardin, j'peux nin vous aider....mais j'ai l'même problème avec mes plantes dins l'majon.....j'ai qu'des feulles et pourtint su' l'étiquette is distent que cha arfleuri (des orchidées par eximpe ! Ch'est un' vrai forêt d'feulles mais pu d'fleurs......)

figure te Matante que mi aussi mes orchidées n'voulottent pas arfleurir, parel pou mes clivias, l'problème i s'a résolu quind in a eu l'véranda... ouais i faut gramint d'luminosité sans avoir l'solel direct d'sus..

bon j'sais t'es in appartemint, min frère aussi sauf qu'i a eune grinde baie vitrée dins l'salle à miger (comme cha s'faisot dins les ins 70) et i a mis chés orchidées d'vant et alles arfleurissent' mais y met d'l'engrais... mi non pace que j'oblie toudis !!

mais l'fleuriste alle m'a dit que ch'étot dur à faire arfleurir chés orchidées..... c't'année je n'ai deux qui n'ont rin voulu savoir, des vielles, alors que pet ête passé un certain temps alles n'd'ont marre d'faire les bellottes

Bonjour Anne-sophie pour tes oignons d'tes fleurs ya des oignons males et des femelles ché s'qui m'a dit un jour un pépinériste?
Vrai ôu pon.
Ichi d'in nord y fait grind solelle,s'taprène in va aller un tiot tour à Denain, tout a bin cangé.
Bonne jornée à tertous

 tertous

Citation :

j'ai plinté des oignons d'glaïeuls i sortent ed tierre mais i n'
fleuris'tent pas commint cha s'fait ?

té cros nin qu'cha fait d'bonheur pour avoir des glaïeuls fin Avril?
ch'est seul'min maint'nint qu'in les met in terre,pour fleurir in été...

Ch'est pas mi que j'pourros t'aider, j'sus pas un espécialisse in fleurs. Les dahlias is sont pas core sortis ! ! ! In a des rosiers mais ch'est pas mi qui se n'occupe. Is sont pas core in boutons ! ! !

El rosse

L’tiot Prinche qui assistot à ch’l’ installation d’eune énorme bouton, sintot bin qu’ i in sortirot eune sait quoi miraculeux, mais cheule fleur, alle n’in finichot pas d’es préparer à ète bielle, camuchée dins s’champe verte. Alle chosissot soigneus’mint ses couleurs. Alle s’habillot lint’mint, alle ajustot un à un ses pétales. Alle voulot par sortir toute dégaverlée comme ches coqu’licots.
.Alle voulot apparaîte dins tout rayonn’mint d’es bieauté. Et ouais, alle étot fort coquette. Es toilette mystérieusse avot duré des jours et des jours. Et pus , un matin, justemint à l’heure du lièver du solèle, alle s’a moutrèe. Et elle qui avot travallé aveuc beaucop d’précission, alle dit in baillant : « Ah ! jé m ’révèle seul’mint a ch’t’heure. Ej vous d’mante pardon. J’sus core toute décoiffée ! ! ! »


.El tiot Prinche i n’put cacher pus longtimps qui n’étot resqté d’la, in’addmiration ::
« Equ’vous ètes bielle ! !
.. _ Hein ! cha, qu’alle répondit douch’mint cheule fleur. Ech sus vénue au monte in même timps qu’el solèle ! ! »
L’tiot Prince sintot bin qu’chétot pas eune fière cusse, mais i étot tout bénache.
L’ tiot Prinche d’vina bin qu’alle n’étot pas tél’mint modesse, mais alle étot si émouvante !
« Ch’est l’heure, je cros, du tiot déj’ner, qu’alle avot bétôt ajouté, aurètes –vous el bonté d’ pinser à mi… »

Et l’ tiot Prinche , tout bénache , i a été caire eune arrosoir d’ieau fraîque , et, i avot servi ch’eule fleur..

Ch'est eune ed l'année passée. Daprès Saint Ex, grosse filou pépère ! ! !

Merci mes gins j'va attinte incore un tiot peu mais t'sais PepePeBe de l'eau j'i in met in tout cas un régal à lire tin texte traduis in ch'ti Nougatine que chance pinsse à mi à Denain Tiotebellotte et Matante mi auchi jin ai des orchidées mais alles n' arfleuris'tent pas nan pus

ches glaieuls cha fleuri in juillet aout, et y faut les planter à trois ou quate centimetes ed profond, pis arroser tous les deux trois jours, ches géraniums t'est peut les sortir, mais attintion aux saints de glace , 12 ,13, et 14 mai, bonne plantation à toutes ches glaines, pour les orchidées faut peut etre in engrais spécial,

Merci ch'duc l'ingrais spécial pou ches orchidees j'l'ai acaté mais j'cros qu'ch'est compliqué comme fleur cha In tout cas j'va attinte pou les glaïeuls pou l'momint j'ai des feulles des feulless et pis cor des feulles in verra in juin juillet obin aout in tout cas j'va arroser cha tout les deux à tros jours té peux in ête sur .Mes géraniums et mes pélargoniums is sont d'jà à l' cour j'pinsse qu'ichi dins l'chude les rimées alles sont finies du moinss' j'espère