:idea: Attintion ,ch'est parti:
.
. http://www.imagup.com/
..... quand qu'cha arrife, ........
. clic dins parcourir
. té choisis l'photo à invoyer, alle dot ète dins les docomints ou mes imaches
. clic d'sur el photo alle dévient bleusse.
. clic d'sur ouvrir. T'arviens dins l'pache d'avant....
. insuite clic d'sur uplaoder mon image.....
.... attinte i faut comme dirot Fernand...un certain timps....si l'imache est trop lourte i a un rique que cha n'passe pas ! ! !
. L'imache alle s'treufe pas d'zous.
. Au d'zeur i y a plusieurs lines , té choisis chelle qui comminche par:
........ [URL] http etc.... clic la ed dins, cha dévient bleu, copier......
........ Limache est comme l'homme invisipe dins l'pressse papier, in n'el vot pas.....
. T'arviens d'sur el site à Roger , et té l'colles du qu'té veux.....
.......
. Si t'as pas compris, ch'est pasque j'ai pas su m'espliquer ! !

Tout y arriffe! m'tiote file elle est rintrée d'l'école.. elle est née aveuc eune sourite dins ch'main

... J'arconnos parfai'tmint l' passacha à niveau:
. Par darrière, Lens, par dévant direction d'Hénin..
. A droite, l'grand bâtimint chétot l'coopératife des zouillères, pillée in 1940...à gauche après l'barrière l'pharmacrie...
. L' baraque du garte barrière étot d'vant l'photo à droite, l'rue à droite juste avant l'passache à niveau, ch'étot l'Avnue du 2, des ateliers centraux. aveu l'catieau des ingénieurs.
. Acheure les voies d'quémin d'fier des zouillères ont été rimplachées apr eune rocate. Al plache du passache à niveau, i a un rond point.
.

Ch'passache à niveau:
.. Al libération. . Un groupe ed résistants s’étot rassemblés au passage à niveaux des mines. Is étotent d'vant l'pharmacrie. Is étotent « armés jusqu’aux dints » : aveu un fusil d’guerre 14/18 et l’révolver d’un gendarme qui s’étot joint à eusses. Cha discutot sec pour savoir c’qui pouvotent faire au cas ou... Ch’est min père et min mononque, sin biau frère, qui z’ont eu l’idée géniale suivante : Pousser un wagon d’carbon au milieu du passage à niveau et baisser les barrières pour barrer l’passache. C’qui fut fait.
. Min cousin qui avot à peine 18 ans à l’époque, discutot aveu sin copain du même ache eque li, à côté d’el baraque du garte barrière,
. El soir tombe…i faijot noir , i faijot à peine clair….ch’étot calme. I faijot bon. Habituellemint in arot intindu tout l’nuit el léger ronronnemint d’ moteurs électriques des mines, des tiots cops chifflot des locomotifes.. .
Comme toutes les fosses étotent arrêtées , in arot intindu voler un caneçon moltonné comme arot dit Popek……In plus i n’avot pas core ed leumière nulle part, l’guerre n’étot pas finite pour autant..
. Au mitant d’elle nuit, ….vla qu’is intintent un bruit d’moteur ! ! ! !
... d’moteur ed camion….dins l’noir, es’pointe au bout d’el route, v’nant d’ Lens, …un camion ….tout feux éteints…..Comme in 14, note vétéran met inne balle dins l’canon d’sin fusil . Pan !!! in l’air, l’camion accélère, Pan ! ! ! deuxième coup d’fusil, dins.... l’ pare brisse d’ech’ camion ! ! ! ! fracassant l’bras d’ech ti qui étot assis al plache du mort.. ! ! ! L’camion accélère, fout l’barrière in l’air et va..s’incrinquer dins l’ wagon ! ! ! ! Dins l’noir, l’chauffeur n’lavot pas vu, ech’ wagon ! ! ! V’la l’camion stoppé net ! ! ! ! Les soldats sautent in bas du camion et comminchent à tirer al mitraillette, au hasard, …à droite et à gauche ..
. Quand is z’ont intindu ch’carpin la, min cousin et sin copain sont deschindus dins l’abri antiaérien du garte barrière, is ont inlièvé leus brassards, les ont muchés dins les bos d’soutainemint, et is ont attindu qu’cha s’passe……Un allemand est deschindu dins l’abri, , révolver au poing et, à taton, s’est aperchu qui avot du monte dins l’tiote galerie…i est allé arquaire in aute Kamaraden, et les ont fait armonter tous les deux , les bras in l’air, révolver dins les reins.….. ..Is n'avotent pas invie d'rigoler.....
. In haut, cha continuot à tirer. Côté Français, lL’gendarme après avoir tiré toutes ses balles, est arparti. Que voulez vous qui fasse d’aute ? ? . . Seul, restot ,’vétéran 14/18 qui s’étot arplié, s’étot allongé d’sur el ballast , et s’appuyant sur les ralles ed quémin d’fier, i tirot des coups d’fusil, au jugé, in direction du camion ! ! ! Un soldat allemand, l’a contourné in rampant, et l’a surpris par darrière li métant sin révolver dins les côtes. Réaction du Français « Ich bin zoldate ! » in moutrant sin brassard. Le Chleu l’a ramené a ch’camion.
. L’officier avot fait allonger leus tros prisonniers à côté d’li et, découpillant des grenates les lançot par au d’zeurel coopératife des mines. Cha explosot d’sur el route dins in vacarme infernal. Comme du côté Français, faute ed combattants, cha n’ tirot pus, côté allemand i n’ont fait autant. L’calme i est arvénu.
. V’la donc nos trois français, prisonniers d’un groupe d’Allemands attaqués par des terroristes . Trois prisonniers qui s’veyotent déjà morts….
. L’calme arvenu, l’officier a déplié inne carte et, s’éclairant aveu inne tiote lampe, a comminché à interroger les prisonniers. « Nous sommes ici, n’est ce pas, dans cette direction, se trouve Hénin, de ce sôté, c’est Lens ? » ..en excellent Français.
.Min cousin : « Nous in n’osot pas d’mintir, mais li, i n’avot pas l’air ed nous croire ! ! ! » Finalmint l’officier a décidé d’faire el quémin non par el route nationale, mais in suivant les rails ed quemin d’fer pour s’diriger vers Hénin. ! ! ! ! Dins leur esprit, i dévot avoir des « terroristes » armés jusqu'aux dints à tous les coins d’rues. Les vl’a partis dins l’nuit in transportant leu bléssé qui z’ avotent soigné comme is avotent pu. I souffrot comme un martyr, ch’malheureux. aveu sin bras fracassé.
. Parmi les allemands i n’avot un, un boche ech ti la. I leu moutrot tros balles dins s’main ouverte ,et dijot aux prisonniers : « Alles Kapout ! ! ! Alles Kapout » .Min cousin qui n'avot jamais peur a avoué qui avot eu eune trouille ed diape. Li qui n’avot jamais appris un seul mot d’allemand, i avot compris tout d’suite ch’que cha voulot dire, « Alles Kapout » .
. I s’veillot déjà mort ! ! ! I n’avot pas core 18 ans ! ! !
. Lé v'la partis, is zont marché tout l'nuit . Et toudis,"Alles Kapout ! ! !" Vers deux heures du matin, l’officier s’est adressé aux Français: .
. « Nous ne pouvons pas continuer de cette façon, nous allons laisser notre camarade bléssé dans une meule de paille. Nous allons être corrects avec vous, mais, si nous sommes prisonniers, vous devrez être corrects avec nous ! » Et i avot toudis l’aute chleu , l’boche, qui continuot à leu foute la frousse aveu les tros balles in répétant« Alles Kapout ». Cha devot ète eune idée fixe.
. Pindint ch’temps la, min père et min mononque is cachotent pindint tout l’nuit les trois disparus, persuadés qu’is allotent les artrouver morts dins un coin! ! ! »
. Après minuit, après avoir installé leu camarate bléssé dins eune meule ed palle, les vla arpartis, Allemands et Français in direction d’ Hénin. Par la route ch’est pas trop loin mais in suivant les rails ed quémin d’fier, dins l’noir, ch’est pas l’porte à côté.
. L’jour comminchot à s’lever. A Hénin i n’avot des FFI, mais eusses, i z’ avotent des mitraillettes cheux la…Quand is zont vu arriver eune binte d’ Allemands is ont comminché à tirer dins l’tas….Les Allemands, in faijotent autant in ripostant , les balles chifflotent dins tous les sens. Min cousin criot ; « Ttirez pas ! ! In est la! ! !, Tirez pas ! ! ».. in s’plachant derrière un Allemand pou pas archevoir inne balle »
. Final’mint l’officier a plaché s’mitraillette à plat dins les bras d’min cousin qui n’a pas pinsé su l’coup, a inne foute eune bonne giclée à
« alles kapout » pour li apprinte les bonnes manières. .I a tiré toutes les balles par terre. Les Allemands s’sont rindus, les Français sont dallés arquaire el’bléssé, l’ont inmné à l’hôpital du qui l’ont imputer d’sin bras . . . .I n’a pas eu d’autes blèssés. Les Français ont été Korrects aussi ! ! !
. « Alles Kapout ! ! ! » Il est toujours la, à Billy, min cousin. il a un an d’pus equ’mi…..Ch’est deux mots sont restés gravés dins s’mémoire pou l’restant d’ses jours ! ! ! ! « Alles Kapout ! ! ! ! »
.
…………. El lend’main, j’sus allé vire el camion, l'wagon avot eune reule ed déjantée ! ! ! ! et j’ai rapporté un Jérreycan allemand qui m’sert incore aujourd’hui pour printe l’essence pour el m' tondeusse à gazon. ! ! !
.


.
.

Hé ben pépépébé, cha vallot l'coup de faire el scanache de l'carte postale du passache à niveau ...cha t'a rappelé des souvenirs que cha fait frod dins l'dos!

L'pire ch'est qui n'a pus personne qui s'rappelle ou qui connot ch' histoire la ! ! ! Is zont eu du pot d'pas querre d'sur des SS is arotent été tués sur plache ... L'officier sintot qu'les carottes étotent cuites pour eusses. Té t'rinds compte, j'ai core el bidon à essence qui avot dins l'camion ! ! ! ! J'min sers core ! !

Au prix d'ù qu'l'essince elle a augminté, ch'est eune affaire! Y t'in reste encore?

bin eune fos qu'in a comminché à lire tes histoires PPPB, in peut pus s'arrêter...... merci à ti

A ch'passsache à niveau, suite.
.

.
. Ch 'bidon à essince historique.
.

. .
. krafsolf 20l
. FEURGäFARLICHT
1944
.Quand jé l'ai ramassé, i étot vite. ! ! Vous pinsez bin ! ! !
.J'm'in sers pour mète l'essince d'em tondeusse autoportée ! ! ! I est core très bon ! !
. Des souv'nirs comme cha, in n'les oblie jamais ! !
.
. .

Mérilou, alle n'est pas datée l'carte postale ? ? A mote qu'alle dot dater inter 1936 et 1940 ? ? ? L'auto garée d'vant l'coopératife, cha sérot bin eune traction avant Citroën ? ? ? ?

mi j'raffoles des photos d'pébé j'n'ai d'ja mis plein din min blog al sont magnifiques et authentiques des vrais tiotes merveilles d'not passé!!!!
au fait pébé l'photo de l'tiote qui lave sin tiot frére j'l'ais pas eue et al m'plait bin !!!!!! :coq:

Bonjour Annie, l'tiote qui lafe sin tiot frère, alla a.....57 ans....et...deux fos frands mère, sin frère li 56 ! ! ! Ch'est mes ainés ! ! ! L' 'timps i passe ! ! ! !

.Bigs zoubis à les guernoules ! ! !

Dins les corons du 2, bricolache...vers 1947..
.

.
. In n'avot pas d'atelier pour bricoler, cha s'faijot "In plein air".
. V'la l'fabrication d'un kayak in toile ed fosse INCREVAPE.
. Mi, martieau in main. Min tiot frère (né in 46) ....et min cousin.
. Ch'est sin frère qui a été tué al libération in perdant (prenant) eune balle sins l'dos.
.

.
. Première croisière dins l'marais pipi d' Montigny. Premier naufrache, j'me sus artourné au mitant d'ech marais.
. :idea:

té sais vraimint tout faire ed tes dix dogts!!
t'as vu pppb qu'j'ai mis un texte sur t'ville din
"histoires d'adon"

Bonjour tous les deux, mi j'sus admiratiffe d'vint tant d'"histoires", faire un canot dins ches corons ! faut'l'faire comme dirot l'aute. Du qu'te l'ringeos ?

Inne aute question du qu'ch'est l'marais d'pipi Montigny

Racontes nous core d'belles histoires ppPB

Par ches nous ichi in Corrèze et Dordogne in a beaucoup d'veillées d'conteurs. J'cros te pourros arquemincher inne aute carrière.

Ouais Roger, j'ai été très intéréssé par l'texte très bin écrit d'ailleurs. L' passache à niveau dont i pale, ch'est pas ch'ti d'el carte postale, ch'est ch'ti d'la gare ed Billy.
. J'ai pas tout connu , étant donné qu'j'avos dix ans in 40...Mes plus anciens souv'nirs armontent à 35/36 quand même....Après 40, plus d'pain, bure, pus d'lait..... Les hérings, ch'étot des finmes d' ches' corons qui allotent les vinte à Paris, après les avoir fait feumer par el charcutier du coin....alles allotent aussi vinte "du puant "! ! ! in faijant du porte à porte.
. Dins ches trains, pindint la guerre in étot sérrés comme des sardines .....J'allos tout seul à Paris et à Mantes chez mes matantes et chez m'grand mère maternelle in prénant ch'train et ch'métro...
. Savez vou, mes gins qu'pour boire un erzatz ed café dins un bistrot i fallot apporter sin chuque ! ! !
.J'ai même vu, j'dis bin vu, in n'mé l'a pas raconté, j'ai bin vu des gins assis d'sur les tampons ! ! ! Incroyape ? ? ? Ch'etot pas pour daller jusqu' à Paris, mais pour daller jusqu'à Lens.

. (PPPB i est comme les aciens combattants, i n'arrête pas d'parler "d'es guerre")

Réponse:
. ch'marais Pipi, ch'est nous qu'in l'avot surnommé comme cha. .
. L'ieau du bassin d' décantation d'Fouquières les Lens, au quart ed six heures, "l'parc à flou" , étot invoyée par un fossé directmint dins l'marais d' Montigny. I avot tros marais à ch'timps la. Un grand qui est core la et deux plus tiots dont un sur Fouquières. In dallot péquer des épinoques et des lézards sans l'dire à maman, in n'avot pas l'drot d'y aller. .

.

. Avant la guerre un tiot train tirot eune paire ed wagons in faijant l'tour du marais, in prom'nant les gins. L'garache d'ech' train étot du côté d'el rocate actuelle.
. Dins l'marais, in pouvot s'baigner , i avot aussi des barques.
... I a peut ète des "lecteux" qui zont pétète des cartes postales ed l'époque.
. L'canoé étot ringé dins l'voyette ed gardin. Pour el transporter, j'avos imprinté eune tiote remorque à un mononque et jé poussos , à pied...j'allos même jusqu'à Lens, pus d'six kimomètes pour el mète à l'ieau dins l'canal qui n'existe pus, i a eune rocate à s'plache.
.
(Heureus'mint qu'ech savot nager.....in faijant l'andoule, j'ai quéu au plein mitant du Rhin quand j'étos à l'armée, aveu mes grosses godasses et min bieau costume kaki ! ! ! ...mais j'avos pas importé min canoé aveu mi ! ! ! )
. nota: Billy Montigny, Montigny, Fouquières, cha s'touche.

. Dins ch'marais d'Montigny
.

.
. "Partie d'pèque ? ? Partie d' pèque ? ? ? ......
. - A l'ieau ! ! !
. - Nan, aux épinoques ! ! ! Dins ch'marais Pipi "
.

boonjour pébé ch'temps passe din ché années trente min grand pére ch'étot un sacré péqueux à montigny !!!et ach't'heure bin m'n'homme i est garde ed péque la bas aussi !!!!

Dins les corons, Les photos.
.

.
. Préparation d ech' révélateur.
. J'avos fait eune champe noire dins l'gardin pour dév'lopper ches photos.
. (coron du j'ai habité, l' deuxième du site, du qu'l'avos l'ieau courante dins l'maison)
. :idea:
.

Dins les corons: A l'école Voltaire ed Bily Montigny
.

.
. Chétot in 1940 note classe....
.

.
Ch'étot dons in 1940, avant l'invasion. Ch'maîte, Monsieur Delbecq a dû nous quitter, étant mobilisé, ch'étot un bon maîte ch'ti la, in l'aimot bin, i n'tapot pas dins l'tas ! ! ! I a des élèfes qui zont brai d'el vire partir. In n'a pus jamais eu d'nouvelles ed li ? ?
. Ch'Directeur. Monsieur l'homme, aveu s'belle moustache 14/18, chétot un monumint.
. Mai ou Juin 1940, in étot dins eune classe, à l'étache. Dehors i avot l'cour ed récréation, et juste à côté eune basse cour. Un jour, après l'invasion, l' Directeur est vénu dins not'classe, un après mid,i et i nous a a fait canter "La Marseillaisse ", pas trop fort pour qu' les Allemands qui zétotent dins l'basse cour d'à côté is nous intintent pas ! ! !
. Incroyape ! ! ! I avot fait l'guerre 14/18, il les aimot pas les Allemands.

Ch'est smère qui criot : " ROOOOGERERER...."
.
.
.
J'sus ltiot d'vant, , l'grand , derrière mi ch'est.........Roger ! ! ! ! Nan pas note chef, un aute Roger qui a un an ed pus equ'mi et qui est core la ! ! ! "
. :cheers:

bin mi j'sus continte ed vire que pébé i peut s'exprimer pace que j'savos qu'ch'étos un sacré photographe et un sacré diseux !!!!!!
:bonsoir:

Bonsoir Annie, in fait s'qu'in pneu, in n'est pas des chambres à air.
. Sacré photographe ch'est un grand mot ! ! ! J'ai toudis aimé raconté des histoires comme in l' faisot dins l'temps ! !
. A plus.

Dins les corons.
.

.
. Momint d'bonheur, el bain, dins l'bainoire galvanisée.
.
. Fallot daller quère l'ieau al pompe , avec des séaux, au mitant du coron.
. Bah ! Cha rindot personne malate ! !
.