Statistiques | Nous avons 403 membres enregistrés L'utilisateur enregistré le plus récent est Skylinfracmi
Nos membres ont posté un total de 33442 messages dans 2296 sujets
|
Le livre d’or | N'hésitez pas à signer notre livre d'or
|
Partenaires | Devenez partenaire de ce forum en nous envoyant votre bannière ou logo. |
| | |
Auteur | Message |
---|
pépéPéBé
Sexe : Date d'inscription : 25/12/2009 Messages : 4646 Wimille 62126
| Sujet: . Les corons. Sam 16 Jan 2010 - 17:45 | |
|
. Les corons du 2. à Billy Montigny, ch'est dins ches corons la qu'logeot la majorité des ovriers des ateliers centraux. . . . Ch'est l' majon d' coron du qu'in a resté eune vingtaine d'années. . Ch'est fou comme in étot malheureux dins nou majon. L'hiver, l'cuisinière alle ronflot comme un gros cat. Les gaillettes faijotent des grosses soufflettes in brûlant. L'soir, cha sintot les patacons, les pétotes au four, les bettrafes rouches au four, (délicieux). . Dins un coron i avot 10 familles ed logées dins côté, et 10 ed l'aute coté, derrière. In étot eune vingtaine ed gosses. In cavalot du matin au soir en arvénant noirs comme des culs d'pots et un passot dins l'codron. . L'photo a été prise eune dizaine d'années après nous départ. . L l'palizarte alle n'étot pas déglinguée comme cha. . Armarquez l'plache du ramon. Parfos, ch'étot l'plache du codron, accroché déhors à un clo ! ! !. . Dins ches majons la, i avot deux pièches in bas et deux pièches in haut. Quand qui faijot caud, l'été, les ferniètes du bas n'étotent jamais ouvertes, ch'étot les portes qui zétotent ouvertes, in veyot tout c'qui avot dins l' majon des voisins. Cha n'choquot personne, question d'habitute. . Armarquez aussi ,l'tas d'carbon déhors, i n' da qui l' rintrotent dins leus cafes par el soupirale, el carbon.. . I n'avot pas l' iéau courante dins les majons. Pour faire el lessife, pou s'laver, faire el soupe, fallot faire eune paire ed voyaches pour implir ches lessiveusses, les caudrons, les marmites.. . Chez min mononque carrieux d'carbon, i n'avot qu'eune pièche in bas et eune seule pièche in haut... . . In a souffert dins nous jeunesse mais in n'el savot pas, comme cheux la d'Berlin est ! ! ! ! . |
| | | la clo
Sexe : Date d'inscription : 25/12/2009 Messages : 647 Brive la Gaillarde
| Sujet: Re: . Les corons. Sam 16 Jan 2010 - 19:26 | |
|
Ch'est incoyape c'qui faut comme séiaux d'ieau pour faire inne lessiffe. In s'in rind pus compte aujourd'hui, mais ale z'avottent vraimint du mérite toutes ches femmes. |
| | | Mérilou
Sexe : Date d'inscription : 12/01/2010 Messages : 737 Touraine
| Sujet: Re: . Les corons. Sam 16 Jan 2010 - 20:46 | |
|
T'as toudis des bielles photos pépépébé. |
| | | pépéPéBé
Sexe : Date d'inscription : 25/12/2009 Messages : 4646 Wimille 62126
| Sujet: Re: . Les corons. Dim 17 Jan 2010 - 15:39 | |
|
Mardi, jour ed lessife. . I fallot querre el l'ieau al pmpe aveu deux séaux galvanisés. In étot bin plachés, in étot presque in face del pompe. . Ech'linche étot mis à trimper avant d'ète mis dins l'bouleuse. . Dins l'bouleuse, i avot l'famaux "champignon" qui arcrachot ches bulles au d'zeur, à l'horizontal. L'buée qu'cha faijot, alle décollot ch'papier peint. . Peu d'gins avotent eune batteuse électrique avant 1950. . Quand qu'mes parints ont acaté l'preumière batteuse électrique cha été eune révolution. . . . Chelle d'el photo, alle a été "démotorisée". Ch'moteur étot inter de les pieds, aveu eune poulie plate, eune courroie plate intrainot l'volant in haut... L'tiote pougnée qui a d'sus l'volant servot à lancer ch'moteur qui n'démarrot pas tout seu, fallot el lancer. . Les tros espèces ed batons qu'jai mis in rouche battotent ch'linche en faijant des tiers ed tours alternativ'mint d'un côté puis ed l'aute. . Ch'linche battu, fallot l'rincher, dins un caudron ! ! ! . Fallot l'essorer in l'tordant... . Final'mint fallot l'mette à séquer déhors quand qui faijot bieau, dins l'majon les autes jours... . J'pale pas du repassache aveu des fiers à arpasser cauffés par el fu à carbon ! ! ! . Ach't'heure, té mets ch'linche dins l'machine, té mets in route et té peux aller raviser al télé "Les feux d'lamour".... . J'plaisante, j'sais bin qu'vous autes, vous n'avez pas d'timps à perte. . Enfin, l'jour ed lessife durot tout l'jornée. Un rute dallache. . . Et...personne is plaindot ! ! ! . . . |
| | | pépéPéBé
Sexe : Date d'inscription : 25/12/2009 Messages : 4646 Wimille 62126
| Sujet: Re: . Les corons. Dim 17 Jan 2010 - 15:51 | |
|
Les corons, suite . . . . .. Mariè, j'ai habité dins ch'coron la. Dins l'majon juste in face. La, in avot l'ieau courante. . A droite les cabinets, par groupe ed quate mais in avot chacun s'fosse à kk personnelle. . :cheers: |
| | | pépéPéBé
Sexe : Date d'inscription : 25/12/2009 Messages : 4646 Wimille 62126
| Sujet: Re: . Les corons. Dim 17 Jan 2010 - 16:03 | |
|
Les corons 3 . . Les corons du 10 à Billy Montigny . . Final'mint j'ai atterri ichi, al deuxième porte. Chétot grandmint mieux , les gins n'passotent pus d'vant nous portes. . . Ches majons la existent core. Alles ont été modernisées. Dins l'fond ch'terril. J'ai vu dévaller les premières bennes qui s'déplacotent d'sur des capes in 1948 ! ! ! Les caillaux quéotent du haut in bas in faijant eune poussière ed diappe ! ! ! . In avot pas core invinté '"La pollution" ach momint la. . |
| | | batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: . Les corons. Dim 17 Jan 2010 - 16:08 | |
|
Pour in arvénir aux ouaters communs, ch'est vrai, même que j'ai l'photo, que min copain boyau rouche i avot prisse dins sin coron à li, que cha n'd'étot un ultra moderne, avec chasse d'ieau et brouche à cabinet fournie. I avot un côté pour les hommes et un côté pour les femmes. Vous armarquerez l'salle d'attinte... in fait i fallot surveiller que les couples faits comme cha à l'improvisse n'in profitent pour se faire un tiot peu la cour. Forchémint, parce que si les gins i comminchottent à se faire des doux ys, cha pouvot durer et pour ceux qui joquottent, cha pouvot être emm...dint. Si j'ose dire. |
| | | pépéPéBé
Sexe : Date d'inscription : 25/12/2009 Messages : 4646 Wimille 62126
| Sujet: Re: . Les corons. Dim 17 Jan 2010 - 16:14 | |
|
. Cha ch'est du moderne, i a même des bancs pour ches spectateurs ! ! ! |
| | | Roger
Sexe : Date d'inscription : 17/12/2009 Messages : 1281 Henin Beaumont
| Sujet: Re: . Les corons. Dim 17 Jan 2010 - 16:22 | |
|
ch'terril la pppb,je l'vos tous les jours in m'èl'vant, ya chés terres qui v'notes aussi du lavoir ed Drocourt,cha traversot l'route de Rouvroy par un transporteur. |
| | | pépéPéBé
Sexe : Date d'inscription : 25/12/2009 Messages : 4646 Wimille 62126
| Sujet: Re: . Les corons. Dim 17 Jan 2010 - 16:39 | |
|
Ches cabinets du 10... . I avot un problème au 10, i navot qu'eune seule fosse à kk pour les quate cabinets. qui zétotent inter les majons.Deux par dévant, deux par darrière. Quand qui zétotent pleins, fallot s'arringer insanne pour les faire vider par el vidangeur. .....Ch'étot plein. J'va treuvé les tros autes,"Nan! nan, chez nous ch'est pas plein." . Min cabinet et ch'ti la d'min voisin, ch'ti d'el trosième majon, avotent les portes qui s'fermotent d'sur el montant central, c'qui fait que, quand s'porte alle n'étot pas freumées, in avot eune vue imprenape d'sur leus ouaters. . Eusses, is avotent core ch'ti la d'origine, à kier d'sur les bertelles.....Ch'étot pas plein!!!!!! is allotent ponte, débout, les gampes écartées au d'zeur d'un cône ed papier et d'tout c'qué vous povez imaginer.....mais ch'étot pas plein ! ! ! Fallot partager les frais pour faire vidanger...Donc, ch'étot jamais plein chez eux ! ! ! ... . Chez les deux autes derrière, j'savos pas mais ch'étot jamais plein non pus,........ fallot payer. . I n'a jamais d'problèmes, i n'a qu'des solutions. Jé l'ai treuvé, l'solution. . Aveu deux ringées d'parpaing, et eune dalle, j'ai arlévé l'niveau d'min côté et j'ai mis un bieau trône in faïenche, au d'zeur...La, ch'est mi qui trônot ! ! ! .J'étos à l'abri, j'avos au moins 10 lessiveuses d'avinche d'sur les autes! ! ! ! . Que brun ! ! ! ! In verrot cha dins un film, in dirot qui zont un tiot peu exagéré et pourtant ! ! ! :idea: . . |
| | | pépéPéBé
Sexe : Date d'inscription : 25/12/2009 Messages : 4646 Wimille 62126
| Sujet: Re: . Les corons. Dim 17 Jan 2010 - 16:45 | |
|
Ouai j'ai vu querre les premières bennes in 48. . Vers 1954/55, j'sais pu à eune année près, un diminche, i n'davot un qui faijot un cinéma pas possipe aveu un tiot avion au dessus des corons .....I a pris m'rue in infilate d'sur el dos et i est dallé es's'vomir ed d'sus ch'terril ! ! ! ! S'navion chétot des alleumettes, quand qu'à li, j'té dis pas ! ! ! ! ! :cherry: |
| | | batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: . Les corons. Dim 17 Jan 2010 - 16:48 | |
|
Et i a jamais un gosse qui a pinsé à mettre de l'levure là-dedins? (nin dins les siens bin sur...)
Mi je connos eune dame qu'elle l'a fait, dins eune caserne américaine... |
| | | pépéPéBé
Sexe : Date d'inscription : 25/12/2009 Messages : 4646 Wimille 62126
| Sujet: Re: . Les corons. Dim 17 Jan 2010 - 17:41 | |
|
. Dins l'coron N°1 du 2. histoire ed wouaters . Min père avot plaché eune belle planque et un couvlèche ed séeau hygiènique. Min frère va au cabinet eveu sin tiot tchien.Après avoir fait s'commission, min frère pose eche tchien d'sur el planque pour armète sin patalon ! ! ! ! . I arvient al lajon in brayant comme eune mad'leine, ch'tien i étot quéu dins l'cabinet ! ! ! ! . Min père a armonté s'manche et i est dallé arpéqué l'paufe biète qui étot arquéu d'sur le tas ed.... I l'a ramné in ténant par el pieau du dos, ch'tien i ténot ses pattes toutes raites ! ! ! ...... . Un aute cop ch'est l'père d'em mère qui a fait quère sin porte feule dins l'tro ...ch'es core min père qui l' a arpéqué aveu l'pinche à dégrocher ! ! ! . Tout cha , ch'a s'terminot toudis par eune partie d'rigolate ! ! |
| | | pépéPéBé
Sexe : Date d'inscription : 25/12/2009 Messages : 4646 Wimille 62126
| Sujet: Re: . Les corons. Lun 18 Jan 2010 - 10:34 | |
|
Dins les corons, El supplice du caudron ou d'el bainoire. . . Tous les sam'dis, et même dins l'semaine, ch'étot l'suplice ed du caudron.. Incore eune maladie comme cha et in n''li verra pas ses yux. . . . . Ichi, ch'est l'supplice dit: "ed l'éponche"...Armarquez l'sourire sadique d'el tiote file qui fait des misères à ch'tiot frère. . Zic dins s'neule ! ! ! n ' . |
| | | Mérilou
Sexe : Date d'inscription : 12/01/2010 Messages : 737 Touraine
| Sujet: Re: . Les corons. Lun 18 Jan 2010 - 10:57 | |
|
Ch'est des photos qui viennent d'ù pépépébé? Elles sont toudis superpes, pleines d'émotions. J'ai artouvé à m'majon eune visse carte postale de Billy Montigny des année chinquante. Ca intéresse quelqu'un? |
| | | therese
Date d'inscription : 22/12/2009 Messages : 81
| Sujet: Re: . Les corons. Lun 18 Jan 2010 - 12:25 | |
|
M'soeur alle devot avoir dins les invirons d'deux ans. Tous ls plus grands avotent l'consigne d'fermer l'porte des cabinets au verrou. Arrive c'qui devot arriver, l'porte alle a pas été fermée, l'tiote, curieuse d'vir cha qui s'pasot derrière pour un cop qu'alle pouvot y aller, alle a monté sur l'planque et grimpé pour passer à ch'tro. M'mère quand alle a intindu crier, sin sang n'a fait qu'un tour et alle l'a artrouvé le corps dins ch'tro, mais les deux bras écartés, et comme alle étot rondelette, cha l'a bloqué du qu'alle étot. In in parle cor. |
| | | Mérilou
Sexe : Date d'inscription : 12/01/2010 Messages : 737 Touraine
| Sujet: Re: . Les corons. Lun 18 Jan 2010 - 13:03 | |
|
Hé bé pauff tiote, elle est tchée d'dins in l'a rtiré dehors aveuc eune louque à brun... ch'est eune canchon très romintique cha! |
| | | pépéPéBé
Sexe : Date d'inscription : 25/12/2009 Messages : 4646 Wimille 62126
| Sujet: Re: . Les corons. Lun 18 Jan 2010 - 15:28 | |
|
. J'ai pris et dévloppé presque tous ches photos in noir et blanc ...sauf chelles prisses avant la guerre bin intindu. Après la guerre, vers 1947, in avot rin, fallot tout faire. J'ai comminché à dév'lopper ches photos l'cafe du premier coron... . J'avos s' apparel photo Kodak box 6x9, tout simpe mais qui prénot des bieles photos, comme chelle del construction du canoé par eximple. . Des photos, cha dév'loppe dins l'noir ! ! ! J'vous l'apprinds pas. Donc, dins l'noir, fallot inliéver l'pellicule du papier, insuite, préparer tros assiettes, l'eune pour el révélateur, eune pour el l'fixateur, l'trosième pour l'rinçache à l'ieau claire. Prénant l'pellicule par les deux bout, faire glicher l'film dins l'fond d'ches assiettes. . Pour respecter l'durèe du passache dins chaque bain, ch'étot l'réveil lumineux del majon, qui servot d'chrono ! ! ! . par la suite, j'ai fait un agrindisseur aveu un viel appreil photo à soufflet 14/18, eune boîte à café comme i avot dins beaucop d'majon d'sur eune planque au s'zeur des cuisinières: café, chuque, chicorèe etc....in faut un condensateur ed lumière inter el lampe et l'film, au début j'ai mis un verre dépoli, par la suite deux lintilles! ! ! Cha marchot super bien. . J' préparos les révélateurs, les fixateurs... .....Vous m'direz, " Du qu't'as appris à faire cha ?"...Du ? A l'école. . In apprénot qu'et cosse à l'école in ch'timps la. J'ai quitté l'école à 16 ans et démi, aveu un Brevet m'permettant d'faire l'école aux élèfes jusque 14 ans :! ! ! In avot d'ja des basses in chimie, physique, électricité, optique, accoustique, all'mand, inglais et jé n'noublie sans doute incore ! ! ! . J'avos appris et vu commint qu'in dévloppot les photos ...à l'école! ! ! I avot un camarate dins l'classe étot l'fils du photographe ! ! I avot apporté c'qui fallot. . Cha chétot d'l'instruction bin faite ! ! ! In apperdot à l'école ! ! ...... . Après 67/68 j'ai pris beaucop d'photos in diapos, ch'est pas del tarte pour les scanner, ch'est long ! ! ! et faut un scanner espécial ! ! . Achteure, ch'est du billard à tirer les photos in numérique! ! ! .....! ! ! . . |
| | | pépéPéBé
Sexe : Date d'inscription : 25/12/2009 Messages : 4646 Wimille 62126
| Sujet: Re: . Les corons. Lun 18 Jan 2010 - 15:32 | |
|
Mérilou, si té peux scanner l'photo d'Billy Montigny, té peux l' mète ed sur el site ! ! ! Les photos du moulin, des corons étotent in couleur, j'lé ai misses in noir et blanc, cha fait plus ancien ! ! ! |
| | | Mérilou
Sexe : Date d'inscription : 12/01/2010 Messages : 737 Touraine
| Sujet: Re: . Les corons. Lun 18 Jan 2010 - 15:38 | |
|
J'va essayer.. mais j'garantis rin. ( Te t'in doutos hein! ) |
| | | Mérilou
Sexe : Date d'inscription : 12/01/2010 Messages : 737 Touraine
| Sujet: Re: . Les corons. Lun 18 Jan 2010 - 15:49 | |
|
voilà Ch'est el route nationale ed Billy Montigny, eune carte coloriée aveuc un passache à niveau devint... j'décris parce que j'in suis qu'au scannache et j'garintis pos de l'suite! |
| | | Mérilou
Sexe : Date d'inscription : 12/01/2010 Messages : 737 Touraine
| Sujet: Re: . Les corons. Lun 18 Jan 2010 - 16:06 | |
|
T'énerffe pas pépé, te va garder s'patienche ed maît d'école et te va m'dire d'ù qu'te va pour donner eune adresse url à eune photo.. ben ouais j'in suis cor que là ! |
| | | pépéPéBé
Sexe : Date d'inscription : 25/12/2009 Messages : 4646 Wimille 62126
| Sujet: Re: . Les corons. Lun 18 Jan 2010 - 16:11 | |
|
Mi, jé n'doute ed rin ni d'personne ! ! ! |
| | | Mérilou
Sexe : Date d'inscription : 12/01/2010 Messages : 737 Touraine
| Sujet: Re: . Les corons. Lun 18 Jan 2010 - 16:23 | |
|
alors j'acoute et leçon. J'ai t'n'imache mais y li faut eune adresse url et là j'sus un tiot peu babache ( mais nin fierte puisque j'l'avoue in public) |
| | | pépéPéBé
Sexe : Date d'inscription : 25/12/2009 Messages : 4646 Wimille 62126
| Sujet: Re: . Les corons. Lun 18 Jan 2010 - 16:49 | |
|
:idea: Attintion ,ch'est parti: . . http://www.imagup.com/ ..... quand qu'cha arrife, ........ . clic dins parcourir . té choisis l'photo à invoyer, alle dot ète dins les docomints ou mes imaches . clic d'sur el photo alle dévient bleusse. . clic d'sur ouvrir. T'arviens dins l'pache d'avant.... . insuite clic d'sur uplaoder mon image..... .... attinte i faut comme dirot Fernand...un certain timps....si l'imache est trop lourte i a un rique que cha n'passe pas ! ! ! . L'imache alle s'treufe pas d'zous. . Au d'zeur i y a plusieurs lines , té choisis chelle qui comminche par: ........ [URL] http etc.... clic la ed dins, cha dévient bleu, copier...... ........ Limache est comme l'homme invisipe dins l'pressse papier, in n'el vot pas..... . T'arviens d'sur el site à Roger , et té l'colles du qu'té veux..... ....... . Si t'as pas compris, ch'est pasque j'ai pas su m'espliquer ! ! |
| | | Contenu sponsorisé
| Sujet: Re: . Les corons. | |
|
| | | |
Sujets similaires | |
|
Page 1 sur 3 | Aller à la page : 1, 2, 3 | |
| Permission de ce forum: | Vous ne pouvez pas répondre aux sujets dans ce forum
| |
| |
| Qui est en ligne ? | Il y a en tout 2 utilisateurs en ligne :: 0 Enregistré, 0 Invisible et 2 Invités
Aucun
Le record du nombre d'utilisateurs en ligne est de 54 le Sam 5 Juil 2014 - 16:40
|
|