j'vas armette ichi d'sous l'début d'conversation qu'ppPB et ch'duc ont mis dins l'rubrique Glossaire...
comme cha l'conversation elle pourra durer et s'inrichir avec d'autes souvenirs, pace que ch'est fort intéressant tout cha...

mince j'm'aperchois que j'peux pas éditer c'sujet là (j'dos pas ête modérateusse dins ch'ti lal, j'vas donc faire in copier coller....
roger té supprimeras chés conversations après, in fin à t'mote..

ppPB :

eune guisse: morceau de queue (bâton) taillé en pointes. Le jeu consiste à frapper sur une pointe pour faire sauter la guise en l'air et la frapper un vol pour l'envoyer le plus loin possible. "L'adversaire" devait se trouver devant, derrière un trait tracé dans le sol et tenter d'attrapper la guise au vol, au risque de larecevoir en pleine poire et d'avoir un sourire nord est permanent.(I
dot avoir un Bon diu, cha n'est jamais arrivé...).
. Il existe une chanson:"Alle juot al guisse.......

l'gaboule, autre jeu consistant à lancer un morceau de brique dans un empilage de six boîtes à conserves (de petits pois d'un kilo). "L'adversaire', derrière une ligne, devait remettre les boîtes en place vite fait bien fait,et attrapper le "tireur" qui lui, devait aller rechercher sa brique fissa fissa, sans s'faire "péquer".


ch'duc :
juer al guise , cha faisot travailler ches vitriers ....

ppPB :
N'impêche qu'cha coûtot pas cher tout cha et qu'in s'amusot bin. In pusse, in juot aveu des gros mapes in acier, des biscaïens ou in juot aux cartes d'sur les pavés d'ches corons! ! ! !L'été, un arrêtache, et in étot à la mer dins l'gulot ! ! ! les gins d'sur eul pas d'leus portes ravisotent les infants juer! ! !
. Qu'est c'qu'in n'a pas souffert dins nous jeune timps ! ! !
.


ch'duc :
merci pépé ed nous affaire vif nous bieau temps....
et quand in juot al toche (toupie) al clachoire por essayer ed findre el sienne ....

ppPB :
Nous in applot cha eune torcaine. aveu eune pointe in fier. Comme té l'dis, ch'duc, i fallot finte el ....toche ed l'adversaire in faijant attintion à ses ortels ! ! ! J'ai jamais réussi à el lancer comme les autes. Cha m'faijot un peu peur. J'cros que l' corte cha s'applot un clach'ron ? ? ? ou unclachoire.
......
Les files in avotent un aute sorte ed torcaine, aveu un fouet, beaucop plus cool.
....
. Toche, j'ai jamais intindu ch'mot la, j' prétinds pas qui n'existot pas. Dins coin à un aute les mots étotent pas toudis parèles.......
I est l'heure ! ! ! Fox couché ! ! !


ch'duc :ech clach'ron,chétot del corte ed machon...

ppPB :

J'sais pas si l'corte alle étot vindue aveu l'torcaine, jé n'ai jamais eu d'toute façon j' savos pas lancer cheule torcaine comme les autes mais j'les ravisos faire. L'corte étot inroulée à spires jointifes in comminchant par el pointe in fier ...L'aute estrimité alle étot inroulée autour d'un dogt, bin serrèe dinsl'main , et l' torcaine alle étot lancée avec forche d'sur cheule d'un camarate ou d'sur el sol dù qu'alle s'métot à tourner à toute allure.
Ch'étot du grant art ! ! ! Les galopins l'ramassotent in l'perdant inter deux dogts écartés et l'faijotent tourner dins leu main ! ! ! Ch'étot au moyen ache ! ! ! !.... I avot un cop à printe! ! ! !
.
J'ai jamais acaté d'torcaine, j'cros qu'alles étotent in buis ! ! ! ! In tout cas un bos très dur ! ! ! alles avotent l'forme d'eune "poire " aveu eune pointe in fier à l'implach'mint d'el queue ! ! ! ...
.
Que ju, ch'est l'cas d'el dire ! ! !

VOILA ASTEURE IN PEUT CONTINUER A RACONTER CHES VIUS SOUV'NIRS.....

In juot aussi aux soldats.
. In faijot eune cabane, in volot des carottes dins l'gardin pour el popote, in s'lançot des grenates, ch'est à dire des caillaux pour... s'amuser bin sur...jusqu'au jour, où, in m'arliévant, j' ai archu un silex qui a d'sur les lines ed quémin d'fier, in plein dins m'neule...... I étot inflé, j'pouvos pus l'ouvrir....min cousin étot al presse, ch'étot li qui avot invoyé l' caillau, i m'donnos un bout d'jornal à lire pour savoir si qu'j'avos pas m'neule creuvé ! ! !
. J'sus resté au moins quinse jours comme cha. M'mère étot in colère, j'avos pus l'drot daller juer avec eusses...
. In savot s'amuser dins l'timps ! ! !
ch'atot un souv'nir cuisant ! !

in disot dins min coin "torcane"
J'ai jué à l'toupie des files. In avot comme un fouet qu'in inroulot sur l'toupie pour lancer pis après un claquot l'fouet sur l'toupie quanqu'ale queminchot à ralentir pour qu'ale tourne incore un tiot peu.
L'forme del toupie n'étot pas l'même cha arsemblot à un champignon.
L'toupie des garchons quanqu'ale étot bien lancée ale faisot du bruit, ale ronflot.

T'aleur pp t'as parlé d'gulot, cha m'fait arpinser que quanque ch'étot l'jour ed lessife et qui avot l'ieau d'rinssache qui arrivot dins ches gulots in s'amusot tout tiot à faire un tiot barrache pour l'ieau et in mettot des bout d'papier, d'bouts d'bos pour faire des bâtieaux. I nous fallot pas beaucoup pour nous amuser, et surtout in inventot, chétot l'débroule.

Qui s'rappelle aussi du diabolo. Cha ch'étot dur.

L'tour de France.
Des billes, des tiots personnaches in espèce ed plastique sur leurs vélos, pis un tas d'poussières dins l'rue, ou un circuit dins l'terre du gardin avec virages, montées, col du tourmalet. Ben ouais avec un tiot peu d'imagination in s'arfaisot les étapes du Tour. Parel in a passé des heures à juer à cha. les garchons ils étotent toudis les gagnants.

Tour de France.
. In faijot comme vous autes. In traçot eune grante carte ed France partièrre , chinq ou huit mètes ed long, in forme ed tiote tranchée et in juot au tour de france aveuc des mapes in couleur ! ! ! !
.

Foot
. In n'avot pas d'ballon, in juot au foot aveuc eune boîte à conserfe ed tiots pos ( ginre Casse Graine)...
. paufes godasses ! ! ! !

mi j'avos quer juer au jokari avec min grind frère....
in jour in a mis l'ju trop près l'majon vers l'mur de l'pièche qui servot de buanderie-débarras et bing in plein dins l'ferniête !! j'avos pas buqué su l'tiote balle dins l'direction qu'i fallot!!! heureusemint ch'étot des vitres épaisses....
in a eu caud pace m'grind mère nos avot d'jà dit au moins tros fos de n'pas nos mette si près ....

Et l'descente d'inne butte ed terre sur un couverque ed lessiveusse : Toudis des jux d'garchons.
Derrière l'fosse 4 de Sallaumines y avot pas vraimint un terril mais comme un terrain vague qu'in appelot quand même l'terril. Y avot inne voïette et in rattrapot l'rue qui armonte vers l'fosse.
Bref, là ,y in a eu des genoux in sang, des gamelles monumentales. Ches garchons les plus hardis i s'amusotent à dévaller l'tiote butte assis sur un vieux couverque ed lessiveusse. Des cops cha passot i z'arrivotent in bas mais des cops ch'étot des valdingues, des vrais cascadeurs.

bin mi je m'rappell'rais d'voir déchindu ch'terril sur un couvercle ed d'lessiveusse!!
Quand j'sus arrtivé in bas, yavot deux gardes des mines d'vint mi, l'après midi i étotes à mason,j'vous dis nin la suite...
min père a eu eun' aminde sur s'quinzaine,et mi j'tai pris eun' marionette sur l'coin min théatre comme dirot Léon,par min père,mais alors!! comme jamais...

ch'est vrai, Roger, in n'avot pas l'drot d'daller juer d'sur el terril, ch'étot dangereux. Les gartes is ètotent respectés à l'époque.
. In avot l'habitute ed dire: "Muche tin cul, v'la ch'garte"
.
.

Ancien tesque sur torcaine....le 22/12/2009

tiote bellotte a écrit:

ppPB :
Nous in applot cha eune torcaine. aveu eune pointe in fier. Comme té l'dis, ch'duc, i fallot finte el ....toche ed l'adversaire in faijant attintion à ses ortels ! ! ! J'ai jamais réussi à el lancer comme les autes. Cha m'faijot un peu peur. J'cros que l' corte cha s'applot un clach'ron ? ? ? ou unclachoire.
......
Les files in avotent un aute sorte ed torcaine, aveu un fouet, beaucop plus cool.
....
. Toche, j'ai jamais intindu ch'mot la, j' prétinds pas qui n'existot pas. Dins coin à un aute les mots étotent pas toudis parèles.......
I est l'heure ! ! ! Fox couché ! ! !


ch'duc :ech clach'ron,chétot del corte ed machon...

Les pistolets à bouchon.
. In vindot des pistolets dins lesquels in infutot dins l'canon un bouchon creux d'un côté du qu'i devot avoir eune espèce d'fulminate d'mertcure. Quand qu'in tirot, eune pointe vénot frapper l'bouchon, i sortot eune sacré flamme dins un bruit d' tonnerre. L'flamme troot un mouchoir......
. Après avoir archu l'certif, les jeunes défilotent dins les rues aveuc des drapeaux, des pistolets à bouchon et des pétards in faijant un boucan d'diape.
.
A 18 ans, les jeunes passotent l"consel"....d'vant un méd'cin qui les examinot pour vire si qu is n'davotent pas eune trosième et qu'is étotent bons pou s'faire massacrer sous les drapieaux.
. Cheux la aussi is défilotent aveuc des drapieaux , in faijant tous ches capelles et in cantant.
" A boire in n'd'ara
A boire in d"ara
. In frot putot sauter l'cabartière au plafond...."
.
ou incore
.
. " Passer l'visi.. ite
. Montrer sin .. i.ite
. A 18 ans ch'est dégoutant...."

. Vous z'avez connu cha vous z"autes les jeunes ?

Nan j'connaîchos pas ches paroles là, mi ch'étot des paroles comme " tiré au sort " comme cha s'passot au 19eme siècle

Au sujet des torcaines in buis.

http://search.babylon.com/imageres.php?iu=http://www.carte-a-jouer.com/IMG/jpg/958_toupies.jpg&ir=http://www.carte-a-jouer.com/Toupie-a-l-ancienne-buis-D-62mm-H.html&ig=http://t2.gstatic.com/images?q=tbn:ANd9GcQOXhAgvrFGmIAEDsw06W7RqjZ427lDaVpsjyd-W9zyJ895l-Dw4KiM1Kk&h=270&w=484&q=jeu+toupie+en+buis&babsrc=home

Loumarcel a écrit:

Nan j'connaîchos pas ches paroles là, mi ch'étot des paroles comme " tiré au sort " comme cha s'passot au 19eme siècle

.
Ch"étot surtout avant guerre qu'les conscrits pleins comme des boudins défilotent in binte dins les rues in s'ténant par l'bras et in cantant....après la guerre cha s'est pardu peu à peu.
Is in ténotent eune bonne, is faijotent tous les majons et tous les capelles. Ch'étot la mote.
. Mi in 1948 j'ai pas fait ch'carpin la, té pinses.....

In juot aussi aux soldats..... passache consèle, passer l'visite...
comme dins l'canchon des conscrits..
...Passer l'visi i te
...Moutrer sin ... i i te
...A 18 ans
...Ch'est dégoutant....
.
Cha dot ète eune canchon pur'mint ch'ti....
.

.
In gelbique, in cantot cha aussi Flersois ?

pépéPéBé a écrit:

.
In gelbique, in cantot cha aussi Flersois ?

J'connos pas, mi j'ai passé ch'te visite à Lannoy 59.... à la queue leu leu...

A la queue leu leu... J'ai connu un Leleu....

In fait, je me deminde si qu'in arot pu se faire réformer si qu'in avot sin mouchon tout cron ou eune séquo ainsi. Pourquo qu'i fallot se présinter avec sin zozieau à l'air? I n'd'a des qui savtent?