Je sais que cha n'a rin à vir avec le nord pas de calais, mais j'essaie quind même. Je sais qu'i a des experts ichi dessur.

J'ai eune misère avec min thunderbird.

I va fin bin foque pour eune séquo d'ùche qu'i s'a mis à déconner tout d'un cop et je ne sais nin pourquo.

Si que j'archos un émile avec un lien dedins, tchand que je buque chu le lien j'arrife à m'page d'accueul de firefox, qu'in fait ch'est google (www.google.fr).

Tchand que le lien ch'est eune adresse internénette, i a moyen de tourner alintour du problème in faijint un copier coller de l'adresse. Mais tchand que ch'est écrit "buquer ichi" ou eune séquo ainsi, ben forchémint i a nin moyen que je sache d'ùche que le lien i devrot m'immener. Tchand que je buque je m'artrouve chu l'page d'accueul de google.

Au secours! Jusque là j'ai réinstallé firefox (je ne l'avos nin désinstallé avint parce que j'ai peur de perte tout mes émiles, mes adresses et pis tout cha) mais cha n'a rin chingé.

J'ai arwetchi chu internénette in buquint "lien thunderbird" et i a foque des explications - copliquées - in cas que les les liens is ne marchtent nin du tout. Dins min cas, i a quind même eune séquo qui se passe. Nin cha qu'i faudrot mais eune séquo quind même...

Dins vous explications, gardez in tiête que je ne chus nin un expert dins tout cha. Duchemint avec les mots savints siouplait...

D'avinche je vous in armercie!

Té sais j'peux pas grand cosse pou ti Batisse, je n'sus pas in esspécialiste mais j'va d'jà réfléchir sus s'que t'as écrit chi d'sus.

J'ai foque trouvé cha : Forum thunderbird

Mi, je ne clique jomais sur un lien dins un message, c'est trop risqué...

flersois a écrit:

J'ai foque trouvé cha : Forum thunderbird

Mi, je ne clique jomais sur un lien dins un message, c'est trop risqué...

Et là, te seros mi, quo que te feros avec le lien que te me dis de cliquer dessur?

T'es t'un rute voyou tisaute.

Au fait, t'as trouvé eune solution pour t'crète? T'as fait quelle couleur et t'as acaté combien de tupes de gomina?

batisse a écrit:

flersois a écrit:

Mi, je ne clique jomais sur un lien dins un message, c'est trop risqué...

Et là, te seros mi, quo que te feros avec le lien que te me dis de cliquer dessur?

Là, te sais d'où qu'cha vient, te m'fais confiance.....

Mi j'sus contint d'min programme de courrier Gmail, jomais eu d'problèmes...

cha arsonne à quo comme osieau un thunder ? à d'ù qu'cha vit ?

tiote bellotte a écrit:

cha arsonne à quo comme osieau un thunder ? à d'ù qu'cha vit ?

Ch'est nin un osieau, ch'est ène auto américaine..

Bon, vous avez bétôt fini de pourrir min sujet vousautes?

Est-ce que je feros cha mi?

Blague dins le coin, je chus dins le brun avec ch't'affaire. In puq le bouton d'aide de thunderbird i m'amène aussi direct chu l'page d'accueul de google... J'ai vu chu internénette que cha a déjà arrivé à des autres, mais j'ai incore nin trouvé commint qu'is ont fait pour corriger le problème!

J'ai désinstallé et réinstallé thunderbird in arrêtint le bouzin intre les deux. Cha ne chinge rin.

Alors, les moqueux de gins, des idées?

J'espère que ch'est nin eune ruse de microsoft pour qu'in artourne chu outlook express.... je me deminte d'ailleurs si que je l'ai incore ch'ti-là!

Eh, flersois, l'auto américaine ch'est stutbaker ou eune séquo ainsi. J'avos cha in dinky toy tchand que j'étos tiot.

Garchonal!

Essaie de désactiver la surveillance d'ton oiseau-tonnerre par ton anti-virus, in n'sait jomais, ch'est p'tète li qui fout l'b###...

J'ai trouvé ça :

Citation :

Si le message vérolé entre dans votre messagerie et que votre Antivirus s'en rend compte plus tard (lors d'un scan par exemple), il se peut qu'il place votre boite de réception en quarantaine. Le premier résultat de cette mise en quarantaine est une disparition de tous vos Emails (logique puisque la boite de réception a été déplacé).

Ch'matin j'va mète (enfin chés informaticiens du clupe informatique) windows 7 et après je n'ai pon si j'va armète thunderbird (ouais mis aussi j'ai un osiau), i m'fait des misères aussi et i parait d'internet explorer, i est pas mal du tout à ch't'heure.
J'va poser la question.

mi j'reste sur firefox,et il reste numéro un d'après plusieurs magazines informatique...
Comme flersois, j'sus passé sur gmail pour min courrier.

Dis-me Batisse, moi qui n'suis pas un' experte in informatique et te l'sais hein, quand qui m'arrife un truc comme cha, et bin j'armonte dins l'timps avec min l'ordi, j'li d'mande de s'mette à l'date d'où qu'cha marchait et....j'ai résolu bin de problèmes comme cha ! Bon d'accord ch'étot du timps où j'étos nin chez l'concurent.....allez déme...-te !

Ch'est nin *** cha. I va falloir que j'artrouve commint qu'in fait cha avec windows 7....

Roger a écrit:

Comme flersois, j'sus passé sur gmail pour min courrier.

Attinds, attinds, ne va nin ichi m'imberlificoter. J'ai déjà assez de misère comme cha.

Passer à gmail cha veut dire chinger d'adresse émile énon? Au lieu de t'appeler duduche@machin.fr te deviens duduche265@gmail.com . Ch'est nin cha? Duduche 265 parce que des duduche il y in a déjà tout plein.

Mi je ne veux surtout nin chinger d'adresse émile. Je l'aime min adresse émile.

Pour faire eune comparaison, j'ai nin l'intintion de déménager parce que min facteur i est malate...

Loumarcel a écrit:

Ch'matin j'va mète (enfin chés informaticiens du clupe informatique) windows 7 et après je n'ai pon si j'va armète thunderbird (ouais mis aussi j'ai un osiau), i m'fait des misères aussi et i parait d'internet explorer, i est pas mal du tout à ch't'heure.
J'va poser la question.

Ouais, mais marcel, min tiot marcel catastrophe informatique - ch'est pour de rire hein.... - internet explorer ch'est nin pour les émiles, ch'est pour aller surfer chu le net, par eximple pour te connecter à tin forum préféré.

Te ne vas quind même nin, ti aussi, me foutre le brun. Ch'est eune ligue ou quo?

Si Internet Explorer i s'rot si bien pourquo qu'il faut si souvint installer des mises à jour de sécurité, et autres correctifs ?.

Citation :

Mi je ne veux surtout nin chinger d'adresse émile. Je l'aime min adresse émile.

In peut garder s'n'ancienne adresse avec Gmail...

Citation :

In peut garder s'n'ancienne adresse avec Gmail...

Ch'est ce que j'allot i dire!
té fais l'trinsfert ch'est toute!!!

Ah bon?

Et i n'd'a ichi au moins deux espécialisses qui savtent s'in servir...

A m'mote que je vas me linchi. Euh... désolé, je vas suremint vous appeler au secours pour installer et configurer ch'bazar.

Mais in passint par ichi ch'est pratique, énon?

Allez, à plus, parce que pour le bien i faudrot que fasse eune paire d'autres séquos avint à m'majon. Vous avez récréation pour l'instint!

Bon, ben je m'ai inscrit à gmail et l'afant i se présinte mal. Ch'est un siège...

D'eune part, après l'récupération de mes émiles, i n'd'in minque eune masse et, surtout, impossipe de récupérer m'liste de contacts.

Is sont "importés", in me dit même qu'i n'd'a 187, mais is sont inexploitapes. In fait dins "contacts" i a 187 lignes blanques (je pinse, j'ai nin compté) avec au bout un tiot rectingle bleu d'ùche que ch'est écrit importation du 5/11/11. Si que je buque chu ches rectingles, j'ai eune fiche vierge de nouvieau contact, avec tout à compléter (nom, adresse électronique etc.) et les infos des contacts importés dins eune ferniête à droite, qu'elle dot être là pour y mettre des remarques qui n'ont rin à vir avec les noms et adresses....

J'ai essayé d'importer avec divers formats de fichiers, dont le CSV, et cha ne chinge rin.

J'ai même été vir au niveau des virgules dins le tableau excel du fichier csv... les rares adresses qui sont sorties à l'plache des lignes blanques au démoulache sont foque des adresses, sins les noms de ceux auxquels elles appartientent.

Frinchemint, je préfère l'allure de thunderbird. Mais pourquo qu'i s'a mis à déconner ch't'ojeau-là?

Te vos à quo qu'cha tient ed perte ses contacts... un bidouillache ed infreumatique et hop thuder l'ojeu y s'invole aveuc tous tes amis.. cha ch'est des misères hein!
Te veux qu'in t'invos nos zémiles pour nin perte contact à ch t'heure?

T'as cherché le carnet d'adresses Outlook..L'extension est WAB...

Allez Batisse cache commint te peux t'mette su' un' date de quind cha marchot......(même que t'as dit que ch'étot nin c**) t'artrouv'ras t'in thuder avec l'osiau !

Cha y est, j'ai résolu min problème.

Ch'est probablemint nin l'solution l'plus éléginte, mais cha marche...

J'ai mis internet explorer à l'plache de firefox in programme par défaut pour aller chu internénette cachi après cha qu'i a au bout d'un lien.

Et avec internet explorer, cha marche. Ne me demindez nin pourquo.

Alors valà, tous mes programmes favoris, comme ch'ti-chi is sont sous firefox, et si qu'i a des liens dins les sites, cha marchot et cha continue à marcher. Par contre, si que ch'est un lien dins un émile, min lordi i passe par un autre chemin dins le dos de firefox.

Ch'est magique l'informatique! Si que j'avos des cavux, is risquerotent de blanquir!

Ah, pour réponte à matante, sous windows 7 j'ai nin trouvé commint s'artrouver dins eune configuration d'avint. In dira cha qu'in veut, ch'est un tiot peu le brun quind même windows 7.

Tchand que je pinse que marcel i va s'y mettre aujord'hu, paufe garchon, cha va gueuler in patos dins sin quarti.... je l'indinds chuffler d'ichi!