Mes bieaux parints y vendottent des télés et pis y z'étottent aussi photographes dins les années 1960.

Tchin qui z'ont mis eune télé in vitrine, cha a attiré tout plein d'passants chu l'pavé et depuis l'intérieur du magasin, y z'ont figé ch'momint historique.
J'voulos vous partager cha pac que j'trouffe qui a d'l'émotion dins c't'imache....

Vous vous souvenez de vote première TV?

Mérilou, in 1960 l' télé ch'étot pus eune attraction. Té dos faire eune erreur d' 10 ans. Cha sérot plutot 1950.

. L' première fos qu' j'ai vu l' télé dins eune vitrine à Billy ch'étot chez Véreycken dins l' "Rue d' la gare" à l' époque, appelée "Rue des Fusillés" ach't'heure. . Cha devot ète dins les années 1950 si qu'mes souv'nirs sont exacts. J' ai acaté l' mien, l' premier télé, vers 1952 ou 1953. J' peux pas m' tromper, j' vénos de m'marier. I coûtot 80.000 anciens francs. Eune bielle somme à l' époque, comparée à nous salaire. Ch' étot un 36 cm noir et blanc Desmet . 36cm ch' est diminsion d' l'imache in diagonale.

. Véreycken étot un ami de min père d' pus lon,gtimps. Jé li ai démindé si que j' pouvos faire l' antenne et l' monter mi-même. "Bien sur, si tu veux, je vais t'en préter une, tu auras un modèle".

. Quand qu'j'ai vu commint qu'alle étot faite, aveuc des barres d' alu d' 20X3.....j' li ai démindé si qu' cha pouvot l' intéresser d' in faire pour li et combien i m' les acaterot........I m' donnos l' prix qu'il les payot, ch' est à dire, .....pour eune antenne, tros fos c' que j' gagnos aux Travaux Forchés par jour. J' li ai répondu ;"Pour ce prix la je vous les monterai". Et ch' est ainsi qu' j' ai fabriqué et monté des antennes jusqu' in 1960, quand qu'j' sus parti habiter dins l' Boulonnais. (In in montot parfos tros dins l' après midi, ).

. Non seul'mint j' montos les antennes mais j' dépannos les télé ! ! ! ( et les posses d' TSF). A ch't'heure, in pourrot pus, ch' est dévénu des usines à gaz, les télés.

... Pour in arvénir aux 36 cm qui marchotent fot bin, in a vu, à l' époque, apparaîte des "Grands Ecrans d' 51 cm" ! ! ! Que malheur, in dallot pas assez vite pour canger eune lampe, des PL81 (J' m'inrappelle core).....Alles claquotent les eunes après les zautes...

. Vous pinsez bin qu'in pourrot pus faire ch' carpin la in ch' momint. Ch' est eune époque révolue.

Après 1960, un 51 cm ch' étot dévnu courant. L' couleur s' apprétot à faire s' apparition. La, j' avos un posse bèche, un Barco aveuc eune télécommante. Pour canger d' chaîne 51cm, , i n' davot deux, i avot un arsort qui faijot un ding!!! sonore ...té sécouos un trousseau d' clés, l' télé alle cangeot d' chaîne ! ! !

Souv'nirs, souv'nirs ! ! ! ! Ach't'heure in a 22 chaînes gratuites , résultat in a 22 fos plus d' bêtisses qu' avant ! ! Mais in va pas crâcher dins l' soupe.

J' vas arcacher des photos ! ! !

Min premier posse d' télé in 1953 ou 1954 ? Un Desmet 36cm.

Ches posses la étotent montés près d' Lille, j' cros qu' ch' étot à Lesquin.



Vous armarquerez in passant l' carabine à barilet 9mm qu' j' avos faite. In faijot tout...

. L' photo a rété prisse dins un coron, au moyen ache..

Min deuxième posse un "Grand écran" 51 cm....par la suite les lampes alles claquotent pus....Dins les corons à Billy.

Qui qu'ch'est Josette?

Batisse, Josette ch'est première épouse décédée dins un accidint automobile in 1967.... Un drame bin sur. Alle faijot l' école aveuc mi au villache. Dins m' famile i a eu chinq victimes d' accidints d' la route....

Oh, désolé pour ma question sur Josette. Je ne pouvais pas deviner. Te ne m'in veux nin énon?

Pour in arvénir aux visses télés, in 71 j'ai acaté eune télé portable, pour m'accompagner dins m'chimbre de bonne que j'occupos à Beauvais pour min traval de l'époque.

Ch'étot eune télé branchée chu le courant mais portape dins s'tiote valisse. L'intenne ch'étot comme eune intenne de radio FM. I ne fallot nin être trop loin de l'émetteur, et i fallot des nerfs solites vu que ch't'intenne fil de fier elle étot sinsipe.

Cheule télé, ch'étot eune Sony. In fait, ch'est toudis eune Sony, vu que je l'ai incore. Ch'est du noir et blanc et l'diagonale d'écran elle n'étot nin imminse. Je diros moins de 30.

Vlà eune photo d'ùche qu'in l'vot:

I n' a rin d'mal Batisse. Ch' est pas un mystère.

...........

Ch' est sur que l' réception d' sur eune tiote antenne alle n' est pas terripe si té mal plaché par rapport à l' émetteur.

. Derrière un terril in avot des fos bin des misères à archévoir l' émission correctemint.....T' archos l' imache in direct plus chelles qui sont réfléchites par les opstacles comme des zautes terrils pas eximpe....les imaches réflexites arrifent in artard par rapport aux imaches archues directemint et alles provoquent "des fantômes"....

. Mi cha m'scie d' vire qu'in archot eune floppée d' émissions d' télé par les fils du téléphone.

. Mi cha m' scie d' vire qu'sur eune clé USB, aveuc un tiot bazard de rin du tout in peut mète in mémoire des dizaines d' films d' cinéma.

. Mi cha m' scie d' vire qu' ech peut parler et vire m' cousine qui habite à Chicago ..

.

. Les jeunes is sont jamlais sciés ! ! ! !

je m'rappelle qu'j'ai vu l'couronnemint de l'reine Elisabeth devant eune vitrine avec min père et i fallot juer des coudes tellemint i avot du monte. Après , j'allos vire l'piste aux étoiles chez eune voisine. Quanque j'me sus mariée in étot pas assez riche pour s'accater l'télé alors in allot au cinéma ; in arrivot à raviser ches épisodes de "au nom de la loi" avec steeve Mac Queen dins l'rue, devant eune vitrine du centre d'Beauvais, juste avant l'cinéma ; ch'est loin 1963 ! In s'a accaté l'premier poste in 1965 core pace que mes parints nous avotent prêté queques sous.

T'as crêchée à Beauvais aussi tisaute?

ouais de 1963 à 1969. Mes deux garchons sont nés là-bas

In n'arot nin pu se rincontrer: j'y étos de fin 71 à avril 73.

J'ouvros à la MFTC et je crêchos chez un marchind de légumes, dins eune avenue qui monte. I avot un poulailler in-dessous de min cassis et ch'étot interdit de faire de l'cuisine dins les champes. A m'mote que ch'est pindint cheule période que j'ai mingé le puq de steak hachés de gva de m'vie! Avec de l'salate... ou des chips!!!

Je chus resté au moins 30 ins sins artourner à Beauvais. J'y chus allé in mobylette, que ch'est plus facile à circuler et s'arrêter. Je n'ai absolumint rin arconnu!

Cha a devenu eune saleté de ville pour circuler...

Au début in restot dins eune rue pas loin de l'plache Jeanne Hachette. Huit mois sous ches toits pis après bel appart sur l'plateau pas loin d'el caserne, l'résidence Jeanne Hachette. In travaillot tous les deux dins eune grante entreprise d'construction , mi dins ches bureaux et m'n'homme sur l'chantier fallot construire ches fameusses barres d'immeubes qu'in dynamite d'nos jours, ben à l'époque ch'étot l'grand confort.

"La piste aux étoiles" In n' arot pas voulu rater cha pour un impire ! ! !

. La piste aux étoiles ! ! ! super ! ! ! pour l' époque ! ! !

aveuc Roger Lanzac?

Surtout avec Achille Zavatta!

Ouais, j' adoros Achille....

Jean Nohain ch'étot les 36 candelles

Exact.

Mérilou a écrit:

Jean Nohain ch'étot les 36 candelles

T'étos née?

Bon, d'accord, je m'in vas...

Non, les 36 candelles ch'est pos de m'n'âche mais j'conaichos Jean Nohain...
Arwette comme sin micro y étot gros ...

http://www.wat.tv/video/36-chandelles-jean-nohain-14nvx_2fgqp_.html

http://www.wat.tv/audio/generique-tv-musique-cirque-o1ho_2gxkb_.html

Rin que d'acouter le générique ed la piste aux étoiles.. min tcheur y buque plus fort: j'ai invie d'canter '' Demain j'ai nin écoooleeee!''
Ch'étot l'seule émission que j'pouvos raviser le soir sur les genoux ed min père.
Ch'étot les clowns que j'préféros et pis Roger Lanzac, y'avot eune bielle crole!

J'ai essayé de trouver eune vidéo de Zavatta in clown... i n'd'a nin (ou alors i faut acater toute eune piste aux étoiles chez ina). Ch'est étonnint énon?

La télé dins l' timps: La mire, à quo qu' cha sert ?

V' la eune question qu' alle est bonne.



J' vas essayer d' vous espliquer. La mire alle sert à contrôler l' qualité des imaches d' sur l' téléviseur.

Vous avez eune série d' pétites lines verticales aveuc des niméros.Alles définisssent l' nompe d' points par line que l' télé i peut rinte.avant qu' les lines alles is s'touchent et forment pus qu'eune line. In peut dire, l' télé i rind x points d' sur l' largeur d' l' écran....ou dins les coins. Les carrés noirs et blancs, ch' est pour vire et régler l' écran pour que les carrés is seuchtent pas rctangulaires, et les cherques ovales..

Si vous avez pas comprind,n' vous tracassez pas ch' est pasque j' ai pas bien espliqué. (l' photo originale étot pus nette que cha )

(documint via Marcel)

J'pourros nin dire in quelle année.....