Bon si vous marchez d'sus, faites le avec vot' pied gauche, cha donne cor pus d'bonheur.
Allez Bonne Fête du travale, mi j'va m'arposer, du moins j'cros, si min chef i m'trouff' pas quiquosse à faire pou m'occuper.
i y a des lauriers qui ont gélés ch't'hiver, qui sont tout jaunes et qu'i faut couper, j'pinse que j'vais y avoir drot.
Au fait in a pas d' brin d'muguet dins ch'gardin ch't'année, bizard.

J'vous souhaite eun' bonne fête de 1er Mai
in vous offrant ce tiot porte bonheur
Mi nan plus Marcel,i n'a pas dins ch'gardin.

Bon fête du traval....ch't'année cha m'accroche un doux sourire : ch'est l'début de l'premire année que j'travalle pu !
bon fête à tous les ceusses qui travallent ou qui ont travallé !

Ouai m'arv'là Bon 1er Mai à tertous .Amitieus'mint

Bonne jornée a tertous; aujourd'hui l'solele y'e arvenu aprés bonne pluie d'nuit dernière.
D'in l'gardin m'in muguet y'é tout fleuri d'puis 15 jours.

Un' bonne fête à tertous!
Cette année pas d'brin d'muguet d'un ch'terrain! Tout à gelé! mais le soleil est arr'vénu,mais por combien d'temps????
Su l'marché aux fleurs, les pépiniéristes nous attindotent à ch'tournant quant aux prix!
Tant pis por ches clochettes,cette année! IN s'contintra d'canter:"Il est revenu le temps du muguet comme.........." et j'ai acaté des bégonias, des surfinias, de quoi s'armonter l'moral! Mais ch'est vrai qu'l'odeur du muguet, cha va manquer

J'espère que vos avez passé tertous eune bonne journée
Nosautes in a passé l'journée avec des amis, après qu'chés hommes euchent fait eune sortie in vélo d'50 kms organisée dins l'villache d'à côté.
Ch'est mi qui faisot à minger et bin sur su m'tape j'avos mis un tiot bouquet d'muguet d'min gardin... hummmmmm cha sint bon !
J'ai quind même acaté queques brins à des tiots vojins qui passottent dins l'lotissemint, is étottent contints...

bin, nous in étot pon là ch'ouiquende...in a été s'arposer à la mer.
la mer du Nord....sin vint....s'pleufe...bon seul'mint eune jornée, après il a fait bon...heureus'mint!!

Reviens à la mer Camanette, t'as arpris l'solèle ! Corne de brume aujord'hu .....

Bon, ben un bon 2 mai à tertous! Hier j'étos nin à m'majon et j'avos nin d'accès à internénette.

J'ai jué au tarot tout le jour et j'ai incore rincontré eune personne hors du commun (un jone japonais in stache in France...). I a arrivé i a 6 mos sins connaître un mot de français. Je vous assure qu'à ch't'heure i domine. In puq ch'est un jap avec un sins de l'humour qu'in comprind. Ch'est rare...

Bon, à part cha, ch't'année m'jachère fleurie elle est bin arrosée après sin semache... cha devrot donner un résultat incore plus bieau que chu l'paquet!

Té sais juer au tarot Batisse?

Ben ouais. Cha t'épate?

Nosautes in a querre juer au tarot ! mais i a un bon momint qu'in a nin jué...
Ah ! chés parties d'tarot qu'in a fait avec Nougatine et min bieau frère !!! Que souvenirs ! L'paufe nougatine arrivot à faire perde sin calme à s'n'homme, et j'peux vos dire qu'i est calme min bieau frère !!! Heureusemint qu'in juot pou "du beurre". Qu'est ce qu'in a pu rire.... Infin surtout Nougatine et mi
Et quind j'juos avec min papa, cha aussi ch'étot des sacrées parties !!!!
Eune fos aussi in a jué avec des amis, à 5, et pou ceusses qui connaissent i faut faire appel au roi quind in jue à 5. Et m'copine faisot toudis appel au ro d'coeur... que des fos cha n'étot pas très judicieux, alors au bout d'un momint, s'n'homme, un tiot peu énervé, li deminde pouquo alle fait toudis appel au ro d'coeur et là l'copine répond "ben j'sais jamais quo cujir et j'aime bin l'ro coeur, alors..." . In a cru qu'in allot avoir l'drot à eune scène d'ménache

Ch'étot eun' question comme eun' aut', passe mi j'arrive à juer in direct sus un site, j'y passe ed timps timps des soirées.
Bon i in a qui sont pas bien bien corrects et minme impolis quique fos, quand cha va pas, mais j'ai querre juer.
Bon i y a un classement et et tout mais cha j'm'in fout.
Si vous voulez j'pourros vous donner l'adresse du site, i suffit d's'inscrire et d'juer.
Attintion ches garnoules i y in a qui drag'tent, je l'sais passe qu'avec min login is s'vat'ent pon si j'sus un garchon ou eun' file.

Loumarcel ch'est un nom qui peut faire pinser à eune guernoule?

Ah...

Marcel ch'est nin très féminin ou alors i faut avoir rudemint viré s'cuti.

Lou, à l'rigueur ch'est eune marque de soutifs, mais bon.... D'ailleurs cha existe incore cheule marque-là?

Si cha cha fait des histoires, quo qu'cha dot être avec le tiot bout et le gros bout alors?

Batisse, j'mets pas du Loumarcel tout partout