Ouais, in va causer de l'rintrée des classes!

Par hasard, j'ai été amené à rouler eune bonne chintaine de kilomètres in mobylette au travers de tiots villaches ch't'au matin, et cha coïncidot in gros avec l'heure de l'rintrée des classes.

Je ne parlerai que des gins qui amèntent lus afant à l'toute tiote école, à pids. Muillerd Polite que ch'est mignon. In se deminte souvint qui qu'ch'est qui est le plus fier: l'afant ou s'mère ou sin père qui l'accompagne. Des sourires d'eune orelle à l'autre chu l'tiête de tertous. Cha vous injolive eune journée eune séquo ainsi.

In puq, i faijot un timps superpe. Cha avot des tiots airs de jour de fiête.

A côté de cha, i a les nooooombreux bus de ramassache, qui pastent à 5 à l'heure chu les nooooooooombreux ralintisseurs. Cha ch'est casse pids!

Et pis ch't'au soir, i avot déjà des gugusses plus viux qui s'amusottent à juer à qui qu'ch'est le plus con. Par eximple, i n'd'a des qui faijottent des fus dins les caniveaux. Pour eux, i arot fallu qu'i pleufe!