|
Auteur | Message |
---|
Matante
Sexe : Date d'inscription : 28/12/2009 Messages : 781 au Nord
| Sujet: un ojiau dins m'cujine ! Dim 15 Avr 2012 - 21:03 | |
|
J'y comprinds rin ! Dins l'jornée j'ai bin intindu du bruit dins l'conduit de m'chaudière murale. Ch't'au soir, j'sors mes poubelles (j'in ai quate astheure) pour demain au matin et j'fais "l'petit train" : j'ouffe el porte" d'el véranda et j'fais passer tros poubelles (l'quatrième j'ai rin d'dins). J'ferme el porte d'el véranda et j'ouffe el porte d'el cujine, j'fais passer mes poubelles. J'ferme el porte d'el cujine et j'ouffe el porte du couloir...et quoque j'fais ? Bin ouais, j'fais passer mes tros poubelles ! J'ferme el porte de couloir et j'ouffe el porte d'el rue. J'descinds les tros marches du perron pour chaque poubelle. In rintrint, j'intinds d'el bruit dins m'cujine : un mauviard i s'cognot contre les murs ! Mais d'ouqu'i v'nait ? J'l'arros vu ou dins l'véranda pindint que j'fermos mes glins ou dins l'cujine....j'li ai ouvert l'porte de l'cujine et celle de l'véranda, i a pas d'mindé sins reste, i est parti tout drot à tout berzinque sins s'artourner ! Commint qu'i est rintré ? I a pas d'passache dins l'condut d'quéminée et l'chaudière ! Mystère, mystère.... |
|
| |
camanette
Sexe : Date d'inscription : 22/12/2009 Messages : 611 chef lieu du pas de calais
| Sujet: Re: un ojiau dins m'cujine ! Lun 16 Avr 2012 - 8:40 | |
|
in parlant d'mouviard, cha n'a rien à vire mais l'aut' jour j'étos amon d'des amis à wattignies (ouais dins l'NOOORD) ch'téléphone y sonne et min copain y dit: "ah y'a un coulon su l'trappe"....j'avos jamais intindu ch't'expression y m'a expliqué que cha datot de pindint la guerre, quand ché pigeons y partotent et revenottent aveuc des messages,y avot eune tiote cloquette su l'trappe de ch'pigeonnier pour indiquer qu'y z'étotent rintrés. savotent cha vous? |
|
| |
Roger
Sexe : Date d'inscription : 17/12/2009 Messages : 1281 Henin Beaumont
| Sujet: Re: un ojiau dins m'cujine ! Lun 16 Avr 2012 - 8:57 | |
|
- Citation :
- savotent cha vous?
Mi ouais! ichi dins chés cités minières,chés jueux d'coulons avottes leur pigeonnier dins ch'grenier min biau père qui étot coulonneu avot fait un système avec eun' sonnette d'porte,que quand ch'coulon rintrot de ch'concours dins l'pigeonnier cha sonnot in bas,i n'avot plus qu'à monter vite fait, et inl'ver l'bague de ch'pigeon et l'inregistrer dins ch'constateur,eun' fos tous ses pigeons intré et avoir inregistré chés bagues, i sin allot au siège des coulonneux pour faire inregistrer les arrivées d'ses coulons. |
|
| |
Matante
Sexe : Date d'inscription : 28/12/2009 Messages : 781 au Nord
| Sujet: Re: un ojiau dins m'cujine ! Lun 16 Avr 2012 - 13:00 | |
|
- camanette a écrit:
savotent cha vous? Mi j'l'ai toudis intindu quand in avot d'el visite à l'majon. Si ch'étot nin min père ch'étot monmère qui l'disot......ch'est vrai qu'in est de ch'NOOOORD ! |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: un ojiau dins m'cujine ! Lun 16 Avr 2012 - 21:36 | |
|
Alors là Camanette, te m'in bouches un coin d'avoit jamais intindu cha!
Heureusemint que te t'as mise à fréquinter des gins du 59... te vas incore apprinte eune masse de séquos tiote.
Finalemint, l'veine elle a mis du timps à arriver, mais te n'd'as! |
|
| |
tiote bellotte
Sexe : Date d'inscription : 22/12/2009 Messages : 3111 Dins le beaujolais (69)
| Sujet: Re: un ojiau dins m'cujine ! Mar 17 Avr 2012 - 11:11 | |
|
Mi aussi j''connos l'espression, mais j'sus 59 aussi, pis min grind père avot des coulons.... Matante, tin osieau i n'étot nin muché dins l'4ème poubelle ? Avec chés tiots bras musclés, i a soulevé l'couverque pou partir quind i a pinsé que té voulos y faire faire eune prounenate...
Vinguette 4 poubelles ! faut nin s'tromper... bon i dot y in avoir eune pou chés cartons, boutelles plastiques et papi, eune aute pou chés verres, eune aute pou chés déchets, mais l'4ème, j'vos nin ?... ah j'ai treuvé, eune muchette à osieau... |
|
| |
Loumarcel
Sexe : Date d'inscription : 26/12/2009 Messages : 1417 Prés de Montpellier
| Sujet: Re: un ojiau dins m'cujine ! Mar 17 Avr 2012 - 16:55 | |
|
Mi j'sus du 62 mais j'connaichos ch't'expression passe que dins min coron i y avot gramint d'coulonneux.
Cha s'disot quand un pigeon i rintrot, mais aussi quand qui y avot du monte à l'maison. |
|
| |
flersois
Sexe : Date d'inscription : 27/11/2010 Messages : 1886 Belgique
| Sujet: Re: un ojiau dins m'cujine ! Mar 17 Avr 2012 - 17:03 | |
|
- tiote bellotte a écrit:
- , mais l'4ème, j'vos nin ?... ah j'ai treuvé, eune muchette à osieau...
Mi aussi j's'ros curieux d'savir pourquo.... Dins ène estation balnéaire quo qui peut bin ète récupéré ???Les boutèles d'ambre solaire, y dot nin n'd'avir gramin in ch'momint... |
|
| |
Mérilou
Sexe : Date d'inscription : 12/01/2010 Messages : 737 Touraine
| Sujet: Re: un ojiau dins m'cujine ! Mer 18 Avr 2012 - 9:15 | |
|
Ch'est p'tête eune poubelle espéciale brun d'coulons ou brun d'mouettes pour l'culture biologique. |
|
| |
la clo
Sexe : Date d'inscription : 25/12/2009 Messages : 647 Brive la Gaillarde
| Sujet: Re: un ojiau dins m'cujine ! Mer 18 Avr 2012 - 10:32 | |
|
J'sus aussi du 62 et j'connaichos, min père y a eu des pigeons y avot un tiot grelot à l'trappe du pigeonnier et cha sonnot à chaque cop qu'un pigeon rintrot. |
|
| |
Kazimierz
Sexe : Date d'inscription : 05/04/2011 Messages : 491 ~~ Boyau Rouche 62430 ~~
| Sujet: Re: un ojiau dins m'cujine ! Jeu 19 Avr 2012 - 9:22 | |
|
[quote="flersois"] - tiote bellotte a écrit:
- , mais l'4ème, j'vos nin ?... ah j'ai treuvé, eune muchette à osieau...
Mi aussi j's'ros curieux d'savir pourquo.... quote] Ché p'tête ben pou vous faire babéler .... ou tot chimplemint i mette d'el verdure |
|
| |
Kazimierz
Sexe : Date d'inscription : 05/04/2011 Messages : 491 ~~ Boyau Rouche 62430 ~~
| Sujet: Re: un ojiau dins m'cujine ! Jeu 19 Avr 2012 - 12:10 | |
|
Qunint i fait bon l'porte d'el veranda est toudis ouverte , ben y a un merle qui in profite pou li rintrer i passe in sautillant pa'd'sous l'meupe de ch't'évier car ed l'aute côté i a l'gamelle de ch'cat i pique eun ou deux croquettes, pis s'in va comme i est v'nu ... |
|
| |
Contenu sponsorisé
| Sujet: Re: un ojiau dins m'cujine ! | |
|
|
| |
|