Min quien i a 10 ans mais i est alzeimer mais nan n'rigolez pas ch'est min vétérinaire qui m'l'a dit "vote quien et bin ch'est comme nous autes i a l'cerveau qui veillit mal ch'est comme chez l'homme l'maladie d'Alzeimer " Bin sur li i m'a dit cha in français Bin des fos i s'arrête dins l'maison mais i n'sait pus dusse qui dot d'aller ,obin i braie in n'sait pas pourquoi i grogne tout seu obin contre nous autes ... Mais comme i est pas mécant bin cha nous fait rigoler mais quand i s'artourne su s'gamelle sans rin minger là cha m'fait d'mau à min coeur commint cha va finir l'av'nir nous l'dira Minme si i arssemble à tous les autes frères quiens qui existent tant ia un mélanches d'races bin j'ai d'mau à min coeur parce qu'in si attache à ches tiotes biêtes Merci d'm'avoir lu j'avos b'soin d'vider min coeur

bin, ché quiéns y z'ont souvint des maladies d'humains, l'mien y étot epileptique et y est mort d'un AVC....
Min cat, y étot borgne, sourd et y avot l'sida du cat...ché biétes ché comme ché gins....surveilles le bien tin quién et pouchines le....cha y dot avoir quére

Min voisin, ch' étot ses poules qu'is zétotent malates, au lieu ponte un n'euf, alles pondotent un huit. Va-t-in vire.

Je ne rigolerai suremint nin de ti annesophie.

J'ai déjà été bin malheureux de vir eune bestiole nin dins sin état normal. Bon courache pour l'suite. 10 ins ch'est nin viux. Si? (j'y connos rin in quiens)

Nous, note Fox i a 14 ans et i est core in bon état. Faut dire aussi qu'i est pas usé, i s' a jamais arproduit. I a dû subir un traitemint des amygdales avant qu'in l' acate. Un jour un guss a vénu alle majon aveuc eune bielle jeune file Fox. In s'a mis à tape dins l' gardin in buvant eune bière pour assister au spectaque. I s' a rien passé.

Merci mes camarates cha recauffe min coeur un tiot peu . Batisse nan 10 ans ch'n'est pas viux min caniche i avot 15 ans quand in a du l'indormir mais i avot était attaqué par un boulle dogue eune paire d'années avant i n's'in étot jamais tout à fait armis .Là Coquin ch'est l'nom d'min quien in l'a eu dins un arfuge à coté d'Nîmes i avot foque 1 an obin 1 an et d'mi . Li nan pus avec nous autes i n'a jamais pus s'arproduire au refuge is l'avotent castré .

Ch' est vrai, les tchiens "d' marque", vindus, is sont castrés pour pas qu'in faiche du commerche au noir. Ch'est pas gratuit ches bestioles la.

J'te comprinds annesophie, mi quind min quien i est mort -j'étos partie in vagances avec mes grinds parints et j'ai appris s'mort à min artour - j'étos inconsolape, mes parints avottent du l'faire piquer, i avot attrapé eune sale maladie... Infin in peut dire qu'au moins les bêtes in n'les laisse nin souffir inutilement.
Alle avot grindit avec mi cheule quienne là, Sirette qu'alle s'appelot, j'y in avot fait vir d'toutes les couleurs, j'voulos in faire un quien d'cirque, j'la promenos dins min landeau à l'plache d'mes poupées, j'la faisos tenir assise et j'y faisos la classe... alle étot adorape...
Asteur j'ai un cat, j'l'ai querre min cat mais ch'est pas parel qu'un quien (infin pou mi)... mais comme j'l'ai déjà dit, mi j'ai querre les gros quiens (minimun taille labrador) et tint que j'garderai des tiots bin i aura nin d'quien dins l'majon, in s'sait jamais l'réaction du quien si qu'in li tire chés poils -tout gintil qui puche ête. Les cats eusses, si qu'is ont pas invie d'ête caressé bin is s'in vont s'mucher dins un coin.

i est dins eune couverture tin quien ? ou bin dins l'neiche ?

dins eune couverture quand on s' lefe l' matin i profite pour aller s' planquer dins l' lit in intindant que mi ou madame le sort
ché un Jack Russel i fait que des bêtisses .
dernière in date i a attrapé un berger allemand à s' gorche .
mais ché min quien ej l'ai querre.
comme ti tiote belote m' femme est assistante maternelle aux infants i n' leur fait rien.
quand ils le font c... i va s' planquer dins l' salle de bain, ou dins l' lit d' min garchon quand i travale

Les pétits viff'tent pus lontemps qu'ches grrands, tchiens tchiens ?

j'sus continte d'mesurer foque 1,58 m ! (l'premi qui dit au garrot i a eune margnouffe)

Meeeeuh non! T'es mimi.....

Merci à tertous eune gross baisse pour vote soutien et pis vote compréhension Tiote bellotte mi nan pus je n'sus pas bin grande in hauteur j'sus minme cor pus tiote que ti du cop in va vife vielles

Faisez vous pas d'bile. Tant qu' vous sérez pas pus larches que hautes cha ira core.

tiote bellotte a écrit:

j'sus continte d'mesurer foque 1,58 m ! (l'premi qui dit au garrot i a eune margnouffe)

Ch'est pou cha qu'te rigole tout seu

quint t'es dins l'pelousse

Pelousse fraîch'mint tondue.

Cha li catoule pas d' zous ses bras ? ?