batisse a écrit:

.. hier au soir j'avos été à min lit avec eune bouillotte. Hmmm ch'est agréape. Infin, si qu'in fait attintion, sinon i a vite fait de se brûler ses arpions. Ch't'au matin elle étot incore tiède. Du coup je l'ai laichie dins min lit. Ch't'au soir je vais la tcherre et, devinez quo... elle n'a rin trouvé de miux à faire que du fuir! Saleté!

Du coup min décapeur thermique i a arpris du service.

Je ne sais nin pourquo, mais j'ai un mauvais présintimint avec cheule vague de frod...

Té va récauffer tes arpions aveuc l'décapeusse thermique à tin lit?
Mi aussi j'ai un mauvais préssintimint...

Pour ,s' récauffer, un gros tchien ou tout simplemint eune couverture chauffante. Cha fuit pas ! ! et ch' est super efficace.



. "Qui ch' est qui a dit couque te aveuc eune finme.... Ene finme, ch' est toudis humite ! ! !

Pardon mesdames ! ! !

Mi aussi j' n'd'ai ène.........................couverture chauffante..à l'électrique, pas au gaz...

L'couverture à Batisse elle cauffe et elle gonfelle aux gaz...enfin, j'cros?

Gnagnagna! Ch'est malin...

Les couvertures cauffintes, j'ai nin trop confiince. Tchand que j'étos un tiot peu plus jone, i a grammint de viux qui sont morts brûlés vifs dins lu lit à cause de cha. Ou au moins des majons qui ont brûlé.

Mettre le fu à un lit avec eune bouillotte, ch'est plus dur! Surtout eune qu'elle fuit

Et pis in puq tertous i nous deminde de nin trop saquer chu l'compteur à l'éleuctrique parce qu'in ne produit nin assez.

Et un décapeur thermique dins sin lit, ch'est possipe que cha soche moins pire que les couvertures cauffintes.. mais je n'sus nin caute pour cheulle solution. A m'mote que ch'est nin innofinsif.
T'as qu'à mette tin caneçon turbo eleuctrique Damart.
J'ai foque eune question: y z'avottent quel âche les viux de tchin qu't'étos un tiot peu plus jonne?

Mais t'es déchaînée tisaute.

Is avottent au moins 50 ins! Et toc!

Bon, allez, je sais que t'es bénaiche d'avoir artrouvé tin manicraque, mais à l'occasion demain t'as école... faut pinser à aller faire dormir tes ys hein tiote.

In tous les cas, mi je serre tout et je vas à min lit.

Avec l'bouchon de m'bouillotte bin serré. Infin, j'espère...

bonne nuit...j'ai oeuvré le WE passé alors demain j'ai pas école ! j'va foque faire secouer m'tiête à l'ORL pour décoincer la bulle qui m'donne des vertiches tchin que j'sus à min lit... donc j'sus nin préssée d'aller à min lit.

te serre l'bouchon de t'bouillotte aveuc tes dints?... et si que te mettos de l'gnole, du Wambrechies ed dins te pourros t'récauffer au goulot au mitan de l'nut, même arfroidite.

Beurk! Même l'ieau qui in sort elle pue le cayoutchouc, alors du genièfe, hein...

Et pis comme i faudrot le cauffer, je me deminde quo qu'i resterot de bon dedins.

Bon, allez, je m'in vas...

Nous in s'plaint pas, alors qu'in a eu des -12/-13°, in sait qu'in est dins l'Sud et qu'in a pas l'drot de s'plainte.
Ben ouais, in a toudis (ou presque) du solèle

Pourtant dins chés combles ches tuyaux is étotent g'lés et in avot pus d'iau in haut dins s'qu'in a agrandi, j'me sus démer...é pou inringer le ch'milblic sans tout casser (du moins j'pinse), in verra in ar'métant tout in iau quand i gél'ra pus.

Les inquiquinemints is continutent! In début de semaine je m'étos dit qu'avint de partir in tournée, i fallot que je serre le robinet d'arrivée d'ieau. Surtout qu'i avot déjà un tuyau qui avot gelé.

Et eune fos parti je me chus rindu compte que je ne l'avos nin fait. J'étos inquiet... Tchand que je chus rintré, j'ai tout de suite été vir si qu'i n'avot nin de catastrophes. J'ai essayé deux tros robinets, dont ch'ti qui avot gelé. Tout fonctionnot. J'étos bénaiche!

Eune fos détindu, je vas pour me préparer eune séquo de caud à boire (i faijot 8 à l'majon) et j'ai intindu ploc ploc ploc.... i a un robinet, non gelé, qui gouttot, mais le bac in dessous i étot au mitan plein. Ch'est l'écoulemint qui avot gelé. Le goutte à goutte i a fait un glachon qui a gonflé tout duchemint dins le tuyau d'évacuation qui passe dins le mur. Tcheu brun pour réparer cha...

Avint cha, ch't'au matin j'ai pris un bain bin caud et après j'ai voulu me raser. I a sorti eune ieau toute rouillée du robinet, pis pus rin, à part un tiot filet de flotte. J'ai pinsé que j'étos sauvé vu que si l'ieau elle coulot un tiot peu, à un momint cha serot de l'ieau caute. Ouais bin du chuc. Au bout d'un momint i coulot de l'ieau caute, mais toudis un tiot filet. De l'rouille elle s'avot accumulée dins le robinet d'alimintation du meuble de salle de bain. Un robinet forchémint plachi à un indrot impossipe.

Je peux vous dire que j'ai déjà bertonné aujord'hu!

Quand qu'ch'est qu'i dégèle?

Armarquez, cha ne va nin être miux. I ara des barrières de dégel - ou pas...- et in va incore s'artrouver avec des routes comme des camps de mines.

Patienche, té vas bintôt avoir de l'chance, dins queques jours cha s'ra vindredi 13

Euh... t'es surte que t'as un calindrier de 2012?

Infin, apparemmint, in est aujord'hu samedi 11.

T'es mate cheftaine? T'in fais trop! Allez ch't'au soir au lit à 9h00...

valà c'que c'est d'acater eune boule d'cristal in soldes !!! in m'in a arfilé eune qui étot périmée...
bon cela dit, in avril i a un vindredi 13, alors d'ici là j'peux d'dire sin trop m'tromper que cha s'ra pet ête dégelé....

Pet être qu'elle dit, sins risque de se tromper...

Te n'd'es eune sacrée tisaute! T'es bin eune guernoule.

Eh bin mi j'sus bin contint, j'étos parti ène paire d'jours, l'majon elle étot sans chauffage, i'a foque chinq degrés dins l'maison mais i'a rin d'gelé, min fu à carbon i'est bin parti....

Te t'in es bin sorti alors!

M'mère elle dijot "i a de l'veine que pour les crapules"

Ichi in dirot qu'i fait du plus in plus frod. L'majon elle a de l'misère à récauffer. I faut dire que je couve eune séquo: j'ai un tiot peu de mau à m'gorche. Tout cha à cause d'un hôtel in Allemagne.

Je ne sais nin si que vous avez déjà dormi à l'hôtel in Teutonie, mais is ne font nin les lits comme nousautes. Is mont eune couette qui fait in gros l'taille du matelas - un tiot peu plus courte in fait. Du coup t'as vite fait de te réveiler pindint l'nuit avec tes pids qui déhutent.

Ch'est cha qu'i m'a arrivé. Tcheu brun. J'aros été bin miux dins min duvet....

C' qui nous faijot rigoler dins les corons, ch' est qu'les camarates polonais is pleumotent leus ojons tout vivants pour faire des maousses édredons. Après cha les ojons is courotent tout nus dins l' pouiller.

Batisse a écrit :

Citation :

mais is ne font nin les lits comme nousautes. Is mont eune couette qui fait in gros l'taille du matelas - un tiot peu plus courte in fait. Du coup t'as vite fait de te réveiler pindint l'nuit avec tes pids qui déhutent.

Pourquo........ te d'mintes ène champe d'enfant ?









In dot nin s'plainte, pindint ces dernis jourss, j'ai vu gramin d'gins dormir su les trottoirs...

te l'as pon toudis roulé in boule dins tin caméon, tin duvet? avec t'tente, tin bonnet à z'oréles, tin cache nez, l'clef de l'porte des ouaters etc...;etc...?

Gnagnagna!

Armarque que je l'avos pris quind même dinsmin caméon min duvet, in cas que je soche bloqué ichi ou là par l'neige ou un plaiji ainsi. Mais je t'avoue que j'ai nin pinsé à le printe avec mi in arrivint à l'hôtel... Cha arot pu faire mauvais ginre, cha qui dénote avec le personnache, soche dit in passint.

Ha bon?????

batisse a écrit:

Armarque que je l'avos pris quind même dinsmin caméon min duvet, in cas que je soche bloqué ichi ou là par l'neige ou un plaiji ainsi..

Cha existe un duvet assez grand pour ti ?...Un avec ène capuche ?...

Pas avec eune capuche cha va l'défriser.

Loumarcel a écrit:

Pas avec eune capuche cha va l'défriser.

Ah ouais, en plus i d'vrot faire des tros pour passer ses pis...