| Super timps pour dégivrer le congélateur | |
|
|
Auteur | Message |
---|
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Super timps pour dégivrer le congélateur Dim 5 Fév 2012 - 10:47 | |
|
Je l'ai fait hier. Cha faijot un momint qu'i n'd'avot beso... Tchand que j'ai vu le frod qu'i faijot, je me chus linchi. Ch'est rudemint pratique: in sort cha qui a dins le congélo et in le met à l'cour. Cha ne risque nin de récauffer bin vite! Vinguette, cha pince. Hier j'ai sorti l'mobylette. J'aros nin fait 100 km (i fatu dire que j'avos rin mis au-dessur de min budjine...). In arvénint je chus passé devint l'tiote cascade qu'i a dins le villache. Ch't'au matin j'ai été li printe sin portrait, juste pour vousautes. In va bétôt in sortir des truites congelées! |
|
| |
flersois
Sexe : Date d'inscription : 27/11/2010 Messages : 1886 Belgique
| Sujet: Re: Super timps pour dégivrer le congélateur Dim 5 Fév 2012 - 11:01 | |
|
Bin ouais mais si qu't'in congélateur i est nin dins ène pièce chauffée, i va nin vite dégivrer, c'mint qu'te fais alorsse ? Avec tin sèche-cheveux ??? |
|
| |
tiote bellotte
Sexe : Date d'inscription : 22/12/2009 Messages : 3111 Dins le beaujolais (69)
| Sujet: Re: Super timps pour dégivrer le congélateur Dim 5 Fév 2012 - 11:09 | |
|
- flersois a écrit:
- Avec tin sèche-cheveux ???
i dot nin avoir cha... cha y servirot à quo ? mi j'ai un congélateur à air pulsé, nin besoin d'dégivrache, ch'est pratique |
|
| |
tiote bellotte
Sexe : Date d'inscription : 22/12/2009 Messages : 3111 Dins le beaujolais (69)
| Sujet: Re: Super timps pour dégivrer le congélateur Dim 5 Fév 2012 - 11:14 | |
|
Chez nosautes i a une tiote mare aux canards à l'intrée de l'tiote cour qui mène à l'école primaire et à l'école d'musique, bin alle est gelée su l'mitan de s'surface, ch'est l'première fos que j'la vot ainsi, pourtint in a d'jà eu chés timpérature là, cha dot ête à cause de l'bise glaciale ! Infin in est cor loin du rhône et de l'saône gelés in 1956 et d'chés gins qui faisottent du patin d'sus, d'après cha que racontent les anciens d'ichi. |
|
| |
flersois
Sexe : Date d'inscription : 27/11/2010 Messages : 1886 Belgique
| Sujet: Re: Super timps pour dégivrer le congélateur Dim 5 Fév 2012 - 12:27 | |
|
Super temps au Touquet pour l'enduropale.... LE TOUQUET
Je l'vos à'l'télé.... |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: Super timps pour dégivrer le congélateur Dim 5 Fév 2012 - 14:52 | |
|
Euh... cheftaine, tes insinuations au sujet de l'utilité d'un sèche cheveux chez mi, hein, duchemint... Je t'in foutros mi!
In fait, à m'mote qu'i n'd'a un, pour m'file tchand qu'elle vient. Mais je n'ai jamais cachi après pour mi, ch'est vrai. Pour min bricolache, j'ai un vrai décapeur thermique
In ce qui concerne le dégivrage du congélateur, cha me prind un quart d'heure au maximum, avec eune raclette à dégivrer les pare brises. In visint bin le joint intre l'glache et l'paroi du congélo, i a des grintes plaques de glache qui s'in vont.
Après, i suffit de ramasser l'glache (avec l'raclette à l'invers cha va bin), de l'mettre dins un seau et hop, déhiors pour le dégel.
Le plus long ch'est de trier les séquos qu'i avot dedins. J'ai tché chu des vieuseries.... |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: Super timps pour dégivrer le congélateur Dim 5 Fév 2012 - 14:54 | |
|
Min patron i m'a appelé. Je chus in chômache techenique pour cause d'intimpéries. Ch'est nin du timps à mettre du vin déhiors, et incore moins de l'ieau. Or i a un cliint teuton qui a commindé eune palette d'ieau... |
|
| |
pépéPéBé
Sexe : Date d'inscription : 25/12/2009 Messages : 4646 Wimille 62126
| Sujet: Re: Super timps pour dégivrer le congélateur Dim 5 Fév 2012 - 16:38 | |
|
Té t' as pas trompé, ch' est pas eune palette d' glache ? |
|
| |
pépéPéBé
Sexe : Date d'inscription : 25/12/2009 Messages : 4646 Wimille 62126
| Sujet: Re: Super timps pour dégivrer le congélateur Dim 5 Fév 2012 - 16:43 | |
|
. Ichi in vot arriver des manchots. Cheux chi is sont daller acater eune séquo chez Daety. . Alors vantez vous pas qu'i fait frod chez vous. |
|
| |
flersois
Sexe : Date d'inscription : 27/11/2010 Messages : 1886 Belgique
| Sujet: Re: Super timps pour dégivrer le congélateur Dim 5 Fév 2012 - 17:06 | |
|
- pépéPéBé a écrit:
- Té t' as pas trompé, ch' est pas eune palette d' glache ?
Bin non, i va mette s'palette dins sin congélateur qui est éteint... Eh Pépé, i neiche incore dins tin coin ?? |
|
| |
pépéPéBé
Sexe : Date d'inscription : 25/12/2009 Messages : 4646 Wimille 62126
| Sujet: Re: Super timps pour dégivrer le congélateur Dim 5 Fév 2012 - 19:00 | |
|
Il ne neige pas du tout. Ila neigé la nuit dernière. |
|
| |
pépéPéBé
Sexe : Date d'inscription : 25/12/2009 Messages : 4646 Wimille 62126
| Sujet: Re: Super timps pour dégivrer le congélateur Dim 5 Fév 2012 - 19:05 | |
|
I n' da pas des parèles in Alsace. Is sont core sympas, i n' a pas à s' plainte. |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: Super timps pour dégivrer le congélateur Dim 5 Fév 2012 - 19:55 | |
|
Hier in dégivrint min congélo - et in le ringint - j'ai tché chu des glachons dins eune espèce de bouillotte compartimintée in feules de plastique. Ches glachons is dottent dater de Mathusalem.
Du coup je les ai mis dins un seyau et je m'ai dit qu'eune fos les glachons fondus, je pourrai mettre le plastique à l'poubelle exprès.
Ch't'au soir je chu artourné à min congélo et j'ai cru pouvoir récupérer le plastique de ch'machin à glachons. Ouais ben du chuc. Les glachons is sont toudis glachons. Du coup j'ai arwetchi combien qu'i fait dins min rez de chaussée/garage: -1°.
Comme i a des tuyaux là-dedins, j'ai alleumé un radiateur qui est là et qui ne sert absolumint jamais.
A ch'ju-là je vais devoir me lever cheule nuit pour archarger l'chaudière. I fait déjà -10° bin à l'abri.
In n'avot nin eu d'hiver jusque là, mais à ch't'heure in est dins l'périote de rattrapache! |
|
| |
la clo
Sexe : Date d'inscription : 25/12/2009 Messages : 647 Brive la Gaillarde
| Sujet: Re: Super timps pour dégivrer le congélateur Lun 6 Fév 2012 - 8:59 | |
|
j'ai jamais pinsé décongeler min congélateur in ch'momint mais te viens de m'donner l'idée de l'faire.
Nous ch'est parel un a mis un tiot peu d'chauffage dins l'sous-sol, avec un côté du sous-sol interré y avot formation d't'chiotes plaques d'glache su ches parpaings. In cange un tiot peu d'chauffache d'pièches in pièches dins l'sous-sol. |
|
| |
pépéPéBé
Sexe : Date d'inscription : 25/12/2009 Messages : 4646 Wimille 62126
| Sujet: Re: Super timps pour dégivrer le congélateur Lun 6 Fév 2012 - 9:01 | |
|
chi l' impérature alle armonte. moins 9 avant hier puis s moins 5 hier, aujord'hui zéro .. J' ai pas d'zoin dé t' dire qu i faut faire gaffe qu' les radiateurs des carrettes seuchent peotégés pour des températures aussi basses.. In pusse quand qu'in démarre, i faut y daller mollo au départ, l' métal frod peut casser net. Batisse té sais tout cha, bin sur, mais tout l' monte i l'sait pas. |
|
| |
Invité Invité
| Sujet: Re: Super timps pour dégivrer le congélateur Lun 6 Fév 2012 - 9:40 | |
|
ech matin, j'ai fait comme batisse,j'ai vidié min congel,et j'ai artrouvé eine buche glachée ed 2010 au caramel,ej sait pas si al est incore bonne,pis des légumes,el congel y dégèle pas fort,pourtant j'coupé ech courant hier après midi avec ech couverque ouvert,faut dire que dins l'cave y fait zéro degrès |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: Super timps pour dégivrer le congélateur Lun 6 Fév 2012 - 10:31 | |
|
Raclette à glache pour pare brise ch'duc. Chez Edouard cha vaut 1.5 roros le lot de deux! Avec cha, tin congélo i est net in 10 mineutes! Eune fos qu'i a été vudé... |
|
| |
Invité Invité
| Sujet: Re: Super timps pour dégivrer le congélateur Lun 6 Fév 2012 - 10:51 | |
|
pour inlever el glache ej me sert d'in couteau à enduire in meme temps cha m'sert ed pelle pour ramasser el glache,el viande qui avot in dessous ,ej vais l'passer al machine à patés , ej ferait cuire pour ches quiens, avec des légumes,ej vos pus ches dates sur ches paquets,.. |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: Super timps pour dégivrer le congélateur Lun 6 Fév 2012 - 11:07 | |
|
Mets tes leunettes de près alors.... |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: Super timps pour dégivrer le congélateur Lun 6 Fév 2012 - 17:13 | |
|
Cha ne s'arringe nin le frod ichi... et malgré tout i n'd'a des qui ne trouvtent rin de miux à faire que de dormir chu un glachon: Et demain je vas ouvrer quind même... tertous i est à sec et ne peut nin attinte. Du coup je vas dormir à l'hôtel, et in s'est mis d'accord pour pouvoir brincher un cauffache éleuctrique à l'intérieur de l'caisse du caméon pindint l'nuit. Euh... les commintes d'ieau et de bière elles ne seront nin livrées! |
|
| |
flersois
Sexe : Date d'inscription : 27/11/2010 Messages : 1886 Belgique
| Sujet: Re: Super timps pour dégivrer le congélateur Lun 6 Fév 2012 - 18:53 | |
|
Ché un héron sur l'deuxième photo, i dot nin treuver gramin d'guernoules in ch'momint.; |
|
| |
pépéPéBé
Sexe : Date d'inscription : 25/12/2009 Messages : 4646 Wimille 62126
| Sujet: Re: Super timps pour dégivrer le congélateur Lun 6 Fév 2012 - 19:22 | |
|
Par ichi i n' fait nin frod. ch' matin 1 degré. Ch' soir i arcomminche à argéler un tiot peu. cool Raoul |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: Super timps pour dégivrer le congélateur Lun 6 Fév 2012 - 19:23 | |
|
Ouais, ch'est un héron. I n'd'a tout plein.
A m'mote que cha ne minge foque que des guernoules. Cha pluque aussi les pichons dins les rivières et les piscicultures... sales biêtes qu'is distent les péqueux! |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: Super timps pour dégivrer le congélateur Lun 6 Fév 2012 - 19:32 | |
|
Profite pépé! Ichi cha a été eune journée "sins" comme in dit.
J'ai un tuyau d'arrivée d'ieau qui a gelé dins/contre un mur. Je n'd'ai chié comme un bleu à récauffer tout cha avec min décapeur thermique. Le tuyau i étot caud mais i a rin qui sortot.
Tchand que cha a sorti, cha a sorti rouillé...
Après cha, vu que je trouvos qu'i faijot plus frod que d'hab à l'intérieur, j'ai pinsé qu'i devot rudemint cailler déhiors. Pis non, -11 seulemint. Ch'étot l'chaudière qui n'd'avot marre de ronfler comme eune bienheureusse. In cauffint au bos in ne tisonne nin souvint... ben là i a fallu. Le hic ch'est qu'après cha elle bouffe comme ch'est nin permis.
Après, in continue... hier au soir j'avos été à min lit avec eune bouillotte. Hmmm ch'est agréape. Infin, si qu'in fait attintion, sinon i a vite fait de se brûler ses arpions. Ch't'au matin elle étot incore tiède. Du coup je l'ai laichie dins min lit. Ch't'au soir je vais la tcherre et, devinez quo... elle n'a rin trouvé de miux à faire que du fuir! Saleté!
Du coup min décapeur thermique i a arpris du service.
Je ne sais nin pourquo, mais j'ai un mauvais présintimint avec cheule vague de frod... |
|
| |
Mérilou
Sexe : Date d'inscription : 12/01/2010 Messages : 737 Touraine
| Sujet: Re: Super timps pour dégivrer le congélateur Lun 6 Fév 2012 - 19:55 | |
|
- batisse a écrit:
- .. hier au soir j'avos été à min lit avec eune bouillotte. Hmmm ch'est agréape. Infin, si qu'in fait attintion, sinon i a vite fait de se brûler ses arpions. Ch't'au matin elle étot incore tiède. Du coup je l'ai laichie dins min lit. Ch't'au soir je vais la tcherre et, devinez quo... elle n'a rin trouvé de miux à faire que du fuir! Saleté!
Du coup min décapeur thermique i a arpris du service.
Je ne sais nin pourquo, mais j'ai un mauvais présintimint avec cheule vague de frod... Té va récauffer tes arpions aveuc l'décapeusse thermique à tin lit? Mi aussi j'ai un mauvais préssintimint... |
|
| |
Contenu sponsorisé
| Sujet: Re: Super timps pour dégivrer le congélateur | |
|
|
| |
| Super timps pour dégivrer le congélateur | |
|