L'semaine passée y a un tiot jone qui rintrot à vélo l'soir à s'maison qui s'a artrouvé avec d'vant li inne vingtaine ed sangliers. Y a eu l'temps d'rintrer sain et sauf. Ches bestioles ale z'étotent arrivées dins l'lotissemint dins l'bourg de l'commune.
Inne battue a été organisée y in a 6 ed tués.
Non seulemint i font du dégât par du qui passetent mais i aurotent pu provoquer des accidints sur l'départemintale. Heureusement rien d'tout cha mais les gins qui restent au bord des bois i font attintion.
Jamais in avot intindu dire qui z'étotent deschindus (les sangliers hein pas ches gins) si bas et près d'ches masons

Cha chest cor un chasseur qui leur a donné à minger et in ar'venant à s'maison i a pas vu qu'sin sac ed maïs i étot troé, alors chés cochons, comme in dit par ichi, l'ont suivi jusque dins ch'villach.

Nan mais ch'est vrais qu'chés cacheux leur donnent à minger, pou les fixer dins leur zone ed chasse, et après is ditent qu'i y in a trop et is d'mintent des subventions pou les dégâts causés.
Enfin ch'est comme cha qu'cha passe par ichi.